ဘဏ္ဍာရေးလုပ်ထုံးလုပ်နည်းသင်တန်း အမှတ်စဉ် (၁/၂၀၂၃) သင်တန်း ဖွင့်လှစ်ခဲ့မှုသတင်း
ဘဏ္ဍာရေးလုပ်ထုံးလုပ်နည်းသင်တန်း အမှတ်စဉ် (၁/၂၀၂၃) သင်တန်း
ဖွင့်လှစ်ခဲ့မှုသတင်း
(အပြည့်အစုံ)
၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနရှိ အရာထမ်း၊ အမှုထမ်းများအတွက် ဘဏ္ဍာရေးလုပ်ထုံးလုပ်နည်းသင်တန်းအမှတ်စဉ် (၁/၂၀၂၃) သင်တန်းကို ၂၀၂၃ ခုနှစ်၊ ဖေဖော်ဝါရီလ (၁၆) ရက် နံနက် (၀၉း၃၀) နာရီ အချိန်တွင် စတင်ဖွင့်လှစ်ခဲ့ပြီး ဒုတိယညွှန်ကြားရေးမှူးချုပ်က အဖွင့်အမှာစကား ပြောကြားခဲ့ပါသည်။
၂။ ဘဏ္ဍာရေးလုပ်ထုံးလုပ်နည်းသင်တန်းနှင့် ပတ်သက်၍ ဝန်ထမ်းများ သိရှိစေရန်နှင့် အရည် အချင်းများတိုးတက်စေရန်အတွက် ရည်ရွယ်၍ ၂၀၂၃ ခုနှစ်၊ ဖေဖော်ဝါရီလ (၁၆) ရက်မှ (၁၇) ရက် ထိ (ကြာသပတေးနေ့မှသောကြာနေ့ထိ) (၂) ရက်ကြာ ဖွင့်လှစ်မည်ဖြစ်ပါသည်။
၃။ ဘဏ္ဍာရေးလုပ်ထုံးလုပ်နည်းသင်တန်းတွင် ရသုံးမှန်းခြေငွေစာရင်းနှင့် မြန်မာနိုင်ငံ၏ ဘဏ္ဍာရေးစီမံခန့်ခွဲမှုဆိုင်ရာ စည်းမျဉ်း(၃၅/၂၀၁၇)၊ ဌာနဆိုင်ရာ ရငွေများစာရင်း၊ အသုံးစရိတ်များ ကြိုတင်စစ်ဆေးခြင်း၊ ငွေစာရင်းထိန်းသိမ်းရေးနည်းလမ်းညွှန်ကြားချက်များ၊ စာရင်းစစ်ကန့်ကွက်ချက် ဖြစ်ပေါ်နိုင်သည့်အချက်များ ဆိုင်ရာ ဘာသာရပ်များကို သင်ကြားပို့ချမည်ဖြစ်ပါသည်။
၄။ အဆိုပါ သင်တန်းကို Covid-19 ကာကွယ်ထိန်းချုပ်ရေးဆိုင်ရာ ညွှန်ကြားချက်၊ စည်းကမ်းချက် များနှင့်အညီ သင်တန်းဖွင့်လှစ်လျက်ရှိပြီး ကုန်သွယ်ရေးဦးစီးဌာနရှိ ဌာနတွင်း အရာထမ်း၊ အမှုထမ်း စုစုပေါင်း(၂၂) ဦိးတို့ တက်ရောက်လျက်ရှိပါသည်။
