Department of Trade

တနင်္လာနေ့ ၁၈ ဖေဖော်ဝါရီလ ၂၀၁၃ 15:21 PM

၂ဝ၁၃ ခုနှစ်ရဲ့ ပထမလ ဖြစ်တဲ့ ဇန်နဝါရီ လမှာ ဗီယက်နမ် နိုင်ငံမှ ကန်ဒေါ်လာ သန်း ၂ဝ ကျော် တန်ဖိုးရှိ ပုစွန် တန်ချိန် ၆ဝဝဝ ကို တင်ပို့ နိုင်ခဲ့ပါတယ်။ ယမန်နှစ် ကာလတူထက် နှစ်ဆ ပိုမို တင်ပို့ ခဲ့တယ်လို့ သိရပါတယ်။ ပုစွန်ဈေးများမှာ အရွယ် အစားပေါ် မူတည်ပြီး ပြောင်းလဲ လျက်ရှိပါတယ် -

                                                            ဒေါ်လာ/ကီလို

ကျားပုစွန်            ၂ဝ ကောင်/၁ ကီလို       ၁၁.၅            ၁၃.၄

                           ၃ဝ ကောင်/၁ ကီလို        ၇.၇၀           ၈.၆၀

                           ၄ဝ ကောင်/၁ ကီလို                          ၇.၂ဝ

ပုစွန်ဖြူ                ၄ဝ ကောင်/၁ ကီလို                          ၆.၂၅

                           ၅ဝ ကောင်/၁ ကီလို                          ၅.၅၈

                            ၆ဝ ကောင်/၁ ကီလို                         ၅.၂၉

ယခု အချိန်ဟာ ပုစွန် ရာသီချိန် ကုန်ခါနီးပြီ ဖြစ်တဲ့ အတွက် ပုစွန် ထွက်ရှိမှုဟာ လျော့နည်း လာပြီလို့ ဒေသခံ ပုစွန် မွေးမြူ သူများ ထံက သိရှိရ ပါတယ်။

Source :Tvoi Tre News --- CMK

ကြာသပတေးနေ့ ၇ ဖေဖော်ဝါရီလ ၂၀၁၃ 15:55 PM
အိမ်နီးချင်း ထိုင်း၊ အိန္ဒိယ စတဲ့ နိုင်ငံတို့မှ သစ်ခွ (Orchids) များအား ကုမ္ပဏီ လုပ်ငန်းရှင်များ နယ်စပ် ကုန်သွယ်မှု နည်းလမ်း အရ သွင်းကုန် လိုင်စင်နဲ့ တင်သွင်း မယ်ဆိုလျှင် သစ်တော ဦးစီးဌာန၊ ပတ်ဝန်း ကျင်ထိန်း သိမ်းရေးနဲ့ သစ်တော ရေးရာ ဝန်ကြီး ဌာနရဲ့ CITES ပါမစ် ရယူ ဆောင်ရွက်ရန် လိုအပ်ကြောင်းနဲ့ သစ်ခွမျိုးစိတ် များကို ယခင် အပတ်က ဖော်ပြ ပေးထားပြီး ဖြစ်ပါတယ်။ ယခု အပတ်မှာတော့ CITES ပါမစ် ထုတ်ပေးခြင်း နဲ့ပတ်သက်တဲ့ စည်းမျဉ်း စည်းကမ်းများ Article III ကို ဖော်ပြ ပေးလိုက် ရပါတယ်။ တင်ပို့ မယ်ဆိုလျှ CITES Appendix I မှာ ပါဝင်တဲ့ မည်သည့် သစ်ခွ မျိုးစိတ်ကို မဆို တင်ပို့ မယ်ဆိုလျှင် ကနဦး ထောက်ခံချက်နဲ့ ပါမစ် လျှောက်ထားရတဲ့ အကြောင်းကို ဖော်ပြ ပေးဖို့ လိုအပ်မှာ ဖြစ်ပါတယ်။ ပို့ကုန် ပါမစ် ထုတ်ပေးနိုင်ရန် တင်ပို့ ခွင့်ပြုတဲ့ မျိုးစိတ်ရဲ့ ရှင်သန် တည်တံ့မှုကို မထိခိုက်နိုင်ကြောင်း တင်ပို့တဲ့ နိုင်ငံရဲ့ သိပ္ပံ ဆိုင်ရာ ထောက်ခံချက် ပေးတဲ့အဖွဲ့ (ScientificAuthority)ကို ရှင်းလင်း တင်ပြရန်၊ တင်ပို့ ခွင့်ပြုရမဲ့ မျိုးစိတ်ကို စုဆောင်းရာမှာ တင်ပို့မဲ့ နိုင်ငံရဲ့ အပင်နဲ့ အကောင် (Fauna & Flora) တို့ကို ကာကွယ် ထိန်းသိမ်းရန် ထုတ်ပြန် ထားတဲ့ ဥပဒေများနဲ့ ဆန့်ကျင်မှု မရှိကြောင်း စီမံ အုပ်ချုပ်ရေး အဖွဲ့သို့ သေချာစွာ ရှင်းလင်း တင်ပြရန်၊ သက်ရှိ မျိုးစိတ်များအား တင်ပို့မယ် ဆိုလျှင် အဆိုပါ သက်ရှိ မျိုးစိတ်များအား ဒဏ်ရာ ရရှိနိုင်မှု ကျန်းမာရေး ယိုယွင်း ပျက်ပြား နိုင်မှုနဲ့ ယဉ်ပါးစေရန် ထိန်းကျောင်းမှု များမှာ ထိခိုက်မှု အနည်းဆုံးနဲ့ ပြင်ဆင် တင်ပို့မယ် ဆိုတာကို စီမံ အုပ်ချုပ်ရေး အဖွဲ့သို့ ရှင်းလင်း တင်ပြရန်နဲ့ တင်ပို့မဲ့ မျိုးစိတ် အတွက် လက်ခံမဲ့ နိုင်ငံရဲ့ သွင်းကုန် ပါမစ် တရားဝင် ခွင့်ပြုချက်အား တင်ပို့မဲ့ နိုင်ငံရဲ့ စီမံ အုပ်ချုပ်ရေး အဖွဲ့ကို တင်ပြရန် လိုအပ်မှာ ဖြစ်ပါတယ်။
တင်သွင်း မယ်ဆိုလျှင် Appendix I မှာ ပါဝင်တဲ့ မည်သည့် မျိုးစိတ်ကို မဆို တင်သွင်းမယ် ဆိုလျှင် ကနဦး ထောက်ခံချက် Import Permit တင်ပြချက်နဲ့ Export Permit သို့မဟုတ် Re-export Permit များ တင်ပြရန်လို အပ်ပါတယ်။ Import Permit ထုတ်ပေး နိုင်ရန်၊ လိုအပ်ချက်တွေ ကတော့ တင်သွင်းမဲ့ ရည်ရွယ်ချက်ဟာ တင်သွင်းမဲ့ မျိုးစိတ်ရဲ့ ရှင်သန် တည်တံ့မှုအား ထိခိုက်မှု မရှိကြောင်း တင်သွင်း ခွင့်ပြုမဲ့ နိုင်ငံရဲ့ သိပ္ပံ ဆိုင်ရာ ထောက်ခံချက် ပေးတဲ့ အဖွဲ့သို့ ရှင်းလင်း တင်ပြ ထားပြီး ဖြစ်ရန်၊ တင်သွင်းခွင့် ပြုရန် လျှောက်ထားတဲ့ မျိုးစိတ် အတွက် သင့်တင့် လျောက်ပတ်သော နေရာ ထိုင်ခင်း၊ ပြုစု စောင့်ရှောက်မဲ့ အစီအစဉ်များအား တင်သွင်း ခွင့်ပြုမဲ့ နိုင်ငံရဲ့ သိပ္ပံဆိုင်ရာ ထောက်ခံချက် ပေးမဲ့ အဖွဲ့က ကျေနပ် လက်ခံနိုင်တဲ့ စီစဉ် ထားရှိမှုမျိုး ဖြစ်ရန်၊ တင်သွင်းမဲ့ မျိုးစိတ်ဟာ စီးပွားရေး အကျိုး အမြတ်ရမဲ့ လုပ်ငန်း အတွက် အဓိက ရည်ရွယ်မှု မရှိကြောင်း တင်သွင်းခွင့် ပြုမဲ့ နိုင်ငံရဲ့ စီမံ အုပ်ချုပ်မှု အဖွဲ့ကို ရှင်းလင်း တင်ပြ ထားပြီး ဖြစ်ရန် လိုအပ် ပါတယ်။
CITES Appendix II မှာ ပါဝင်တဲ့ မျိုးစိတ်များကို တင်ပို့ တင်သွင်းရာ မှာလည်း Appendix I မှာ ပါဝင်တဲ့ မျိုးစိတ်များကို တင်ပို့ တင်သွင်းတဲ့ အတိုင်း လိုက်နာရ မယ်လို့ CITES Article IV မှာ ဖော်ပြ ထားပါတယ်။ ပိုမိုတဲ့ အချက်ကတော့ ပြည်ပကို တင်ပို့ ခွင့်ပြုထားတဲ့ မျိုးစိတ်များနဲ့ အမှန် တကယ် တင်ပို့မှု ကိုက်ညီခြင်း ရှိ/ မရှိကို နှစ်နိုင်ငံ စလုံးရှိ သိပ္ပံ ဆိုင်ရာ ထောက်ခံချက် ပေးတဲ့ အဖွဲ့က ကြပ်မတ် စစ်ဆေးရန်ပဲ ဖြစ်ပါတယ်။
တင်ပို့ ခွင့်ပြုထားတဲ့ မျိုးစိတ်များဟာ ၎င်းတို့ ရှင်သန်နေတဲ့ ဂေဟ စနစ်များမှာ ဆက်လက် ရှင်သန် တည်တံ့ရန် လိုအပ်တဲ့ အတွက် တင်ပို့ရန် ကန့်သတ် သင့်ကြောင်းနဲ့ Appendix I သို့ ထည့်သွင်းရန် လိုအပ်တဲ့ အနေအထားကို ရောက်ရှိ နေပြီလို့ သိပ္ပံဆိုင်ရာ ထောက်ခံချက် ပေးတဲ့ အဖွဲ့က ဆုံးဖြတ် ခဲ့မယ်ဆိုလျှင် ကန့်သတ် နိုင်ရန် စီမံအုပ် ချုပ်ရေး အဖွဲ့သို့ အကြံပြု တင်ပြ သွားရမယ် လို့လည်း ပြဌာန်း ထားပါတယ်။
Appendix II မှာ ပါဝင်တဲ့ မည်သည့် မျိုးစိတ်ကို မဆို တင်သွင်းမယ် ဆိုလျှင်တော့ Export Permirt သို့မဟုတ် Re Export Permit ထောက်ခံချက် လက်မှတ် ကနဦး တင်ပြရမယ်လို့ CITES Article IV စာပိုဒ်-၄ မှာဖော်ပြ ထားကြောင်း နယ်စပ်မှ သစ်ခွကို နယ်စပ် ကုန်သွယ်မှု နည်းလမ်းနဲ့ ကုန်သွယ် လိုသူများ သိရှိနိုင်ရန် အသိပေးလိုက် ရပါတယ်။
Source: နကသ (ဦး) မူဝါဒ >>> ပန်

ကြာသပတေးနေ့ ၇ ဖေဖော်ဝါရီလ ၂၀၁၃ 14:39 PM

ဇန်နဝါရီလ ၂၇ ရက်နေ့ နံနက် ဝ၃း၄ဝ ချိန်မှာ နကသ (လရ-၂) အဖွဲ့ဟာ ယာဉ်အမှတ် ၈ဆ/xxxx အား Manifest ပါ ပစ္စည်း အလေးချိန် ဖော်ပြ ထားချက်နဲ့ ကိုက်ညီမှု မရှိနိုင်ကြောင်း သံသယ ဖြစ်တဲ့ အတွက် ပစ္စည်းများအား အသေးစိတ် ချစစ်ရာမှာ ID ထက် ပိုမို တင်ဆောင် လာတဲ့ အောက်ဖော်ပြပါ အချိုရည် ဖာ ၂၃ဝ စစ်ဆေး တွေ့ရှိရတဲ့ အတွက် သိမ်းဆည်းပြီး အကောက်ခွန် လုပ်ထုံး လုပ်နည်းနဲ့ အညီ ဆောင်ရွက် ထားပြီး ဖြစ်တယ်လို့ သတင်းရ ရှိပါတယ်။

Orange Juice          ၁ဝဝ ဖာ

Cantaloupe Juice       ၄၅ ဖာ

Strawberry Juice       ၈၅ ဖာ

အလားတူ ဇန်နဝါရီလ ၃ဝ ရက်နေ့မှာ ဘားအံမှ ဝင်ရောက် လာတဲ့ ၂၂ ဘီးယာဉ် ၄ယ/xxxxxxx နဲ့ ၄ယ/xxxx (၂) စီးနဲ့ သယ်ဆောင် လာတဲ့ ကွဲျရိုင်း အချိုရည် များကို သွင်းကုန် ကြေငြာလွှာနဲ့ တိုက်ဆိုင် စစ်ဆေးရာမှာ ပိုမို ပါရှိလာတဲ့ ကွဲျရိုင်း ၃၃၃ ကဒ် တန်ဖိုး အားဖြင့် ကျပ် ၂၄ သိန်း နီးပါးဖိုးအား သိမ်းဆည်းပြီး အကောက်ခွန် လုပ်ထုံး လုပ်နည်းနဲ့ အညီ ဆောင်ရွက်ထား ပြီးဖြစ်တယ်လို့ သိရပါတယ်။ အဆိုပါ ၂၂ ဘီးယာဉ် ကားကြီး (၂) စီးနဲ့ သယ်ဆောင် လာတဲ့ သွင်းကုန် ကြေညာလွှာပါ ကြေညာ ထားတဲ့ ကွဲျရိုင်းများမှာ ၈၃၆၇ ကဒ်သာ ပါရမှာ ဖြစ်သော်လည်း အမှန် တကယ် တင်ဆောင် လာမှု ၈၇ဝဝ ကဒ်ဖြစ်တဲ့ အတွက် အပို သယ်ဆောင်လာမှု ၃၃၃ ကဒ်ကို တွေ့ရှိ သိမ်းဆည်းခဲ့ ရတာဖြစ်ပါတယ်။

Source: လရ-၂ >>> MTN

တနင်္လာနေ့ ၄ ဖေဖော်ဝါရီလ ၂၀၁၃ 15:05 PM

ထိုင်းနိုင်ငံမှာ ဓာတ်ဆီနဲ့ gasohol ပန့်ဈေးများ ၂ဝ၁၃ ခုနှစ် ဇန်နဝါရီလ ၃၁ ရက်နံနက် ၅ နာရီက စပြီး ၁ လီတာကို ဝ ဒသမ ၅ဝ ဘတ်နဲ့ E- ၈၅ အမျိုးအစားကိုတော့ ၁ လီတာကို ဝ ဒသမ ၃ဝ ဘတ်မြှင့်တင် လိုက်တယ် လို့ PTT က ကြေငြာချက် ထုတ်ပြန်ခဲ့တာ ဖြစ်ပါတယ်။ ဒီဇယ်ဆီ ဈေးနှုန်းများတော့ ပြောင်းလဲမှု မရှိဘူးလို့ သိရပါတယ်။ ဘန်ကောက်နဲ့ ဘန်ကောက် ပတ်ဝန်းကျင် ပြည်နယ်များမှာ ၃၁- ၁- ၂ဝ၁၃ နေ့က စပြီး ပြောင်းလဲ သွားတဲ့ ဓာတ်ဆီ ဆိုင်ပန့် ဈေးများကို ဖော်ပြပေး လိုက်ရပါတယ် -

ဘတ်/လီတာ

ဓာတ်ဆီ            ၉၅ ၄၆.၇၅

gasohol           ၉၅ ၃၈.၃၃

gasohol           ၉၁ ၃၅.၈၈

gasohol E -      ၂ဝ ၃၂.၈၈

gasohol E -      ၈၅ ၂၁.၉၈

ဒီဇယ်              ၂၉.၇၉

ဗီယက်နမ် ဘက်ကို ကြည့်ပြန်တော့ ဘဏ္ဍာရေး၊ စက်မှုနဲ့ ကုန်သွယ်ရေး ဝန်ကြီးဌာန များက ဇန်နဝါရီလ ၂၈ ရက်နေ့မှာ ဓာတ်ဆီ လက်ကား ဈေးများ တိုးမြှင့်ခြင်း မလုပ်ကြရန် ပန်ကြား လိုက်တယ်လို့ သိရပါတယ်။ ကမ္ဘာ့ ဈေးကွက်မှာ ဓာတ်ဆီဈေး ဆက်တိုက် တက်နေတဲ့ အတွက် ဗီယက်နမ်မှာ ဈေးလိုက် မတက်စေရန် ဖြစ်တယ်လို့ ဘဏ္ဍာရေး ဝန်ကြီး ဌာနရဲ့ ထုတ်ပြန်ချက် အရ သိရှိရ ပါတယ်။ ဗီယက်နမ် ပြည်တွင်းမှာ ဓာတ်ဆီ ၉၂ ရွမ် (၉၂ Rom သာ) ၁- လီတာကို ဗီယက်နမ် ဒေါင် ၂၉၇ ရှိပြီး ၂ဝ၁၂ ခုနှစ် ဒီဇင်ဘာလ ၂၇ ရက်မှ ၂ဝ၁၃ ခုနှစ် ဇန်နဝါရီလ ၁၃ ရက်ထိ ကမ္ဘာ့ ဈေးကွက် ပေါက်ဈေးထက် နိမ့်နေတာ ဖြစ်ပါတယ်။ ရေနံဆီနဲ့ လောင်စာဆီ တို့အကြား ဈေးနှုန်း ကွာခြားမှု ကတော့ ၁ လီတာကို ဗီယက်နမ် ဒေါင် ၁၈၄ မှ ၂၁၆ ထိရှိ နေပါတယ်။ စက်ဆီချောဆီ တည်ငြိမ်ရေး ရန်ပုံငွေမှ ရေနံထွက် ပစ္စည်းများကို ၁ လီတာလျှင် ဗီယက်နမ် ဒေါင် ၅ဝဝ ထိ ထောက်ပံ့ပေး ထားတဲ့ အတွက် လက်လီ ဈေးနဲ့ပြည်ပမှ တင်သွင်းတဲ့ ဈေးကြား ဟန်ချက်ညီ စေလျက်ရှိပြီး ဈေးကွက် တည်ငြိမ်စေလျက် ရှိတယ်လို့ Dtinews မှာ ဖော်ပြထားပါတယ်။

Source: dtinews.com >>> CMK

တနင်္လာနေ့ ၄ ဖေဖော်ဝါရီလ ၂၀၁၃ 15:46 PM

ထိုင်းနိုင်ငံမှ ခေါက်ဆွဲခြောက် အများဆုံး ထုတ်လုပ်တဲ့ Thai President Food PLC (TF)ဟာ ဘူတန်နိုင်ငံမှာ မာမား တံဆိပ် ခေါက်ဆွဲခြောက်များ ဖက်စပ် ထုတ်လုပ်ရန် ဘူတန် အစိုးရထံမှ သဘော တူညီချက် ရရှိရေး ကြိုးစား ဆောင်ရွက် လျက်ရှိပါတယ်။ ဘူတန် အစိုးရထံမှ သဘော တူညီချက် ရရှိမယ်ဆိုလျှင် ဟိမဝန္တာရဲ့ အရှေ့ပိုင်းရှိ ကုန်းတွင်းပိတ် နိုင်ငံမှာ ပထမဆုံး ဖွင့်လှစ်တဲ့ ထိုင်းကုမ္ပဏီ ဖြစ်လာမှာပါ။ TF ရဲ့ အကြီးတန်း အရာရှိချုပ်ဖြစ်သူ Pipat Painengvate ကတော့ ဖက်စပ် ကုမ္ပဏီ ထူထောင်နိုင်တာနဲ့ အမျှ အိန္ဒိယသို့ တင်ပို့ရန် အတွက်လည်း အလားအလာ ကောင်းတစ်ခုကို ရရှိလာမယ်လို့ ဆိုပါတယ်။

ထိုင်းကုမ္ပဏီ အနေနဲ့ ဘူတန် အစိုးရထံကို ရင်းနှီးမြှုပ်နံှမှု ဆိုင်ရာ အဆိုပြုချက်ကို တင်ပြ ထားပြီး ဖြစ်ကြောင်းနဲ့ သဘောတူ/ မတူ ဆုံးဖြတ်ချက် ရရှိရန် ၃-၄ လခန့် စောင့်ဆိုင်းရမယ်လို့ ဆိုပါတယ်။ Mr.Pipat က စက်ရုံ တည်ဆောက်ရေး လုပ်ငန်းများကို ဘူတန် အစိုးရထံမှ ခွင့်ပြုချက်ရပြီး တစ်နှစ် အတွင်းမှာ အပြီး ဆောင်ရွက်မယ်၊ ပြည်ပသို့ တင်ပို့ နိုင်ရေးဟာ မာမားရဲ့ စီးပွားရေး အခွင့် အလမ်းသစ် ဖြစ်ပြီး ပြည်တွင်းမှာ စားသုံးမှု ဖူလုံပြီ ဆိုလျှင် ဆက်လက် တိုးမြှင့် ဆောင်ရွက် သွားမယ်လို့ ပြောကြားခဲ့ ပါတယ်။

ဖက်စပ် ကုမ္ပဏီဟာ ရင်းနှီးမြှုပ်နံှငွေ ကန်ဒေါ်လာ ၈ သန်းခန့် လိုအပ်မှာဖြစ်ပါတယ်။ TF က ၆၆ ရာခိုင်နှုန်း၊ ဘူတန် အခြေစိုက် စီးပွားရေး လုပ်ငန်းကြီးများက ၂၅ ရာခိုင်နှုန်းနဲ့ ကျန် ၉ ရာခိုင်နှုန်းကို TF ရဲ့ မိတ်ဖက် ကုမ္ပဏီကြီး ၃ ခုက ထည့်ဝင် သွားမယ်လို့ သိရပါတယ်။ ဘူတန်မှာ ဆောင်ရွက်မဲ့ အကောင်အထည် ပေါ်လာတာနဲ့ တပြိုင်နက် အိန္ဒိယမှ ဆောင်ရွက်နေမှုကို ရပ်နား တော့မယ်လို့ Mr.Pipat က ပြောပါတယ်။ အိန္ဒိယမှာ ဖက်စပ် ဆောင်ရွက်မှု လုပ်ငန်းများက အချို့သော အဟန့် အတား များကြောင့် အောင်မြင်ခြင်း မရှိကြောင်းနဲ့ အိန္ဒိယကြိုက် အရသာကို မှီရန် လိုအပ်ချက်များ ရှိနေသေးတယ်လို့ ဖော်ထုတ် ရရှိထားတယ်လို့ Mr.Pipat က ဆိုပါတယ်။

ဘူတန် နိုင်ငံမှ အိန္ဒိယသို့ တင်ပို့မယ်ဆိုလျှင် မည်သည့် ပစ္စည်းမဆို အကောက်ခွန်မဲ့ တင်ပို့ခွင့်ကို ယခုနှစ်က စပြီး ရရှိနေပြီဖြစ် ပါတယ်။ တည်ဆောက်မဲ့ စက်ရုံရဲ့ ကုန်ထုတ် စွမ်းအားဟာ ၁ မိနစ်ကို မာမား ခေါက်ဆွဲခြောက် အထုတ် ၃ဝဝ ထုတ်လုပ်နိုင်မှာ ဖြစ်ပြီး ထုတ်လုပ်မှု အများစုကို အိန္ဒိယသို့ တင်ပို့ သွားမှာဖြစ်ပါတယ်။

ထိုင်းကုမ္ပဏီ TF အနေနဲ့ စီမံကိန်း အဆိုပြုချက် ရပြီဆိုတာနဲ့ ထိုင်းနိုင်ငံထုတ် မာမား ခေါက်ဆွဲခြောက်များကို ဘူတန်သို့ တင်ပို့ပြီး ထိုမှတဆင့် အိန္ဒိယသို့ တဆင့် ပြန်လည် တင်ပို့မှု (Re-export) ကို အကောက်ခွန်မဲ့ ဆောင်ရွက်ခွင့် ရရှိတော့မှာလို့ Mr. Pipat က ပြောပါတယ်။ TF ဟာ ကိုယ်ပိုင် ဂံျုစက်ရှိတဲ့ အတွက် ဂံျုဈေးများ ကြီးမြင့် သော်လည်း ၎င်းတို့ရဲ့ ထုတ်လုပ်မှု စရိတ်ကို ထိန်းထားနိုင်တာ ဖြစ်ပါတယ်။ အနာဂတ်မှာ စုစုပေါင်း မာမား ထုတ်လုပ်မှုရဲ့ ၇၅ ရာခိုင်နှုန်းကို အထုတ်ပုံစံနဲ့ ထုတ်လုပ်ပြီး ကျန် ၂၅ ရာခိုင်နှုန်းကိုတော့ ခွက် (Cup Noodles) နဲ့ ထုတ်လုပ်သွားမယ်လို့ သိရပါတယ်။ ရောင်းအားလည်း ယခုနှစ်မှာ ၁ဝ ရာခိုင်နှုန်းခန့် တက်လာမယ်လို့ မျှော်မှန်းထားတယ်လို့ သိရပါတယ်။

Source:The Hindubusiness >>>CMK