Department of Trade

တနင်္လာနေ့ ၂၁ ဇန်နဝါရီလ ၂၀၁၃ 10:41 AM 

၂၀၁၃ ခုနှစ်၊ ဇန်နဝါရီလ ၅ ရက်တွင် ထိုင်း နိုင်ငံ လေကြောင်း ဦးစီဋ္ဌာန Airports of Thailand (AOT) စက်မှု နည်းပညာ ဦးစီး ဋ္ဌာနရဲ့ ဒုတိယ ဥက္ကဋ္ဌ၊ Senior Executive vice President Engineering Construction and Acting President ၊ ဆောက်လုပ်ရေးနှင့် လုပ်ငန်း ဖော်ဆောင်ရေး ဋ္ဌာန ဥက္ကဋ္ဌ Somchai Sawasdeepon မှ ပြီးခဲ့သော နှစ်က ထိုင်းနိုင်ငံ အတွင်းရှိ လေဆိပ် (၆)ခု ဖြစ်သော သုဝဏ္ဏ ဘုမ္မိ (suvarnabhumi)၊ ဒွန်းမောင်း (Dong Meaung)?၊ ချင်းမိုင် (Chiang Mai)၊ ဖူးခက် (Phuket)? ဟရိုင်း (Hatyai) နှင့် ချင်းရိုင်း (Chiang Rai) စသော လေဆိပ် များ၌ အသုံးပြုသူ ခရီးသည် စုစုပေါင်း ၇၄ သန်းကျော် ရှိရာတွင် လေယာဉ်စီး ခရီးသည် ၄၈ သန်း ခန့်မှာ ထိုင်းနိုင်ငံသားများ မဟုတ်ကြောင်း ပြောကြား ခဲ့ပါတယ်။ လေဆိပ် ၆ ခုတွင် ဆင်းသက် ခဲ့သော လေကြောင်း ခရီးစဉ် (၄၉၆၇၄၉) အနက် (၂၇၅၄၂၂) မှာ နိုင်ငံတကာ လေကြောင်း ခရီးစဉ်များ ဖြစ်ပြီး သုဝဏ္ဏဘူမိ လေဆိပ် တစ်ခုတည်း၌ပင် ခရီးသည်ပေါင်း ၅၁ ဒသမ ၄၆၂ သန်း ရှိခဲ့ကာ လေကြောင်း ခရီးစဉ် ပေါင်း ၃၁၂၄၉၃ ပျံသန်း ခဲ့ကြောင်း ထိုင်းနိုင်ငံ လေကြောင်း ဦးစီးဋ္ဌာန (AOT) ထုတ်ပြန် ကြေငြာချက်ကို ကိုးကားပြီး ပြောကြားခဲ့ ပါတယ်။

ဆက်လက်ပြီး လေဆိပ် တိုးချဲ့ရေး စီမံကိန်းများနဲ့ ပတ်သက်ပြီး ၂၀၁၁-၂၀၁၇ ခုနှစ်၊ ဖွံ့ဖြိုးရေး ဘတ်ဂျက် အရ သုဝဏ္ဏဘူမိ လေဆိပ် တိုးချဲ့မှု ဒုတိယ အဆင့် အဖြစ် အဆောက် အဦ ဒီဇိုင်း ပုံကြမ်း ရေးဆွဲခြင်း လုပ်ငန်း အပေါ် လေလံပွဲ တစ်ရပ် ကျင်းပပေးရေး အတွက် လိုအပ်သော လုပ်ထုံး လုပ်နည်း ပိုင်းဆိုင်ရာ အချက် အလက်များအား အသေးစိတ် စိစစ်ပြီး ညွှန်ကြားချက်များ ထုတ်ပြန်ရန် အမြဲတမ်း အတိုင်ပင်ခံ ခန့်အပ်ခြင်း၊ ယာယီ အကျိုးတူ ပူးပေါင်း ဆောင်ရွက်ရေး အဖွဲ့ ဖွဲ့စည်းခြင်း များအား (ဗဥွှ) မှ လုပ်ဆောင် ခဲ့ပြီး ဖြစ်ကြောင်းနဲ့ အဆိုပါ လေလံပွဲ အနိုင်ရ ကုမ္ပဏီ အနေဖြင့် လာမဲ့ ဧပြီလမှာ အဆောက် အဦ ပုံကြမ်း တင်ပြပေးရန် လိုအပ်တယ်လို့ သိရပါတယ်။

အဆောက် အဦ ပုံကြမ်း ရေးဆွဲမှုမှာ ခရီးသည် နားနေဆောင်၊ အများသုံး ဝန်ဆောင်မှု စနစ်နဲ့ လူထု ဆက်သွယ်ရေး စနစ် စတဲ့ စီမံကိန်း (၃)ရပ် ပါဝင်ရမဲ့ အပြင် ကန်ထရိုက်များနဲ့ ဆောက်လုပ်ရေး လုပ်ငန်းခွင် စစ်ဆေးရေး အဖွဲ့ များကိုလည်း လာမဲ့ ဩဂုတ်လ အတွင်း ငှားရမ်း ခန့်အပ် သွားရန် စီစဉ် ထားတယ်လို့ သိရပါ တယ်။ လေဆိပ်ရဲ့ ဝန်ဆောင်မ ပေးနိုင်စွမ်းနဲ့ စပ်လျဉ်းပြီး လေဆိပ် တိုးချဲ့ရေး ၄ နှစ် စီမံကိန်း အပြီး ၂၀၁၄ ခုနှစ် အရောက်မှာ ဖူးခက် လေဆိပ်ဟာ ၁၂ ဒသမ ၅၀ သန်း အထိ ဝန်ဆောင်မှု ပေးနိုင်စွမ်း ရှိလာမယ်လို့ မျှော်မှန်း ထားပါတယ်။ လက်ရှိ အချိန်မှာ ခရီးသည် ၆ ဒသမ ၅၀ သန်းကို ဝန်ဆောင်မှု ပေးလျက် ရှိကြောင်း၊ ဒွန်မောင်း လေဆိပ် ဖွံ့ဖြိုးရေး အစီအစဉ်တွင် ခရီးသည် နားနေဆောင် ၂ ခုမှ နားနေဆောင် ၅ ခု၊ အထပ် ၅ ထပ်ပါ ယာဉ်ရပ်နား အဆောက်အဦနဲ့ လူထု ဆက်သွယ်ရေး စနစ်များ ပါဝင်ကြောင်း၊ ၂၀၂၆ ခုနှစ်အထိ နိုင်ငံတကာ စံချိန်စံညွှန်း ပြည့်မီသော တစ်နည်း အားဖြင့် ခရီးသည် ၂၇ ဒသမ ၅၀ သန်းထိ ဝန်ဆောင်မှု ပေးနိုင်စွမ်း ရှိသော လေဆိပ် အဖြစ်သို့ အဆင့်မြှင့်တင် ပေးသွားမယ်လို့ Somchai Sawasdeepon က ပြောကြားခဲ့ကြောင်း M.O.C.T Online News မှာ ဖော်ပြ ထားပါတယ်။

Source: M.O.C.T Online News မြင့်ရှိန် (မြဝတီ)

သောကြာနေ့ ၁၈ ဇန်နဝါရီလ ၂၀၁၃ 15:10 PM

အိန္ဒိယ အစိုးရသည် ပြည်တွင်း စက်မှု လုပ်ငန်းများကို အကာ အကွယ်ပေးရန် တရုတ်နိုင်ငံမှ တင်သွင်းသော သံမဏိ ပစ္စည်း အချို့ အပေါ် သွင်းကုန်ခွန် ၂ဝ ရာခိုင်နှုန်း စတင် ကောက်ခံ သွားမည်ဟု ဇန်နဝါရီလ လဆန်းပိုင်းမှာ ထုတ်ပြန်ခဲ့ ပါသည်။

သံမဏိ အဆင့် ၃ဝ၄ မှ ထုတ်လုပ်သော သံပြား အလိပ်များ၊ ခရိုနီယမ် သို့မဟုတ် နီကယ် ၆ ရာခိုင်နှုန်း နှင့် အထက် ပါရှိသော သံမဏိ အဆင့် အားလုံး အပေါ် ပြည်တွင်း ထုတ်လုပ်မှု များအား အကာ အကွယ် ပြုသော ဂျူတီ (Safeguard duty)ကို စည်းကြပ် သွားမည်ဟု သိရသည်။

Motilal Oswal Securities မှ ဝါရင့် ဒုတိယ ဥက္ကဌ၊ Sanjay Jain က အိန္ဒိယတွင် အဆင့် ၂ဝဝ အမျိုး အစား သံမဏိ ပစ္စည်းတွင် ယှဉ်ပြိုင်မှု များစွာ ရှိပြီး အဆင့် ၃ဝဝ အမျိုးအစား နှင့်မူ ယှဉ်ပြိုင် ထုတ်လုပ်မှု မရှိကြောင်း၊ အဆင့် ၃ဝ၄ အမျိုးအစား သတ္ထုသည် အရည် အသွေး ကောင်းမွန်ပြီး ဈေးလည်း ကြီးမြင့်ကြောင်း ပြောကြားခဲ့သည်။

ဇန်နဝါရီလ ၇ ရက်နေ့တွင် ဝန်ကြီး ဌာန ဝက်ဘ်ဆိုဒ်၌ အဆင့် ၃ဝ၄ အမျိုးအစား၊ ခရိုနီယမ် သို့မဟုတ် နီကယ် ၆ ရာခိုင်နှုန်းကျော် ပါဝင်သော သံမဏိ ပစ္စည်းများ အပေါ် အခွန်စည်းကြပ် တော့မည် ဆိုသည့် ကြေညာချက်ကို ထုတ်ပြန်ခဲ့ခြင်း ဖြစ်သည်။ ထိုနေ့တွင် အိန္ဒိယ သံမဏိ လုပ်ပိုင်ခွင့် ရှိသူများ အကြားရှယ်ယာ ၄ ဒသမ ၅ ရာခိုင်နှုန်းထိ မြင့်တက် ခဲ့ပြီး ဗုဒ္ဓဟူးနေ့မှာမူ ၁ ဒသမ ၈ ရာခိုင်နှုန်းထိ လျော့ကျ သွားခဲ့ပါသည်။

ထုတ်ပြန်ချက်တွင် သွင်းကုန်ခွန် စည်းကြပ်ခြင်းသည် ပြည်တွင်း သံမဏိ လုပ်ငန်းများအား အကာအကွယ် ပေးရန် ရည်ရွယ် စည်းကြပ်ခြင်း ဖြစ်ကြောင်း၊ ပြည်တွင်း သံမဏိ လုပ်ငန်းများသည် အိန္ဒိယ၏ GDP တွင် ၂ ရာခိုင်နှုန်း နီးပါး ပါဝင်ပြီး လူ ၅ဝဝဝဝ ကျော်ကို အလုပ် အကိုင် ပေးလျက် ရှိကြောင်း ဖော်ပြထား ပါသည်။

ယခု ကဲ့သို့ စည်းကြပ်ခွန် ပြဌာန်းခြင်းသည် ပြည်တွင်း ထုတ်လုပ်မှုများ အတွက် အိန္ဒိယ အစိုးရ၏ ထူးထူး ခြားခြား အကာ အကွယ် ပေးခြင်း ဖြစ်ကြောင်း၊ သံမဏိ လုပ်ငန်းများ၏ အခက်အခဲကို နားလည်မှုရှိစွာ ထည့်သွင်း စဉ်းစား ဆောင်ရွက်ခြင်း ဖြစ်ကြောင်း Jain က ပြောကြား ပါသည်။

အိန္ဒိယ နိုင်ငံသည် ကမ္ဘာ့ သံမဏိ စတုတ္တမြောက် အများဆုံး ထုတ်လုပ်သော နိုင်ငံ ဖြစ်သော် ငြားလည်း ယခု လတ်တလောတွင် အများဆုံး တင်သွင်းသော နိုင်ငံ ဖြစ်လာ နေခြင်းကြောင့် သွင်းကုန်ခွန် အသစ် စည်းကြပ် ရခြင်း ဖြစ်ပါသည်။ ၂ဝဝ၅- ၂ဝဝ၆ ခုနှစ်များတွင် အိန္ဒိယ နိုင်ငံသည် သံမဏိ ပစ္စည်းများကို နှစ်စဉ်ပျမ်းမျှ ၇ ရာခိုင်နှုန်းခန့် တိုးတက် ထုတ်လုပ် ခဲ့သော်လည်း ၂ဝဝ၅- ၂ဝဝ၆ နောက်ပိုင်း (၆) နှစ်ကျော်တွင် သံမဏိ သုံးစွဲမှုသည် ၉ ဒသမ ၆ ရာခိုင်နှုန်းကျော် တိုးတက် လာနေသည်ဟု သိရသည်။

အိန္ဒိယသို့ သံမဏိ တင်သွင်းသော နိုင်ငံများတွင် တရုတ် နိုင်ငံသည် တတိယ နေရာတွင် ရှိနေပြီး သွင်းကုန် ခွန် ၂ဝ ရာခိုင်နှုန်း စည်းကြပ်ရန် ထုတ်ပြန်ခြင်းသည် တရုတ် သံမဏိ သွင်းကုန်များ တိုးမြင့်လာ ခြင်းကြောင့် ပြည်တွင်း ထုတ်လုပ်သူများအား အကာ အကွယ် ပေးရန်မှ အခြား မရှိနိုင်ဟု သုံးသပ်လျက်ရှိ ပါသည်။

Source: blogs.ft.com ---CMK

ကြာသပတေးနေ့၊ ၁၇ ဇန်နဝါရီလ ၂၀၁၃ 15:10 PM

မြဝတီနယ်စပ်တွင် တစ်ဖက်နိုင်ငံမှ အများဆုံး တင်သွင်းသည့် ကုန်ပစ္စည်းများမှာ ဘီယာနှင့် စက်သုံး ဆီတို့ ဖြစ်ပြီး စက်သုံးဆီသည် တရားဝင် လမ်းကြောင်းပေါ်သို့ စတင်သွားနေပြီ ဖြစ်ကြောင်း မြဝတီနယ်စပ် ကုန်သွယ်ရေး စခန်း တာဝန်ခံ ဦးရန်နိုင်ထွန်းက ဒီဇင်ဘာလ နှောင်းပိုင်းကပြုလုပ်သည့် ကုန်သွယ်မှုမြှင့်တင်ရေး အစည်းအဝေးမှာ ပြောကြားခဲ့ခြင်း ဖြစ်သည်။

စက်သုံးဆီ တင်သွင်း ခွင့်ကို စီးပွားရေးနှင့် ကူးသန်း ရောင်းဝယ်ရေး ဝန်ကြီး ဌာနမှ တရားဝင် တင်သွင်းခွင့် ပြုထားပြီး ဖြစ်ကြောင်း၊ ဒေသတွင်း သုံးစွဲရန် ဒေသသုံး ငွေကြေးဖြင့် ခွင့်ပြု ပေးထားပြီး နိုင်ငံ အတွင်း မည်သည့် နေရာသို့ မဆို သယ်ယူ နိုင်ရေးကို Normal LC/TT စနစ်ဖြင့် ခွင့်ပြုထားပြီး ဖြစ်ကြောင်း၊ ထို့ကြောင့် စက်သုံးဆီ တင်သွင်းမှုသည် တရားဝင် လမ်းကြောင်း ပေါ်သို့ သိသိ သာသာ ရောက်ရှိလာသည့် အနေ အထား ရှိနေခြင်း ဖြစ်သည်ဟု ဦးရန်နိုင်ထွန်းက ကုန်သည် လုပ်ငန်းရှင်များကို အသိပေး ပြောကြားခဲ့ သည်ဟု သိရသည်။

အောင်နန်းသာ ကုမ္ပဏီ မန်နေဂျာ ကိုနေလင်းထွဋ်မှ စက်သုံးဆီကို ကျပ် လိုင်စင်ဖြင့် လျှောက်ထား လိုပြီး ကျပ် လိုင်စင်ဖြင့် တင်သွင်းသော စက်သုံးဆီကို မည်သည့် ဒေသထိ သယ်ဆောင် ခွင့်ပြုသည်ကို ညွှန်ကြား ထားချက်နဲ့ မည်သည့် အတွက်ကြောင့် ပြည်တွင်းသို့ သယ်ဆောင်၍ မရသည်ကို သိလိုကြောင်း၊ အခွန်အခ ပေးဆောင် ထားတာချင်း အတူတူ တစ်နိုင်ငံလုံး သွားလို့ ရမည့် ကိစ္စအား Mobile Team မှ မည်သည့် အတွက် တားဆီး ထားသည်၊ ဒေသ ကန့်သတ်ချက် မည်သည့် အတွက် ထားရသည်ကို သိလိုကြောင်း မေးမြန်းခဲ့ ပါသည်။ စခန်း တာဝန်ခံ ဦးရန်နိုင်ထွန်းမှ မူလက စက်သုံးဆီ တင်သွင်းမှုကို ပုံမှန် ကုန်သွယ်မှု လမ်းကြောင်း ပေါ်သို့ ရောက်ရှိရန် စီမံခဲ့ကြောင်း၊ ၂ဝဝ၅ ခုနှစ်တွင် EISC ဝန်ကြီး ၄ ပါး မူဆယ်သို့ သွားပြီး (Border Trade rS Normal Trade) နယ်စပ် ကုန်သွယ်ရေးမှ နယ်စပ် ဖြတ်ကျော် ပုံမှန် ကုန်သွယ်ရေးသို့ ပြောင်းလဲရန် ဆောင်ရွက် ခဲ့ကြောင်း၊ အလားတူ ကျန်နယ်စပ် စခန်း များတွင်လည်း နယ်စပ် ဖြတ်ကျော် ပုံမှန် ကုန်သွယ်ရေး ဆောင်ရွက်ခဲ့ကြောင်း၊ ယခု အစိုးရသစ် လက်ထက်မှာ ကုန်သွယ်မှု ကဏ္ဍတွင် ဖြေလျော့မှု များစွာ လုပ်ဆောင် ပေးခဲ့ပြီး ဖြစ်ကြောင်း၊ Auto နဲ့ ြ Non-Automatic လိုင်စင် စနစ် ခွင့်ပြု ပေးထားကြောင်း ရှင်းလင်း ပြောကြား ပါသည်။

ဆက်လက်၍ ၂ဝ၁၂ ခုနှစ် မတ်လ အတွင်းက ဌာန ဆိုင်ရာ အကြီး အကဲများ မြဝတီသို့ လာရောက် ခဲ့တဲ့ ခရီးစဉ်မှာ ဒေသခံ ကုန်သည်များရဲ့ တင်ပြချက် အရ လမ်းကြောင်း ပေါ်မှ တရားဝင် သွားလို ကြတဲ့ အတွက် လိုင်စင် လျှောက်ထားမှု အပိုင်းမှာလည်း ကျပ်/ ဒေါ်လာ စသဖြင့် လျှောက်ထားခွင့် ဖြေလျှော့ ပေးခဲ့ပြီး ကျပ်/ ဒေါ်လာ စသည်ဖြင့် ကြိုက်နှစ်သက်ရာ ဆောင်ရွက် နိုင်ရန် ခွင့်ပြုခဲ့ပြီး ဖြစ်ကြောင်း၊ ဤဒေသ၏ လိုအပ်ချက် အရ ပြည်နယ် အစိုးရမှ အထက်ဌာနသို့ တင်ပြချက် အရ မိမိတို့ ဝန်ကြီး ဌာနနှင့် ညှိနှိုင်းပြီး ကရင်နှင့် မွန်ပြည်နယ် ဒေသတွင်း သုံးရန် ကျပ် လိုင်စင်ဖြင့် ၂ဝ၁၂ ခုနှစ် မတ်လ ကပင် စတင် ခွင့်ပြုထားခြင်း ဖြစ်ကြောင်း၊ အသေးစိတ် ပြန်လည် ရှင်းလင်း ပြောကြားခဲ့ သည်ဟု သတင်း ရရှိပါသည်။

Source: မြဝတီနယ်စပ် း MTN

ကြာသပတေးနေ့။ ၁၇  ဇန်နဝါရီလ ၂၀၁၃ 08:05 AM

ကမ္ဘာ့ စားအုန်းဆီ အများဆုံး ထုတ်လုပ်သော အင်ဒိုနီးရှား နိုင်ငံဟာ စားအုန်းဆီ ကုန်ကြမ်း (Crude Palm Oil- CPO) တင်ပို့မှု အပေါ် အခွန် စည်းကြပ် နေခြင်းအား ဖယ်ရှားရန် စဉ်းစား နေတယ်လို့ သိရ ပါတယ်။ ၎င်းရဲ့ ယှဉ်ပြိုင်ဘက် မလေးရှား နိုင်ငံ ကတော့ လောလောဆယ် (CPO) စားအုန်းဆီ ကုန်ကြမ်း တင်ပို့မှု အပေါ် အခွန် ကောက်ခံခြင်း မရှိပါဘူး။

အင်ဒိုနီးရှား ကုန်သွယ်ရေး ဝန်ကြီး Gita Wirjawan က ဈေးကွက်မှာ ယှဉ်ပြိုင်နိုင်ရန် အတွက် အခွန် စည်းကြပ် မှုကို လျှော့ချရန် လိုအပ် သော်လည်း အကျဘက်ကို ဦးတည် နေတဲ့ စက်မှု လုပ်ငန်းများ ဖွံ့ဖြိုး တိုးတက်ရေး အတွက်တော့ အခွန်က အထောက် အကူပြု နေတယ်လို့ ဂျကာတာရှိ ၎င်း၏ ရုံးခန်းတွင် သတင်းထောက် များနဲ့ တွေ့ဆုံရာမှာ ပြောကြား ခဲ့တာ ဖြစ်ပါတယ်။ Gita က ၎င်းအနေနဲ့ စက်မှု ဝန်ကြီးနှင့်လည်း တွေ့ဆုံဆွေးနွေး အကြံဉာဏ် တောင်းခံ ထားကြောင်း ဖြည့်စွက် ပြောကြား ခဲ့တယ်လို့ သတင်း သမားများက ဆိုပါတယ်။

ယခု အပတ် အစောပိုင်းက အင်ဒိုနီးရှား စားအုန်းဆီ အသင်း (Gapki )ဟာ အစိုးရအား စားအုန်းဆီ ကုန်ကြမ်း တင်ပို့မှု အပေါ် အခွန် စည်းကြပ် နေခြင်းအား ယာယီ အားဖြင့် လျှော့ချ ပေးရန် တင်ပြ ထားကြောင်း၊ ထိုသို့ တင်ပြရခြင်းမှာ စားအုန်းဆီ ကုန်ကြမ်း တင်ပို့မှု အပေါ် ယခု လတွင် အခွန် သုညသို့ လျှော့ချမဲ့ မလေးရှားအား လျင်မြန်စွာ တုန့်ပြန့်ရာ ရောက်မယ်လို့ ဆိုပါတယ်။ ယခုကဲ့သို့ ပြုလုပ်ခြင်း အားဖြင့် ပြည်တွင်း ထုတ်လုပ်သူများ၊ စားအုန်းဆီ အများ အပြား ထုတ်လုပ်မှု များကို မတ်လ မတိုင်မီ ထိန်းကျောင်း ထုတ်လုပ် သွားရန် ရည်ရွယ်တယ်လို့ ွ Gapki ရဲ့ ထုတ်ပြန်ချက် အရ သိရ ပါတယ်။

ပြီးခဲ့တဲ့ ၂ဝ၁၂ ခုနှစ် အောက်တိုဘာ လမှာ မလေးရှား နိုင်ငံက စားအုန်းဆီ တင်ပို့မှု အပေါ် လက်ရှိ အခွန် ကောက်ခံ နေတဲ့ ၂၃ ရာခိုင်နှုန်း အစား ၄ ဒသမ ၅ မှ ၈ ဒသမ ၅ ရာခိုင်နှုန်း ကြားသို့ ၂ဝ၁၃ ခုနှစ် ဇန်နဝါရီ လမှ စလျှော့ချ ပေးမယ်လို့ ကြေညာ ထားပြီးဖြစ် ပါတယ်။

အင်ဒိုနီးရှား နိုင်ငံက ၂ဝ၁၁ ခုနှစ်မှာ စားအုန်းဆီ တင်ပို့မှု အပေါ် ၂၅ ရာခိုင်နှုန်း အခွန် စည်းကြပ် နေခြင်းအား ၁ဝ ရာခိုင်နှုန်း သို့ လျှော့ချခြင်းကို တုန့်ပြန်သော အားဖြင့် မလေးရှား နိုင်ငံ ကလည်း ယခုနှစ် ဇန်နဝါရီ လမှာ အခွန် စည်းကြပ်မှုကို သုညထိ လျှော့ချ လိုက်ခြင်း ဖြစ်ပါတယ်။

မကြာမီ မှာတော့ အင်ဒိုနီးရှား ကုန်သွယ်ရေး ဝန်ကြီး ဌာန အနေနဲ့ သက်ဆိုင်ရာ အစု ရှယ်ယာဝင် များကို ခေါ်ယူပြီ ကျဆင်းနေသော စက်မှု လုပ်ငန်းများနဲ့ ပြည်ပ ဈေးကွက်မှာ ယှဉ်ပြိုင် ထိုးဖောက် တိုးမြှင့် ရောင်းချ နိုင်ရေး အစည်း အဝေး တစ်ရပ် ကျင်းပ သွားရန် စီစဉ် နေပြီလို့ သတင်းမှာ ဖော်ပြ ထားပါကြောင်း စာဖတ်သူ ပရိတ်သတ် အပေါင်း သိရှိနိုင်ပါရန် တင်ပြ လိုက်ရ ပါတယ်…

Source: Asia News Network   - CMK

ဗုဒ္ဓဟူးနေ့။ ၁၆  ဇန်နဝါရီလ ၂၀၁၃ 13:39 PM

ဟနွိုင်း။     ဗီယက်နမ် စိုက်ပျိုးရေး နှင့် နယ်စပ် ဒေသ ဖွံ့ဖြိုးရေး ဝန်ကြီး ဌာန ဒုတိယ ဝန်ကြီး Nguyen Thi Xuan Thu က စိုက်ပျိုးရေး ထုတ်ကုန်များ ဖြန့်ဖြူးရေး နှီးနှော ဖလှယ်ပွဲမှာ စားသုံးရန် ဘေးအန္တရာယ် ကင်းရှင်းကြောင်း အထောက် အကူပြု စနစ်သစ် အစီအစဉ်ကို ထုတ်ပြန် ကြေငြာခဲ့ တယ်လို့ ဇန်နဝါရီလ ၁ဝ ရက်နေ့ ထုတ် Vietnam News online သတင်းမှာ ဖော်ပြထား ပါတယ်။ စားသောက်ကုန် လေးမျိုးကို စားသောက် ကုန်နဲ့ စိုက်ပျိုးရေး ထုတ်ကုန်များ အရည်အသွေး ဖွံ့ဖြိုး တိုးတက်ရေး နဲ့ ထိန်းချုပ်ရေး စီမံကိန်း (Food Agricultural Products Quality Development & Control Project - FAQDC) အစီ အစဉ် အရ ဗီယက်နမ်ရဲ့ ကောင်းမွန်သော စိုက်ပျိုးရေး ကျင့်စဉ် (GAP)ကို ကိုက်ညီမှု ရှိတယ် ဆိုတာကို စားသုံးသူ များမြင်ရုံနဲ့ အလွယ်တကူ သိရှိစေ နိုင်တဲ့ အစိမ်းရောင် စီးပွားရောင် တံဆိပ် တပ်ပြီး ဈေးကွက်မှာ ဖြန့်ဖြူးတော့ မယ်လို့ Thu က ပြောကြား ခဲ့ကြောင်း သတင်းမှာ ဖော်ပြထား ပါတယ်။ အစိမ်းရောင် တံဆိပ် တပ်ပြီး ထုတ်လုပ်မဲ့ စားသောက်ကုန် လေးမျိုး ကတော့ ဟင်းသီး ဟင်းရွက်များ၊ သစ်သီး ဝလံ၊ ဝက်သားနဲ့ ကြက်သားတို့ ဖြစ်ကြ ပါတယ်။

ကနေဒါ ရန်ပုံငွေနဲ့ ထူထောင် ထားတဲ့ FAQDC စီမံကိန်း ဆိုင်ရာ နှီးနှော ဖလှယ်ပွဲမှာ Thu က အစိမ်းရောင် တံဆိပ်တပ် စားသောက် ကုန်များဟာ ကျန်းမာရေး အတွက် စိတ်ချ ယုံကြည်စွာ စားသုံး နိုင်ကြောင်း ထင်ထင် ရှားရှား သိသာမှု ရှိစေမှာ ဖြစ်ပြီး ဗီယက်နမ်၏ ကောင်းမွန်သော စိုက်ပျိုးရေး ကျင့်စဉ် (GAP) စံမီ ထုတ်ကုန် များကို တုပ ထုတ်လုပ်သော အတုများကို တားဆီး နိုင်စေမယ်လို့ ဆိုပါတယ်။

အစိမ်းရောင် တံဆိပ်တပ် စားသောက်ကုန် များကို ကျောင်းများနဲ့ လက်လီ ဖြန့်ဖြူး ရောင်းချသည့် ဆိုင်များ (Big-C ၊ Co-op Mart)ကို ဖြန့်ဝေ ပေးမှာ ဖြစ်ကြောင်း၊ မီဒီယာများမှ တဆင့် ကျယ်ကျယ် ပြန့်ပြန့် အသိပေးသွား မယ်လို့လည်း Thu က နှီးနှော ဖလှယ်ပွဲမှာ ပြောကြား ခဲ့တာ ဖြစ်ပါတယ်။

FAQDC စီမံကိန်း Nguyen Van Thuan u FAQDC သည် တောင်သူ လယ်သမား များအား အဆင့်မြင့် နည်းပညာများ ပံ့ပိုးခြင်းနဲ့ စားသုံးမှု မြင့်တက် လာစေရေး အဓိကထား လုပ်ဆောင် နေကြောင်း ပြောကြား ခဲ့သလို Thanh Tri ခရိုင်ရှိ Yen My Cooperative မှ ဥက္ကဌ Tran Due Vinh က ဒီစီမံကိန်းဟာ တောင်သူများရဲ့ မိရိုး ဖလာ အစဉ် အလာ အတိုင်း ထုတ်လုပ် နေခြင်းကို ပြောင်းလဲရန် အတွက် အထောက် အကူပြု စေတယ်လို့ ပြောကြား ပါတယ်။

ဟနွိုင်း မြို့ရှိ လက်လီ လက်ကား စတိုး ဆိုင်ကြီး (၄) ခုနဲ့ ဟနွိုင်း အခြေစိုက် ကုမ္ပဏီ ၄ ခုမှ ထုတ်လုပ် ဖြန့်ဖြူး ပေးသွားမှာ ဖြစ်ကြောင်းနဲ့ ဒီစနစ်ကို ကျင့်သုံးခြင်း အားဖြင့် စားသုံးသူများ ဘေးအန္တရာယ် ကင်းရှင်းသော စားသောက်ကုန် များကို အလွယ်တကူ ရွေးချယ် ဝယ်ယူ စားသုံး နိုင်စေမဲ့ အပြင် ထုတ်လုပ်သူ တောင်သူများ အတွက်လည်း အကျိုး အမြတ်ရရှိမှု ၂ဝ ရာခိုင်နှုန်း ခန့်ထိ တိုးတက်လာ စေမယ်လို့ Vinh က ဆိုပါတယ်။

Source: Vietnam News == CMK