Department of Trade

  စားသုံး သူများမှ ပေးလိုက်သည့် တန်ဖိုးနှင့် ရရှိလာမည့် တန်ဖိုးကို ချင့်ချိန်ရွေးချယ် တတ်စေရန် စားသုံးသူ အကာအကွယ်ပေးရေး ဥပဒေတွင် ပါရှိသည့် စားသုံးသူဆိုသည့် အဓိပ္ပာယ်၊စား သုံးသူ၏ အခွင့်အရေးများ ၊စားသုံးသူရ ပိုင်ခွင့်၊ တာ ဝန်နှင့် စားသုံးသူ ကာကွယ်ရေးနှင့် ပတ်သက်သည့် အသိပညာများ အဆက် မပြတ်ရရှိစေရေး ရည်ရွယ်ချက်ဖြင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်းရောင်းဝယ်ရေး နှင့်စားသုံးသူရေးရာ ဦးစီးဌာန ရန်ကုန်တိုင်းဒေ သကြီး ဦးစီးမှူးရုံးမှ တာဝန်ရှိသူနှင့် ဝန်ထမ်းများသည် ရန်ကုန်တိုင်း ကျန်းမာရေး ဦးစီးဌာန၊ မြန်မာနိုင်ငံ စားသုံးသူကြိုတင် ကာကွယ်ရေး အသင်းတို့နှင့်ပူးပေါင်း၍ ၂၀၁၄ ခုနှစ်၊ ဒီဇင်ဘာလ၂၄ ရက်နေ့လည် ၁၂ းဝ၀ နာရီ အချိန်တွင် ရန်ကုန် တိုင်းဒေသကြီး လှည်းကူးမြို့နယ်၊ အထွေထွေ အုပ်ချုပ်ရေးမှူးရုံး၊ အစည်းအဝေး ခန်းမတွင် စားသုံးသူ အကာအကွယ်ပေးရေး အကြောင်း သိကောင်းစရာများ ဟောပြောဆွေးနွေး ပွဲကျင်းပခဲ့ပါသည်။

   ဟောပြောဆွေးနွေး ပွဲတွင် ရန်ကုန်တိုင်း ကျန်းမာရေး ဦးစီးဌာနကိုယ်စား လှည်းကူးမြို့နယ်၊ ကျန်းမာရေး ဦးစီးမှူး ဒေါက်တာ ဦးတင်ဦးက ဈေးများတွင်ရောင်းချ လျက်ရှိသည့် သား။ငါး၊ အသီးအနှံ၊ မျှစ်တို့တွင် ဓာတုဆိုးဆေးများ အသုံးပြု ၍ ရောင်းချမှုများ ရှိကြောင်း၊ စားသောက်ကုန် ပစ္စည်း၊ လူသုံးကုန် ပစ္စည်းတို့တွင်  Label များပြုပြင်၍ နှစ်သစ်ကူး အရောင်းမြှင့်တင်ခြင်း များပြုလုပ်၍ ရောင်းချမှု များရှိ လာသဖြင့် စားသုံးသူများမှ တန်ရာ တန်ဖိုး ပေးဝယ်ယူခြင်းဖြစ် ၍ ဘေးဥပ ဒ်အန္တရာယ် ကင်းပြီး ကျန်းမာရေးနှင့် ညီညွတ်သည့် အစားအစာများကို ရွေးချယ် စားသုံးရန် လိုကြောင်း တိုက်တွန်းပြော ကြားခဲ့ပါသည်။

 ဆက်လက်၍ ရန်ကုန်တိုင်းဒေသကြီး ဦးစီးမှူးရုံး၊ လက်ထောက်ညွှန်ကြားရေးမှူး၊ ဦးမင်းသိန်းမှ နိုင်ငံတော်က ၂၀၁၄ ခုနှစ်၊မတ်လ ၁၄ ရက်နေ့တွင် ပြည်ထောင်စု လွှတ်တော်ဥပဒေအမှတ် ၁၀ဖြင့် စားသုံးသူ အကာ အကွယ်ပေးရေး ဥပဒေ ကိုပြ ဌာန်းခဲ့ပြီးဖြစ်၍ ဌာနအနေဖြင့်  ဥပဒေပြဌာန်း ချက်များကို ပြည်သူများ သိရှိအောင် အသိပညာပေးမှုများ ဆောင်ရွက်လျက်ရှိကြောင်း၊ ထို့အပြင် စားသုံးသူများ၏ နစ်နာမှုကို ဖြေရှင်းပေးရန်နှင့် စားသုံးသူ အကာအကွယ်ပေးရေး ဗဟိုကော် မတီမှ ပေးအပ်သော တာဝန်များကို ဆောင်ရွက်ရန်၂၀၁၄ ခုနှစ်၊အောက်တိုဘာလ ၂၀ရက်နေ့တွင် ရန်ကုန်တိုင်း ဒေသ ကြီး၊စားသုံးသူအငြင်းပွားမှုဖြေရှင်းရေး အဖွဲ့ ဖွဲ့စည်းပြီးဖြစ်ကြောင်း၊ အဆိုပါအဖွဲ့ကို အထောက် အကူပြုနိုင်ရန် ထုတ် ကုန်များလုံခြုံစိတ်ချရမှုဆိုင်ရာ လုပ်ငန်းကော်မတီနှင့် စားသုံးသူတိုင်ကြားမှု လက်ခံဆောင်ရွက်ရေးလုပ်ငန်းကော်မတီတို့ ကိုဖွဲ့စည်းနိုင်ရေး ဆောင်ရွက်လျက်ရှိကြောင်း ၊စားသုံး သူများမှပေးလိုက်သည့်တန်ဖိုးနှင့် ရရှိလာမည့် တန်ဖိုး အညီအမျှရရှိရန် စားသုံးသူအကာအကွယ် ပေးရေးဥပဒေတွင်ပါရှိသည့် စားသုံးသူအခွင့်အရေး ၊ရပိုင်ခွင့်များ၊ တာဝန်များကို သိထားရန်ဖြစ် ကြောင်း၊  စားသုံးသူကို အန္တရာယ်ဖြစ်စေသော အစားအစာ၊ လူသုံးကုန်ပစ္စည်း၊ ဝန်ဆောင်မှု နှင့်ပတ် သက်၍ မက်လုံးပေးကြော်ငြာခြင်း၊  စီးပွားရေး လုပ်ငန်းရှင်များ လိုက်နာရမည့် တားမြစ် ချက်များ အကြောင်း၊  စားသုံး သူပြည်သူများ သိရှိလိုက်နာဆောင်ရွက် သင့်သည့် အချက်များကို  အကျယ်တဝင့် ရှင်းလင်း ပြောကြား ခဲ့ပါသည်။

     မြန်မာနိုင်ငံစားသုံးသူကြိုတင်ကာကွယ်ရေးအသင်း၊အတွင်းရေးမှူးဒေါ်ခင်စန္ဒာမှ ထုတ်လုပ်သူ များက စီးပွားရေးတစ်ခုတည်းကိုသာကြည့်ပြီး လုပ်ကိုင်လာ၍ စားသုံးသူပြည်သူများ ဘေးဥပဒ်အန္တ ရာယ်ဖြစ်မှုများ ရှိခဲ့ကြောင်း၊အစားအစာများကို ပလတ် စတစ်အိတ်ဖြင့် ထည့်၍အသုံးပြုခြင်း၊ ချက်ပြုတ် ရာတွင် ပြန်ကြော်ဆီများ အသုံးပြုခြင်းကြောင့် ကင်ဆာရောဂါများ တိုးပွားလာ ခြင်းဖြစ် ကြောင်း၊ စားသုံးသူပြည်သူများမှ အကြောင်းအရာ အမျိုးအစားအလိုက် စားသုံးရာတွင် ရွေးချယ် တတ်စေရန် အသင်းမှ အသိပညာပေး မှုများ လှည့်လည် ဆောင်ရွက် လျက်ရှိသည့်အခြေ အနေများကို အသေးစိတ်  ဟောပြောဆွေးနွေးခဲ့ပါသည်။

 ဟာပြောဆွေးနွေးပွဲသို့  ရန်ကုန်တိုင်းဒေသကြီး ဦးစီးမှူးရုံးမှ အရာထမ်း ၊အမှုထမ်းများ၊ မြို့နယ် ကျန်းမာရေး ဦးစီးဌာနမှ တာဝန်ရှိသူ ၊မြန်မာနိုင်ငံ စားသုံးသူကြိုတင်ကာ ကွယ်ရေးအသင်း အတွင်း ရေးမှူးနှင့်နှစ်ဦး၊မြို့နယ် အတွင်းရှိ အထွေထွေ အုပ်ချုပ်ရေး ဦးစီးဌာနမှ ဝန်ထမ်း များ၊မြို့နယ် အတွင်း ရှိဌာနဆိုင်ရာများ၊ မြို့နယ် အထောက်အကူပြု အဖွဲ့ဥက္ကဋ္ဌ၊ ရပ်ကွက်/ကျေးရွာ အုပ်ချုပ်ရေးမှူးများ စုစုပေါင်း (၁၁၁)ဦး တက်ရောက်ခဲ့ ကြောင်း သတင်းရရှိပါသည်။

မိုးမိုးကြည်(စားသုံးသူ)ရန်ကုန်

ဧရာဝတီ တိုင်းဒေသကြီးအတွင်း မအူပင်၊ ပုသိမ်၊ မြောင်းမြမြို့များရှိ ဈေးများအတွင်း ရောင်းချနေသော စားသောက်ကုန်များတွင် စားသုံးသူပြည်သူ လူထုအတွက် ဘေးအန္တရာယ်ဖြစ်စေသော ဓါတုဆေးဝါးများ၊ စားသုံးရန် မသင့်သော ဆိုးဆေး များ ပါဝင်မှုရှိ/ မရှိ၊ နယ်လှည့် Mobile Van ဖြင့်ကွင်း ဆင်းစစ်ဆေးခြင်း ဆောင်ရွက်ခဲ့ရာမှာ ဧရာဝတီ တိုင်းဒေသကြီး အစား အသောက်နှင့် ဆေးဝါးကွပ်ကဲ ရေးဦးစီးဌာန၊ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန၊ သက်ဆိုင်ရာ မြို့ နယ်စည်ပင် သာယာရေးအဖွဲ့၊ ကျန်းမာရေးဦးစီးဌာန၊ မွေးမြူရေးနှင့် ကုသရေး ဦးစီးဌာနနှင့် မီးသတ်တပ်ဖွဲ့မှ ဝန် ထမ်းများ ဝိုင်းဝန်း ပါဝင် ကူညီဆောင်ရွက် ခဲ့ပါတယ်။ဧရာဝတီတိုင်းဒေသကြီး အတွင်းရှိ မျှင်ငါးပိ၊ ငါးငပိ၊ ပုစွန်ချဉ်၊ ပဲပြား၊ ချဉ် ဖတ် ၊ပုစွန်ခြောက်၊ အရောင်တင်မှုန့်၊ လက်ဖက်၊ ဂျင်းနှပ်၊ ပဲနို့အချိုရည်၊ ဂျယ်လီ၊ ဒေသထွက်အချိုရည်၊ ဝေဖာမုန့်၊ မုန့်ဆမ်း၊ ဆီးယိုထုပ်၊ မက်မန်းသီးထုပ်၊ မျှစ်၊သကြားချောင်း၊ ချက် နို့ဆီ၊ ဝက်အူချောင်း၊ ဝက်အူလုံး၊ ကြံသကာ၊ ထန်းလျက်၊ ငရုတ် သီးမှုန့်၊ ငရုတ်ဆီ၊ နနွင်းမှုန့် စသည့်စားသောက်ကုန်များ နမူနာရယူစစ်ဆေးခြင်းနဲ့ တားမြစ်အလှကုန်ပစ္စည်းများဖြစ်သော Polla မိတ်ကပ်၊ Baschi မိတ်ကပ်များ သိမ်းဆည်းခြင်း၊ အခြားအလှကုန်ပစ္စည်းများ နမူနာရ ယူစစ်ဆေးခြင်း များဆောင် ရွက် ခဲ့ကြတယ်လို့ သတင်းရရှိ ပါတယ်။

     CONSUMER AYEYAR

မန္တလေး မူဆယ်လမ်းကြောင်း တလျှောက်ရှိ အေးရှားဝေါလ် တိုးဂိတ်အခြေပြု Mobile Team လရ-၁ အဖွဲ့သည် ဒီဇင်ဘာလ၂၁ ရက်နေ့တွင် မူဆယ်မှ မန္တလေးလမ်းကြောင်းအတိုင်း မောင်းနှင်လာတဲ့ ဂျူတီယာဉ် အမှတ် (3G/xxxxx )သည် လရ-၁ ယာဉ်စစ်ဆေးရာနေရာသို့ ဝင်ရောက်စစ်ဆေး ခံခဲ့ရာမှာ အဆိုပါ ယာဉ်ပေါ်တွင် အကောက်ခွန်ပေးဆောင်ထားတဲ့ အရေအတွက် ထက်ပိုမိုတင် ဆောင်လာတဲ့ (၁ x ၁၆) ကီလိုပါ ပန်းသီးဖာ ၁၀၀ ကို လရ-၁ အဖွဲ့မှ စစ်ဆေးတွေ့ ရှိသိမ်း ဆည်းခဲ့ရ တယ်လို့ သတင်းရရှိပါတယ်။ အဆိုပါ အကောက်ခွန်ဆောင်ထား သည့်အရေအတွက်ထက် ပိုမိုတင်ဆောင် လာတဲ့ ပန်းသီးများကို အကောက်ခွန် အမှုတွဲဖွင့်လှစ်ပြီး လုပ်ထုံး လုပ်နည်းနဲ့ အညီဆက်လက် ဆောင် ရွက်လျက်ရှိတယ်လို့ သိရပါတယ်။   

     DCCA  DCCA

၂၀၁၄ ခုနှစ် နိုဝင်ဘာလ ၁၃ ရက်မှ၁၉ ရက်တာကာလအတွင်း မြန်မာ- တရုတ်နယ်စပ်ရှိ မူဆယ်၁၀၅ မိုင် ကုန်သွယ်ရေးဇုန်မှ ကန်ဒေါ်လာ သုညဒသမ ဝ၄၄ သန်းတန်ဖိုးရှိ နနွင်းတတ် ၇၇ တန်ခွဲကို တင်ပို့ခဲ့ပါတယ်။ ယခင်ရက်သတ္တပတ်က မူ ဆယ်မှ ၅၁ တန်ခွဲနဲ့ မြဝတီမှ၂၁ တန်သာ တင်ပို့ခဲ့တာမို့ ယခုရက်သတ္တပတ်မှာ နနွင်းတက်တင်ပို့မှု ၅ တန်ပိုမိုလာပါတယ်။ မူဆယ်နယ်စပ်မှ တင်ပို့တဲ့ နနွင်းတက်တွေ ကတော့ ရှမ်းစနဲ့ ကျောက်ဆည် နနွင်းတွေဘဲဖြစ်ပါတယ်။                 

မော်မော်အောင်   MIRT (DCCA)

       ဒီဇင်ဘာလ တတိယပတ်ဖြစ်တဲ့ ၁၃ရက်မှ ၁၉ရက် ထိကာလအတွင်းမှာ မြန်မာ-တရုတ်နယ်စပ်မှ ကန်ဒေါ်လာ ၁၁ ဒသမ ၅၀၂ သန်းတန်ဖိုးရှိ ဆန်တန်ချိန် ၃၁၃၀၆ ကျော်ကို မူဆယ် ၁၀၅မိုင် ကုန်သွယ်ရေးဇုန်၊ လွယ်ဂျယ်နဲ့ ချင်းရွှေဟော် စခန်းများမှ တင်ပို့ခဲ့ရာ မူဆယ် ၁၀၅ မိုင်မှ ငစိန် ၁၆၉၃၀ တန်၊ ဧည့်မထ ၉၀၂၂ တန်ကျော်၊ လွယ်ဂျယ်မှ ဧည့်မထ ၄၉၃၄ တန်၊ ချင်းရွှေဟော်မှ ဧည့်မထတန် ၄၂၀ အသီးသီး တင်ပို့ခဲ့တာဖြစ်ပါ တယ်။

      အဆိုပါ စခန်းများမှပင် ဒီဇင်ဘာလ တတိယပတ်အထိမှာ တစ်ဖက် တရုတ်နိုင်ငံကို ကန်ဒေါ်လာ ၃၆ ဒသမ ၈၀၄ သန်းဖိုးရှိ ဆန်တန်ချိန် ၁၀ဝ၂၂၁ ကိုတင်ပို့နိုင်ခဲ့ပါတယ်။ အခုလိုတင် ပို့နိုင်ခြင်းဟာ မြန်မာနိုင်ငံမှာ အိမ်ရှင်အဖြစ်လက်ခံ ကျင်း ပခဲ့တဲ့ အာဆီယံ အစည်း အဝေးများမှာ ညှိနှိုင်းသဘော တူညီချက်အရ တရုတ်နိုင်ငံက မြန်မာဆန်ကို တရားဝင် လက်ခံလိုက်ပြီဖြစ်လို့ နိုဝင်ဘာလမှစပြီး ဆန်တင်ပို့မှု တိုးတက်လာခြင်းဖြစ်ပါတယ်။ နိုဝင်ဘာလတစ်လလုံးမှာ ဆန်တန်ချိန် ၈၂၀၇၇ တန်တင် ပို့နိုင်ခဲ့ပြီး ယခုဒီဇင်ဘာ လအတွင်းမှာတော့ တတိယပတ်အထိကို တန်ချိန် တစ်သိန်းကျော် တင်ပို့ နိုင်ပြီဖြစ် ပါတယ်။ ဆန်အပြင် ဆန်ကွဲကိုလည်း မူဆယ်မှ ၇၃၈၃ တန်ကျော်၊ လွယ်ဂျယ်မှ တန်၄၀ တင်ပို့နိုင် ခဲ့ပြီး ကောက်ညှင်း ဆန် ၄၆၈ တန်ကျော်ကိုလည်း မူဆယ် စခန်းမှပင် တင်ပို့နိုင်ခဲ့ ပါသေးတယ်။

    ယခုနှစ်မှာ မြန်မာနိုင်ငံမှ ဆန်တန်ချိန် ၁ သန်းကျော် တင်ပို့နိုင်မယ်လို့ မျှော်မှန်းထားကြောင်း၊ ယခုလို မျှော်မှန်း ရတာကလည်း တရုတ်ကို ဆန်ပြန်လည် တင်ပို့ခွင့်ရတာရယ်၊ ဥရောပသမဂ္ဂနိုင်ငံ များသို့ပါ တင်ပို့ခွင့် ရတာရယ်ကြောင့်လို့ သိရပါ တယ်။

    ယဉ်ယဉ်အေး  MIRT (DCCA)