Department of Trade

အင်္ဂါနေ့ ၂၉ ဇန်နဝါရီလ ၂၀၁၃ 11:42 AM

စားသုံးသူ အကာအကွယ် ပေးရေးနဲ့ တရားမဝင် ကုန်သွယ်မှုများ လျော့နည်း ကျဆင်းစေရေး အတွက် တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့များ ဖွဲ့စည်းပြီး မူဆယ်- မန္တလေး လမ်ကြောင်းပေါ်မှာ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ (၁)အား လည်းကောင်း၊ မြဝတီ- ရန်ကုန် လမ်းကြောင်းပေါ်မှာ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ (၂)အား လည်းကောင်း ထားရှိကာ တရားမဝင် ကုန်သွယ်မှုများအား စစ်ဆေး ဆောင်ရွက်လျက် ရှိတယ်လို့သိရပါတယ်။

ထိုသို့ ဆောင်ရွက်လျက်ရှိရာ မူဆယ်- မန္တလေး လမ်းကြောင်း ပေါ်ရှိ အဖွဲ့(၁) တွေ့ရှိ သိမ်းဆည်း ရမိတဲ့ တရားမဝင် ပစ္စည်းများ အတွက် အရေးယူ ဆောင်ရွက်မည့် ပညာပေး ကာလအား ၂ဝ၁၂ ခုနှစ်၊ နိုဝင်ဘာလ ၁ ရက် မှ ၂ဝ၁၂ ခုနှစ် ဒီဇင်ဘာလ ၃၁ ရက်နေ့ အထိ သတ်မှတ် ထားပြီးအဖွဲ့ (၂)ရဲ့ ပညာပေး ကာလအဖြစ် ၂ဝ၁၂ ခုနှစ် နိုဝင်ဘာလ ၂ဝ ရက်နေ့မှ ၂ဝ၁၃ ခုနှစ် ဇန်နဝါရီလ ၂ဝ ရက်နေ့ထိ သတ်မှတ် ထားရှိခဲ့ကြောင်း သိရှိရပါတယ်။ အဆိုပါ ကာလများ အတွင်း ဖမ်းဆီး ရပါက ခွင့်ပြုကုန်ဖြစ်လျှင် လိုင်စင် ပြန်လည် လုပ်ပေးခြင်း၊ အခွန် ဆောင်စေခြင်း တို့ကို ပြုလုပ်ပေးပြီး ကန့်သတ် ကုန်ဖြစ်ပါက ဖျက်ဆီး/ သိမ်းဆည်းခြင်း တို့ကို ပြုလုပ်ကြောင်း သိရပါတယ်။

ယခုအခါ ပညာပေး ကာလ ကျော်လွန်သွားပြီ ဖြစ်တဲ့ အတွက် ထိုလမ်းကြောင်းများ ပေါ်တွင် ဖမ်းဆီးရမိတဲ့ တရားမဝင် လိုင်စင်မဲ့/ ကန့်သတ်ကုန်များအား ဥပဒေအရ ထိထိ ရောက်ရောက် အရေးယူ ဆောင်ရွက် လျက်ရှိကြောင်း နယ်စပ် ကုန်သွယ်ရေး ဦးစီး ဌာနမှ တာဝန်ရှိသူ တစ်ဦးရဲ့ ပြောကြားချက် အရ သိရပါတယ်။

တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ (၁)ရဲ့ ရှာဖွေ စစ်ဆေးမှုများ အရ ၂၄-၁-၂ဝ၁၃ ရက်နေ့ ဝ၃းဝဝ ချိန်တွင် လားရှိုး- မန္တလေးသို့ မောင်းနှင်လာသော ယာဉ်မောင်း xxxx မောင်းနှင်တဲ့ ကင်တာ ယာဉ်အမှတ် (၈ဆ/ထထထထ ) ပေါ်မှာ လိုင်စင်မဲ့ သယ်ဆောင်လာသော စားသောက် ကုန်ကြမ်း၊ မုန့်လုပ် ကုန်ကြမ်း၊ နို့မှုန့်၊ ဆီအနံ့ဗူး၊ မူလီချောင်း၊ အုန်းသီးမှုန့်၊ စားသောက်ကုန် အနံ့တို့အား လည်းကောင်း၊ အဆိုပါနေ့ ဝ၅း၁ဝ ချိန်တွင် ယာဉ်မောင်း xxxxx မောင်းနှင်သည့် ဟိုင်းလတ်ယာဉ် အမှတ် (ပ/xxxxx) ပေါ်မှာ ဘီယာများအား လည်းကောင်း သိမ်းဆည်း ရမိခဲ့ကြောင်း တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့၏ လုပ်ငန်းစဉ်များအား အချိန်နဲ့ တပြေးညီ သတင်း ထုတ်ပြန်လျက်ရှိတဲ့ Mobile Team Facebook စာမျက်နှာမှာ ဖော်ပြထားတာကို တွေ့ရှိရပါတယ်။

ဒါ့အပြင် အဆိုပါနေ့ ဝ၆း၃ဝ ချိန်တွင် တရားမဝင် ကုန်သွယ်မှု တားဆီး ထိန်းချုပ်ရေးအဖွဲ့ (၁) ဟာ နောင်ခိုျနဲ့ ဂုတ်တွင်း အကြား လှည့်လည် စစ်ဆေးစဉ် မန္တလေး- လားရှိုး လမ်းကြောင်းပေါ် ဂုတ်တွင်း အတက် လမ်းဆုံတွင် ယာဉ်မောင်း (....) မောင်းနှင်လာတဲ့ ဟိုင်းလတ် ယာဉ်အမှတ် (၃က/...) ပေါ်မှာ ခေါက်ဆွဲခြောက် အိတ်များ၊ ဆော့ အချဉ်ဖာများ၊ အထည်ထုပ်များ၊ မှိုခြောက်ဖာများ၊ အသင့်စား အကြော်အိတ်များ၊ ပဲဂေါသီး အိတ်များ၊ ဂေါက်အိတ် အလွတ်များ၊ DVR ခွေကူးစက်များ၊ အေးခဲ ကြက်သား အိတ်များအား တရားမဝင် သယ်ဆောင်လာတာကို လည်းကောင်း၊ ယာဉ်မောင်း (.....) မောင်းနှင်လာတဲ့ ဟိုင်းလတ် ယာဉ် (န/....) ပေါ်မှာ မှိုခြောက် အိတ်များ၊ အသင့်စား အကြော်ထုပ်များ၊ ခေါက်ဆွဲ ခြောက်များ၊ အေးခဲကြက်သားများ၊ အေးခဲ ဝက်အူချောင်းများ၊ ကားဘော်ဒီချွတ် ပစ္စည်းအိတ်များ၊ အထည် အိတ်များ၊ ပဲဂေါသီး အိတ်များ၊ မြက်ခင်းတု အလိပ်များ၊ DVR ခွေကူးစက်များ စစ်ဆေး တွေ့ရှိခဲ့သဖြင့် တားဆီးခဲ့ ရကြောင်း ကိုလည်း Facebook စာမျက်နှာတွင်ဖော်ပြထားပါတယ်။

သိမ်းဆည်း ရမိသော ပစ္စည်းများ အနက် အေးခဲ ကြက်သားများနဲ့ ဝက်အူချောင်းများဟာ ပုတ်သိုးလွယ် ပစ္စည်းများ ဖြစ်ပြီး မွေးမြူရေးနှင့် ဆေးကုသရေး ဦးစီးဌာနမှ တင်သွင်းခွင့် ထောက်ခံချက် မပေးတဲ့ ပစ္စည်းများဖြစ်တဲ့ အတွက် မီးရှို့ ဖျက်ဆီးခဲ့ပြီး ကျန်တရားမဝင် သယ်ဆောင်လာတဲ့ ပစ္စည်းများကို မန္တလေးမြို့ရှိ အကောက်ခွန် ဦးစီးဌာန (ရုံးခွဲ)သို့ လုပ်ထုံး လုပ်နည်းများနှင့် အညီ စနစ်တကျ လွဲှပြောင်း အပ်နံှခဲ့ကြောင်း သိရှိရပါတယ်။

နိုင်ငံတွင်း တရားမဝင် ဝင်ရောက်လာတဲ့ ကုန်ပစ္စည်း အများစုမှာ စားသုံးသူ ပြည်သူများ အတွက် အန္တရာယ်ဖြစ်စေမဲ့ အစားအစာနှင့် ဆေးဝါး ထောက်ခံချက် မပါဝင်တဲ့ စားသောက်ကုန်များ ဖြစ်တာကို တွေ့ရှိရပြီး နိုင်ငံသူ နိုင်ငံသားများ ကျန်းမာသက်ရှည် နေထိုင်ရေးအား များစွာ ထိပါးစိန်ခေါ်လျက် ရှိပါတယ်။

ထို့အတွက် တရားမဝင် ကုန်သွယ်မှုများအား ထိရောက်စွာ ဟန့်တားနိုင်ရေး အတွက် အစိုးရဌာန ဆိုင်ရာများနှင့် ကုန်သည် လုပ်ငန်းရှင်များ သာမက မီဒီယာများ၊ ပြည်သူများမှလည်း ပူးပေါင်း ပါဝင် ဆောင်ရွက်ကြပါလို့ တိုက်တွန်းလိုက် ပါတယ်။

မေ (ကမရ)

အင်္ဂါနေ့ ၂၉ ဇန်နဝါရီလ ၂၀၁၃ 10:09 AM

အမေရိကန် နိုင်ငံက ဗီယက်နမ် နိုင်ငံမှ တင်ပို့သော အေးခဲရေချို ပုစွန်များဟာ သက်ဆိုင်ရာ နိုင်ငံရဲ့ ထောက်ပံ့မှု ငွေကြေး တစ်စုံ တစ်ရာ ရယူပြီး ထုတ်လုပ် ခဲ့ခြင်း ဖြစ်တဲ့ အတွက် တရား ဥပဒေအရ အရေး ယူမယ်လို့ စွပ်စွဲ ပြောကြားခဲ့တဲ့ အတွက် ထိုစွပ်စွဲချက်ကို ဗီယက်နမ်နဲ့ အတူ ဇန်နဝါရီလ ၁၈ ရက်နေ့မှာ အခြား ၆ နိုင်ငံတို့မှ အေးခဲ ရေချို ပုစွန် တင်သွင်းမှုနဲ့ စပ်လျဉ်းပြီး အယူခံစာများကို အမေရိကန် ကူးသန်း ရောင်းဝယ်ရေး ဌာနက လက်ခံ ရရှိခဲ့ ပါတယ်။ နိုင်ငံ (၇) နိုင်ငံမှ ပို့ကုန် ဆောင်ရွက် သူများရဲ့ ကိုယ်စားလှယ်များက အစိုးရထံမှ ၎င်းတို့ လုပ်ငန်းရှင်များ အနေနဲ့ အထောက် အပံ့ရရှိခြင်းနဲ့ ပတ်သက်ပြီး လုံလောက်သော အထောက် အထားများ ပြသရန် မရှိကြောင်း ပြောကြား ခဲ့ပါတယ်။ ဗီယက်နမ်၊ တရုတ်၊ အိန္ဒိယ၊ ထိုင်း၊ အင်ဒိုနီးရှား၊ မလေးရှားနဲ့ အီကွေဒေါ နိုင်ငံများမှ ကိုယ်စားလှယ်များရဲ့ ပြောကြားချက် အရ ၎င်းတို့ ပုစွန် လုပ်ငန်းရှင်များ အနေနဲ့ စံပြ မွေးမြူရေး စနစ်နဲ့ ထုတ်လုပ်မှု အဆင့်များ၊ လုပ်သားခ သက်သာခြင်းစတဲ့ သဘာဝမှ ဖန်တီး ပေးထားချက်များနဲ့ ကျေနပ် နှစ်သိမ့်မှု ရနေကြတယ်လို့ သိရပါတယ်။

ဇန်နဝါရီလ ၁၅ ရက်နေ့မှာ အမေရိကန် နိုင်ငံ ဝါရှင်တန်ရှိ ဗီယက်နမ် ကုန်သွယ်ရေး ကိုယ်စားလှယ်ရုံးမှ အရာရှိဖြစ် သူဟာ ဗီယက်နမ် နိုင်ငံရဲ့ အေးခဲ ရေချို ပုစွန်များ အမေရိကန်သို့ တင်ပို့မှုနဲ့ စပ်လျဉ်းပြီး အစိုးရထံမှ အထောက်အပံ့ ရရှိနေသည် ဆိုတဲ့ စွပ်စွဲချက်နဲ့ စပ်လျဉ်းပြီး ထုချေရန် ကူးသန်း ရောင်းဝယ်ရေး ဌာနမှာ ပြုလုပ်တဲ့ အစည်းအဝေးကို တက်ရောက် ခဲ့တာ ဖြစ်ပါတယ်။

အမေရိကန် နိုင်ငံမှ Carson & Co, Tide Lands Seafood Co နဲ့ Fish Inc: တို့ ပါဝင်တဲ့ စီးပွားရေး လုပ်ငန်းရှင်များက ဗီယက်နမ်၊ တရုတ်၊ အိန္ဒိယ၊ ထိုင်း၊ အင်ဒိုနီးရှား၊ မလေးရှားနဲ့ အီကွေဒေါ နိုင်ငံများ အနေနဲ့ သက်ဆိုင်ရာ အေးခဲ ရေချို ပုစွန် တင်ပို့မှု အတွက် အစိုးရများထံမှ အထောက်အပံ့များ ရရှိ နေကြတယ်လို့ စွပ်စွဲထား တာဖြစ်ပါတယ်။ စွပ်စွဲချက်မှာ ဖော်ပြပါ နိုင်ငံ (၇) နိုင်ငံဟာ ၂ဝ၁၁ ခုနှစ်မှ ကန်ဒေါ်လာ ၄ ဒသမ ၂ ဘီလီယံကို သက်ဆိုင်ရာ အစိုးရများ ထံက ထောက်ပံ့ငွေများ ရရှိနေတယ်လို့ စွပ်စွဲထားခြင်း ဖြစ်ပါတယ်။ ဗီယက်နမ် နိုင်ငံအနေနဲ့ ကန်ဒေါ်လာ ၄၉၃ သန်း အထောက်အပံ့ လက်ခံ ရရှိ ထားကြောင်း ပြောကြားခဲ့ပြီး ဗီယက်နမ် ကူးသန်း ရောင်းဝယ်ရေး ဌာန အနေနဲ့ စုံစမ်း စစ်ဆေးမှု ပြီးဆုံးပြီး အပြီးသတ် ဆွေးနွေး ဆုံးဖြတ်ချက်ကို ဇူလိုင်လခန့်မှ ချနိုင်လိမ့် မယ်လို့ DOC ကထုတ်ပြန်ကြေငြာခဲ့တာဖြစ်ပါတယ်။

Source:VOV >>> CMK

အင်္ဂါနေ့ ၂၉ ဇန်နဝါရီလ ၂၀၁၃ 10 :07 AM

ဗီယက်နမ် နိုင်ငံ အတွက် ၂ဝ၁၃ ခုနှစ်ဟာ ဆန် တင်ပို့ရန် အခက်အခဲ ရှိတဲ့နှစ် အဖြစ် သုံးသပ် လျက်ရှိပါတယ်။ အကြောင်းကတော့ ကမ္ဘာ့ဆန် ထုတ်လုပ် တင်ပို့တဲ့ ထိုင်း၊ အိန္ဒိယ၊ ပါကစ္စတန်နဲ့ မြန်မာနိုင်ငံတို့မှ ဆန် တင်ပို့မှု အရှိန် အားကောင်းနေတဲ့ အတွက် ဖြစ်ပါတယ်။

ဗီယက်နမ် စားသောက်ကုန် အသင်း VFA ရဲ့ အစီရင်ခံ စာမှာတော့ ကမ္ဘာ့ ဆန်ဈေးကွက်မှာ ဆန် အမြောက် အများ ရှိနေခြင်းဟာ ပြည်တွင်း ဆန်လုပ်ငန်း ရှင်များ အပေါ် ဖိအားပေးရာ ရောက်လျက် ရှိနေတယ်လို့ ထည့်သွင်း ဖော်ပြထား ပါတယ်။ VFA အသင်းဥက္ကဌ Truong Thanh Phong က ၂ဝ၁၂ ခုနှစ် အတွင်းက ဆန်တန်ချိန် ၇၈ဝဝဝဝ ကို စာချုပ် ချုပ်ဆိုနိုင် ခဲ့ကြောင်းနဲ့ စာချုပ် ချုပ်ဆိုခဲ့တဲ့ ဆန်တန်ချိန်ရဲ့ ၄ဝ ရာခိုင်နှုန်းဟာ တင်ပို့ရန် ဆိုင်းနေတယ်လို့ ပြောကြားခဲ့ ပါတယ်။ အခြား နိုင်ငံများ ကလည်း ဗီယက်နမ် နိုင်ငံရဲ့ ဆန်ဈေးကို တစေ့တစောင်း လေ့လာမှုတွေ ရှိနေတဲ့ အတွက် မိမိတို့ အနေနဲ့ ဆန်တင်ပို့ ရောင်းချမှု စီမံခန့်ခွဲရာမှာ လိမ္မာ ပါးနပ်စွာ ညှိနှိုင်း ရောင်းချသွားရ မယ်လို့ ပြောကြားပါတယ်။ ဗီယက်နမ် နိုင်ငံအနေနဲ့ ၂ဝ၁၃ ပထမ လေးလပတ်မှာ ဆန်တန် ၁ ဒသမ ၄ သန်း တင်ပို့ရန် လျာထား ထားတာဖြစ် ပါတယ်။ သိုလှောင်ထားသော ဆန်တန်ချိန် ၈ သိန်းရှိပြီး ဆောင်းသီနံှ ရိတ်သိမ်းလျှင် ဆန် တန်ချိန် ၃ ဒသမ ၈ သန်း ရရှိမယ်လို့ ခန့်မှန်းထား ပါတယ်။

အသင်း အနေနဲ့ ၂ဝ၁၃ ခုနှစ်မှာ ဆန် တန်ချိန် ၇ ဒသမ ၅ သန်း တင်ပို့ရန် ရည်ရွယ်ထားပြီး ၂ဝ၁၂ ခုနှစ် တင်ပို့ မှုထက် အနည်းငယ်သာ လျော့နည်း ခဲ့တဲ့ ပမာဏ ဖြစ်ပါတယ်။ ယမန်နှစ်က ဆန်တင်ပို့မှုဟာ တန်ချိန် ၇ ဒသမ ၇၂ သန်းထိ စံချိန်တင် ခဲ့ပြီး တန်ဖိုး အားဖြင့် ကန်ဒေါ်လာ ၃ ဒသမ ၄၅ ဘီလီယံ ရရှိခဲ့ပါတယ်။ ၎င်းတို့ဟာ FOB စနစ်နဲ့ ရောင်းချခဲ့တာ ဖြစ်ပါတယ်။ တန်ချိန် အားဖြင့် ၂ဝ၁၁ ခုနှစ်ထက် ၈ ဒသမ ၃ ရာခိုင်နှုန်း ပိုမိုခဲ့သော်လည်း တန်ဖိုး အားဖြင့် ၂ ရာခိုင်နှုန်းခန့် လျော့နည်း ရရှိခဲ့ပါတယ်။ ၂ဝ၁၂ ခုနှစ်ရဲ့ ပျမ်းမျှ ဆန်တစ်တန် FOB ဈေးနှုန်းဟာ ကန်ဒေါ်လာ ၄၄၆ ဒသမ ၈၆ ဖြစ်ပြီး ၂ဝ၁၁ ခုနှစ် ဈေးထက် ၄၆ ဒသမ ၈၅ ဒေါ်လာ လျော့နည်း ရရှိခဲ့ပါတယ်။

ဗီယက်နမ် နိုင်ငံအနေနဲ့ ၂ဝ၁၂ ခုနှစ် ကလည်း ဆန်တင်ပို့မှုမှာ အခက်အခဲနဲ့ ကြုံတွေ့ ခဲ့ရကြောင်း၊ အကြောင်းမှာ အိန္ဒိယ၊ ပါကစ္စတန်နဲ့ မြန်မာ စတဲ့ နိုင်ငံများနဲ့ ဈေးကွက်ကို ယှဉ်ပြိုင်ခဲ့ ရတဲ့ အတွက် ဖြစ်ပါတယ်။ သို့သော်လည်း ဗီယက်နမ် နိုင်ငံဟာ နှစ်ကုန်တဲ့ အချိန်မှာတော့ ပမာဏ များစွာ တင်ပို့ နိုင်ခဲ့တဲ့ အပြင် ပြည်တွင်း ဈေးကွက် တည်ငြိမ်ရေး၊ စားနပ်ရိက္ခာ ဖူလုံရေးနဲ့ တောင်သူများအား အထောက်အပံ့ ပေးရန် အတွက်လည်း ဆောင်ရွက်နိုင်ခဲ့ ပါတယ်။

မှန်ကန်သော သုံးသပ်ချက်နဲ့ ဝန်ကြီး ဌာနနဲ့ အေဂျင်စီများ အကြား အနီးကပ် ပူးပေါင်း ဆောင်ရွက်နိုင်တဲ့ အတွက် တောင်သူ လယ်သမားများ အတွက် အရန်ဆန် အဖြစ် သိုလှောင် ထားရမဲ့ ပမာဏကို ဆုံးဖြတ် ပေးနိုင်ခြင်းကြောင့် ပြည်တွင်းဆန် ဈေးကို ဆိုးဆိုး ရွားရွား ကျဆင်းခြင်းမှ ကာကွယ် ပေးနိုင်ခဲ့ပြီး ပြည်ပဆန် ကုန်သည်များ နဲ့လည်း အရောင်း အဝယ် စာချုပ်များ ချုပ်ဆိုနိုင်ခဲ့ တယ်လို့ သတင်းမှာ ဖော်ပြထား ပါတယ်။

စက်မှုနှင့် ကုန်သွယ်ရေး ဝန်ကြီး ဌာန အနေနဲ့ ဟိုချီမင်း မြို့တော်မှာ ကျင်းပခဲ့တဲ့ ညီလာခံမှာ ယခုနှစ်ဆန် ပြည်ပ တင်ပို့ရာမှာ ကြုံတွေ့ ရနိုင်တဲ့ အခက်အခဲများ သက်သာ စေရန် အတွက် မူဝါဒ အသစ်များကို မကြာမီ ထုတ်ပြန် ပေးသွားမယ်လို့ ထုတ်ပြန်ခဲ့ တယ်လို့ သိရပါတယ်။

Source:VOV >>> CMK

တနင်္လာနေ့ ၂၈ ဇန်နဝါရီလ ၂၀၁၃ 14:36 PM

ကုန်သည် အချို့ဟာ အရှေ့တောင် အာရှမှ အဖိုးတန် သတ္တုများကို အိန္ဒိယ- ထိုင်း လွတ်လပ်သော ကုန်သွယ်မှု သဘော တူညီချက်ကို ခုတုံး လုပ်ကာ အိန္ဒိယသို့ တင်သွင်းနေခြင်းကို ကန့်သတ် တားမြစ်ရန် အလို့ငှာ အိန္ဒိယ ဘဏ္ဍာရေး ဝန်ကြီး ဌာန အနေနဲ့ ကုန်သွယ်ရေး ဝန်ကြီးဌာနနဲ့ ဆွေးနွေးပြီး အိန္ဒိယ- ထိုင်း လွတ်လပ်သော ကုန်သွယ်မှု စာရင်းမှ ''ရွှေ''ကို ဖယ်ရှားရန် စဉ်းစား နေတယ်လို့ အခွန် ဌာန အတွင်းရေးမှူး Sumit Bse က သတင်း ထောက်များနဲ့ တွေ့ဆုံရာမှာ ပြောကြားခဲ့တာ ဖြစ်ပါတယ်။ သတင်းထောက်များရဲ့ မေးမြန်းချက် အပေါ်မှာလည်း အိန္ဒိယ-ထိုင်း လွတ်လပ်သော ကုန်သွယ်မှု စာရင်းမှ ဖယ်ရှားနိုင်ရေး ကြိုးပမ်း လုပ်ဆောင်နေတယ်လို့ ဖြေကြား ခဲ့တယ်လို့ သိရပါတယ်။

ထိုင်းနဲ့ ကုန်သွယ်မှု သဘော တူညီချက် အရ ထိုင်းမှ ရွှေ တင်သွင်းခြင်း အပေါ် အထူး အခွန်နှုန်း ၁ ရာခိုင်နှုန်းနဲ့ ခွင့်ပြု ထားခြင်း ဖြစ်ပါတယ်။ ဒီအထူးနှုန်းက ရွှေ တင်သွင်းသူများ အထူး သဖြင့် ရွှေချောင်း၊ ရွှေဒင်္ဂါးနဲ့ ၁ဝ ရာခိုင်နှုန်း ရွှေ (၁ဝ.ဝဝ%) ကို အများဆုံး ဆွဲဆောင် နေတာဖြစ်တယ်။

ပြည်တွင်း အခွန်များ ဌာန စုံစမ်း စစ်ဆေးရေး ဌာနက အချို့ ကုန်သည်များဟာ အိန္ဒိယ-ထိုင်း FTA ရဲ့ ရွှေ တင်သွင်းခြင်း ဆိုင်ရာ စည်းမျဉ်း စည်းကမ်း အမိန့် ညွှန်ကြားစာ ဥပဒေများကို ရှောင်လွဲှပြီး တင်သွင်း နေကြတယ်လို့ စွပ်စွဲ ပြောကြား ခဲ့ပါတယ်။

FTA စည်းမျဉ်း အရ ရွှေ ၂ဝ ရာခိုင်နှုန်းနဲ့ အထက် ပါဝင်သော ရွှေများကို ထိုင်းနိုင်ငံမှ တင်သွင်း ခွင့်ပြုထားခြင်း ဖြစ်ပါတယ်။ အိန္ဒိယ နိုင်ငံဟာ ရှေးအစဉ် အဆက်ကပင် ရွှေအများဆုံး အသုံးပြုတဲ့ နိုင်ငံ ဖြစ်ပါတယ်။ ၂ဝ၁၂-၂ဝ၁၃ ဘဏ္ဍာနှစ် ဧပြီလမှ ဒီဇင်ဘာ လထိ ရွှေတင်သွင်းမှုမှာ ကန်ဒေါ်လာ ၃၈ ဘီလီယံ ရှိခဲ့ပြီး ၂ဝ၁၁-၂ဝ၁၂ ဘဏ္ဍာနှစ် ဧပြီလမှ မတ်လထိမှာ ၅၆ ဒသမ ၅ ဘီလီယံ တင်သွင်းခဲ့ တယ်လို့ သိရပါတယ်။

Source:economictines indiatimes.com >>>CMK

တနင်္လာနေ့ ၂၈ ဇန်နဝါရီလ ၂၀၁၃ 14 :16 PM

အိန္ဒိယ နိုင်ငံသည် ဘရာဇီးလ်ပြီးလျှင် ဒုတိယ အများဆုံး သကြား တင်ပို့သော နိုင်ငံဖြစ် ပါသည်။ ပြည်ပမှ တင်သွင်းသော သကြား ဈေးထက် လျော့ချရန် ၂ဝ၁၁ ခုနှစ် အောက်တိုဘာလ မှစပြီး ဆောင်ရွက် လျက်ရှိကြောင်း သကြားစက် ပိုင်ရှင်များ အသင်းက ဇန်နဝါရီလ စတုတ္ထပတ်မှာ ပြောကြားခဲ့ခြင်း ဖြစ်သည်။ ယမန်နှစ် ဇန်နဝါရီလမှ စက်တင်ဘာလ ၃ဝ ရက်ထိ သကြား တန်ချိန် ၂၄ သန်းထိ ထုတ်လုပ် နိုင်ခဲ့သည်ဟု သကြားစက် ပိုင်ရှင်များ အသင်း ဥက္ကဌမှ Mr. Srinivaascan က ပြောကြား ခဲ့သည်။ ပြည်တွင်း သကြားဈေးများ လျော့ကျ လာခြင်းသည် ကြံ တောင်သူများကို အချိန်မီ ငွေပေးချေနိုင်ရေး အတွက် အဟန့်အတား ဖြစ်စေလျက်ရှိပြီး တောင်သူများအား အခြား သီးနံှ ပြောင်းလဲ စိုက်ပျိုးရန် တွန်းအားပေးရာ ရောက်လျက် ရှိပါသည်။ ၂ဝ၁၃-၂ဝ၁၄ တွင် သကြား မည်မျှ ထွက်ရှိမည်ဟု သကြားစက်ပိုင် အသင်းဥက္ကဌ အနေနှင့် ခန့်မှန်း ပြောကြားနိုင်ခြင်း မရှိပါ။ ပြည်တွင်း သကြား ဈေးကွက် အခြေအနေသည် အတန်ငယ် ဆိုးရွား နေကြောင်းနှင့် ပြည်ပမှ တင်သွင်း လာသော သကြားများသည် ပြည်တွင်း ဈေးကွက်တွင် အချိန်တို အတွင်း နေရာယူလျက် ရှိသည်ဟု Mr. Srinivaascan က ပြောကြား ခဲ့သည်။

Source: businesstimes.com.sg ---- Sweet