Department of Trade

တနင်္လာနေ့  ၁၈ မတ်လ  ၂၀၁၃ 02 း 12 PM

မူဆယ်-မန္တလေး ကုန်သွယ်မှု လမ်းကြောင်းပေါ်ရှိ စားသုံးသူ အကာအကွယ် ပေးရေးနှင့် တရား မဝင် ကုန်သွယ်မှု တားဆီး ထိန်းခုျပ်ရေး အဖွဲ့ Mobile Team အဖွဲ့ခေါင်းဆောင် ညွှန်ကြားရေးမှူး ဦးစန်းလွင် ဦးစီးတဲ့ အဖွဲ့ဟာ နောင်ခိုျမြို့ အေးရှားဝေါလ် တိုးဂိတ်အနီးတွင် အခြေပြုကာ ယာဉ်များအား စစ်ဆေး ဆောင်ရွက် လျက်ရှိရာ နောင်ချို- ကျောက်မဲ- လားရှိုး- မူဆယ် ပြေးဆွဲနေတဲ့ ယာဉ်များရဲ့ တရားမဝင် အကောက်ခွန်မဲ့ ပစ္စည်းများ တင်ဆောင် သွားလာနေမှုအား ကြမ်းတမ်းစွာ ဖမ်းဆီး လျက်ရှိပြီး မိုးကုတ်-ပြင်ဦးလွင် ကားလမ်းမှာလည်း ဝင်ရောက် ဖမ်းဆီးမှု များကြောင့် ဒေသခံများနဲ့ လက်လုပ် လက်စား အလုပ်အကိုင်မဲ့ သူများရဲ့ တရားမဝင်ကယ်ရီသယ်ဆောင်မှုလုပ်ငန်း များအပေါ် စီးပွားပျက် အကိုျးယုတ် ထိခိုက်စေလျက် ရှိကြောင်း၊ Mobile Team အဖွဲ့ ဝန်ထမ်းများမှ တရားမဝင် အကောက်ခွန်မဲ့ ပစ္စည်းများ တင်ဆောင်လာတဲ့ ယာဉ် (၁) စီးလျှင် ငွေကျပ် (၁) သိန်း၊ (၁)သိန်းခွဲခန့် ဖြင့်ညှိနှိုင်း ကြေးပေးပြီး ဖြတ်သန်းခွင့်ပြု နေကြောင်း ထိုးနှက် သတင်းများ ဖြစ်ပေါ်လျက် ရှိကြောင်း ကြားသိရပါတယ်။

.........ဆက်လက်ဖတ်ရှုရန် ခေါင်းစဉ်ကိုနှိပ်ပါ

အဆိုပါ သတင်း ဖြစ်ပေါ် နေမှုကို Mobile Team အဖွဲ့ခေါင်းဆောင်နဲ့ ဌာန အလိုက် အဖွဲ့ငယ် ခေါင်း ဆောင်များမှ မိမိ ဝန်ထမ်းများအား ကုန်သည် လုပ်ငန်းရှင်၊ ယာဉ်မောင်းနဲ့ အဖွဲ့အပေါ် မနှစ်လိုသူ၊ မကျေနပ် သူများရဲ့ စည်းရုံးဆွဲဆောင် သိမ်းသွင်းမှု မခံရစေရန် ကြပ်မတ် ဆောင်ရွက်လျက် ရှိသလို သတင်း ကွင်းဆက် ဖော်ထုတ်နိုင်ရေး ဆောင်ရွက် ခဲ့ရာ ၅-၃-၂ဝ၁၃ နေ့ ဝ၅း၃ဝ နာရီတွင် Mobile Team အဖွဲ့ အသွင်ယူ အယောင်ဆောင် ငွေတောင်းခံ နေတဲ့ အဖွဲ့ဝင် (၄) ဦးပါအဖွဲ့အား ဖော်ထုတ်ရရှိခဲ့ပါတယ်။

ဖြစ်စဉ် အသေးစိတ်မှာ ၅-၃-၂ဝ၁၃ ရက်နေ့ ဝဝး၃ဝ နာရီတွင် Mobile Team အဖွဲ့မှ ကုန်တင်ယာဉ် များစစ်ဆေး နေချိန် Toyota Mark 2 ယာဉ်အမှတ် ထထထထ တစ်စီးစစ်ဆေးတဲ့ နေရာသို့ရောက်ရှိလာပြီး အမည် မသိ ယာဉ်မောင်းမှ ထထထထ အဖွဲ့က ဖြစ်ကြောင်း ဖမ်းဆီးစာရင်း ယခုလိုချင်ကြောင်း ပြောကြားလာရာ နယ်စပ် ကုန်သွယ်ရေး ဦးစီးဌာန၊ ဒုတိယညွှန်ကြားရေးမှူးမှ လောလောဆယ် မပေး နိုင်သေးကြောင်း၊ တရားဝင်စာဖြင့် တောင်းခံပါက အဖွဲ့ခေါင်းဆောင်ထံ တင်ပြပြီးပေးနိုင်မည် ဖြစ်ကြောင်း ပြောကြား နေစဉ် (တရားမဝင် ပစ္စည်းများ တင်ဆောင်ထားတဲ့) ဆန်နီယာဉ်အမှတ် ထထထထ မှာ ရပ်တန့် အစစ်ဆေးခံခြင်း မရှိဘဲ အေးရှား ဝေါလ်ဂိတ်သို့ မောင်းနှင် သွားခဲ့သဖြင့် အသင့်စောင့်နေတဲ့ Mobile Team မြန်မာ နိုင်ငံရဲတပ်ဖွဲ့မှ ပြန်လည် ခေါ်ဆောင်လာစဉ် ကြိုရောက်နေပြီး စာရင်းလာတောင်းတဲ့ Toyota Mark 2 ယာဉ်မှာ အရှိန်နဲ့ မောင်းနှင် ထွက်ခွာ သွားပါတယ်။

အေးရှားဝေါလ် ဂိတ်က ခေါ်လာတဲ့ ဆန်နီယာဉ်အမှတ် ထထထထ ပေါ်မှာ လိုက်ပါလာတဲ့ ခရီးသည်များကို စိစစ် မေးမြန်းချက် အရ စာရင်းလာတောင်းတဲ့ ထထထထ ဆိုသူနဲ့ တွေ့ဆုံခဲ့ပြီး Mobile Team အဖွဲ့မှ ဖြတ်လျှင် ကျပ် (၁) သိန်းခွဲ ပေးရမှာ ဖြစ်ကြောင်း၊ ကျပ် (၁) သိန်းဖြင့် နောက်ဆုံး ဈေးတည့် ခဲ့ပြီး စာရင်းတောင်း လာသူနဲ့ အတူပါ လာတဲ့ ယာဉ်မောင်းမှ ၎င်းရဲ့ ယာဉ်စစ်ဆေးရေး ဂိတ်သို့ ဝင်ရောက် နေစဉ် ဆန်နီယာဉ်အား ရပ်တန့်ခြင်း မပြုဘဲ   မောင်းနှင်သွားရန် ပြောကြား ထားကြောင်း သိရှိရပါတယ်။ ၎င်းအဖွဲ့နဲ့ အဓိက ဆက်စပ် ပေးသူမှာ စာရင်းလာတောင်း သူဖြစ်ကြောင်း ဖော်ထုတ်ရရှိခဲ့ပြီး သတင်းကွင်းဆက် ဖော်ထုတ်ခဲ့မှု အရ အဖွဲ့ဝင် (၄) ဦးပါ ရှိကြောင်း တရား ဥပဒေ အရ အရေးယူနိုင်ဖို့ ဆောင်ရွက် နေတယ်လို့ သတင်း ရရှိပါတယ်။

ကမရ

တနင်္လာနေ့  ၁၈ မတ်လ  ၂၀၁၃ 01 း 57 PM

ပွင့်လင်း ရာသီ ရောက်ရှိလာပြီး လမ်းပန်း ဆက်သွယ်ရေး ကောင်းမွန် လာပြီဖြစ်လို့ ကုန်သွယ်မှု ပမာဏ ယခုထက် ပိုမို တိုးတက်အောင် ကြိုးပမ်း ဆောင်ရွက် သွားကြစေလိုကြောင်း မတ်လ ၁ ရက်နေ့ ရိဒ်ခေါဒါရ် အစည်း အဝေး ခန်းမမှာ ကျင်းပ ပြုလုပ်တဲ့ ကုန်သွယ်မှု မြှင့်တင်ရေး အစည်းအဝေးမှာ ရိဒ်နယ်စပ် စခန်း တာဝန်ခံ လက်ထောက် ညွှန်ကြားရေးမှူး ဦးတင်ထွန်းဦးမှ ပြောကြားခဲ့တယ်လို့ သိရပါတယ်။ ဆက်လက်ပြီး ကုမ္ပဏီများမှ တင်ပြတဲ့ အခက် အခဲများကို အထက် ဌာနများသို့ တင်ပြ ဆောင်ရွက်သွားမှာ ဖြစ်ကြောင်းနဲ့ တရားမဝင် မှောင်ခို လမ်းကြောင်းမှ ကုန်ပစ္စည်းများ ဝင်ထွက် သွားလာမှု မရှိစေရေး ကုန်သည် လုပ်ငန်းရှင်များ၊ OSS အဖွဲ့ဝင်များနဲ့ မိတ်ဖက် ဌာနဆိုင်ရာများ ဝိုင်းဝန်း တားဆီး ဆောင်ရွက် သွားရန်လိုအပ်ကြောင်း စခန်းတာဝန်ခံမှ ပြောကြား ခဲ့တယ်လို့ သတင်း ရရှိပါတယ်။ နိုင်ငံတော်မှ ကုန်သည် လုပ်ငန်း ရှင်များ အတွက် အခြေအနေ ကောင်းများ ဖန်တီးနေချိန်မှာ ရရှိလာတဲ့ အခွင့်အရေးကို မှန်မှန် ကန်ကန် အသုံးချလုပ် ကိုင်သွားကြရန် လိုကြောင်း၊ ပို့ကုန် သွင်းကုန် ပစ္စည်းများ တင်ပို့ တင်သွင်းရာမှာ တရားမဝင် ကုန်ပစ္စည်းများကို တင်ပို့ခြင်း တင်သွင်းခြင်း မပြုကြရန်နဲ့ နိုင်ငံတော်ရဲ့ စေတနာကို လေးစားတဲ့ အနေနဲ့ ချမှတ် ထားတဲ့ စည်းကမ်းများ ကိုလည်း လိုက်နာကြရန် လိုအပ်ကြောင်း ရိဒ်ခေါဒါရ် မြို့နယ်ခွဲ အုပ်ခုျပ်ရေးမှူး ဦးတင်ထွန်းမှ ကုန်သွယ်မှု မြှင့်တင်ရေး အစည်းအဝေးမှာ ပြောကြားခဲ့တယ်လို့ သတင်းရရှိပါတယ်။

Source နကသ (ရိဒ်)                                                                      ခင်မိုးသူ

တနင်္လာနေ့  ၁၈ မတ်လ  ၂၀၁၃ 11 း 07 AM

ပင်လယ် ရေကြောင်းမှ သာမက နယ်စပ် ကုန်သွယ်ရေး စခန်း များမှလည်း မော်တော် ဆိုင်ကယ် အပါအဝင် သုံးဘီး ဆိုင်ကယ်၊ ထရော်လာ ဂျီများကို တရားဝင် တင်သွင်း ခွင့်ပြု ထားပြီး ဖြစ်ပါတယ်။ ဒါပေမဲ့လည်း ဝိသမ လောဘ သားအချို့ ဟာ မော်တော် ဆိုင်ကယ်များ ကို Light Truck များ၊ ၆ ဘီးယာဉ်များ၊ ၁၂ ဘီး ယာဉ်များမှာ အခြား ကုန် များနဲ့ ရောနှော သိုဝှက် သယ်ဆောင် မှုများ ကိုကျူးလွန် လျက်ရှိနေတယ်လို့ သိရှိရ ပါတယ်။ မူဆယ်-မန္တလေး ကုန်သွယ်မှု လမ်းကြောင်းမှာ စားသုံးသူ အကာအကွယ် ပေးရေးနဲ့ တရား မဝင် ကုန်သွယ်မှု တားဆီးရေးအဖွဲ့-၁ က မတ်လ ၅ ရက်မှ ၁ဝ ရက်ထိ ကာလ အတွင်းမှာ ၁၂၅ စီစီနဲ့ ၁ဝဝ စီစီ မော်တော် ဆိုင်ကယ် ၁၅ စီးကို စစ်ဆေး တွေ့ရှိခဲ့ ရတယ်လို့ Mobile Team အဖွဲ့-၁ ခေါင်းဆောင် ညွှန်ကြားရေးမှူး ဦးစန်းလွင် ထံမှ Commerce Journal က သိရှိရပါတယ်။ ဦးစန်းလွင်ရဲ့ ပြောကြားချက် အရ မတ်လ ၈ ရက်နေ့မှာ ၁၂ ဘီးယာဉ် ၂င/ထထထထ ပေါ်မှ ဆိုင်ကယ် ၃ စီး၊ ၉ ရက်နေ့မှာ Light Truck ယာဉ် ၈ဇ/ထထထထ ပေါ်မှ ဆိုင်ကယ် ၃ စီး၊ မတ်လ ၁ ရက်နေ့မှာ Nissan ၆ ဘီးယာဉ် ၅က/ထထထထ ပေါ်မှ ဆိုင်ကယ် ၃ စီး၊ ၁၂ ဘီးယာဉ် ၃ဂ/ထထထထ ပေါ်မှ ၃ စီးနဲ့ ၈ဈ/ထထထထ Nissan ၆ ဘီးယာဉ်ပေါ်မှ ၃ စီး စုစုပေါင်း ၁၅ စီးကို ရှာဖွေတွေ့ရှိတဲ့ အတွက် လားရှိုး အကောက်ခွန်သို့ လုပ်ထုံး လုပ်နည်းနဲ့ အညီ စနစ်တကျ လွဲှပြောင်း အပ်နံှထားပြီး ဖြစ်တယ် လို့လည်း သိရပါတယ်။

တရား မဝင် တင်သွင်းမှု တွေများ လာတာနဲ့ အမျှ နိုင်ငံတော် တည်ဆောက်ရေး၊ ဘက်စုံ ဖွံ့ဖြိုး တိုးတက် ရေး အတွက် အသုံးပြုရမဲ့ အခွန်အခ ရရှိမှုများ လျော့နည်း လာစေတဲ့ အပြင် တရားဝင် တင်သွင်း သူများကို လည်းဈေးကွက် ယှဉ်ပြိုင် နိုင်စွမ်းအား လျော့နည်း စေမှာ ဖြစ်ပါတယ်။ တရားမျှတမှု ရှိစွာ တန်းတူ ညီမျှသော အခွင့်အရေးကို ရိုးသားစွာ အတူတကွ ခံစားနိုင် ကြဖို့ တရား မဝင် ကုန်သွယ်မှု ပြုနေမှု များကို ထိရောက် ပြင်းထန်သော အရေးယူမှုများ ပြုလုပ်သင့် နေပြီဖြစ်ပါတယ်။

Source လရ-၁                                                                                                     MTN

သောကြာနေ့  ၁၅ မတ်လ  ၂၀၁၃ 11 း 10 AM

မတ်လ ၆ ရက်နေ့ ညသန်းခေါင်ယံ အချိန် ၂၃း၃ဝ နာရီ ခန့်မှာ မုပ္ပလင် မြစ်ကျိုးအင်း ကျေးရွာ ချင်းဆက် လမ်းမှာ တရားမဝင် ကုန်စုံ တင်ထားတဲ့ ဒိုင်နာယာဉ် တစ်စီး တိမ်းစောင်း နေတယ်လို့ သတင်းအရ Mobile Team အဖွဲ့-၂ မှ သွားရောက် စစ်ဆေးမှု ပြုလုပ်ခဲ့ရာမှာ တရားမဝင် သယ်ဆောင်လာတဲ့ သစ်ခွပန်းနဲ့ ကုန်စိမ်း များတွေ့ရှိ သိမ်းဆည်းမှု ပြုလုပ်ခဲ့တယ်လို့ သတင်း ရရှိခဲ့ပါတယ်။ စစ်ဆေးတွေ့ရှိ သိမ်းဆည်းခဲ့ရတဲ့ ပစ္စည်းတေ ကတော့ သစ်ခွပန်းများနဲ့ ပိန္နဲသီး၊ ကွဲျကောသီး၊ သရက်သီး၊ သံပုရာသီး၊ မုန်လာဥနီ၊ ကြက်သွန်နီ၊ ဂေါ်ဖီ၊ ငြုပ်သီး၊ ကညွှတ်၊ ပိန်းဥ၊ မှိုနဲ့ဂျင်းစတဲ့ ပုတ်သိုးလွယ် ကုန်စိမ်းများဖြစ်ပြီး ခန့်မှန်းတန်ဖိုး အားဖြင့်ကျပ် ၁၆ သိန်းကျော် ရှိတယ်လို့သိ ရပါတယ်။

ပုတ်သိုး လွယ်ကုန် စိမ်းများနဲ့ သစ်ခွပန်းများ ကို Mobile Team အဖွဲ့စုံနဲ့ စည်ပင် သာယာအဖွဲ့တို့ ပါဝင်တဲ့ အဖွဲ့က စနစ်တကျ လုပ်ထုံးလုပ်နည်းနဲ့ အညီ ဈေးပြိုင်စနစ်နဲ့ လေလံတင် ရောင်းချခဲ့ရာ မှာတော့ လေလံယှဉ်ပြိုင် ဆွဲသူ (၅) ဦးရှိခဲ့ပြီး အမြင့်ဆုံးဈေး ၁၇ သိန်းနဲ့လေလံ ပြိုင်ဆွဲသူ များထဲက (၁) ဦး လေလံ အောင်သွား ခဲ့တယ်လို့ သတင်း ရရှိပါတယ်။

Source: လရ-၁                                                                                           MTN

သောကြာနေ့  ၁၅ မတ်လ  ၂၀၁၃ 10 း 25 AM

နောင်ချိုမြို့သံသရာအေး ဘုရားဝန်းကျင်ရှိ ရှောင်ကွင်း လမ်းများသို့ လှုပ်ရှား ရွေ့လျား အဖွဲ့-၁ ထုတ်နှုတ် အင်အားနဲ့ ရှောင်တခင် ဝင်ရောက် ရှင်းလင်းရာ ဘုရားအနီး ကျောက်ချောလမ်း အတိုင်း ဝင်လာတဲ့ အကောက်ခွန်မဲ့ လိုင်စင်မဲ့ အရပ်အခေါ် Without ကား (၅) စီးကို တွေ့ရှိ စစ်ဆေး တားဆီး နိုင်ခဲ့တယ်လို့ သတင်း ရရှိ ပါတယ်။

........ဆက်လက်ဖတ်ရှုပါရန် ခေါင်းစဉ်ကိုနှိပ်ပါ

စစ်ဆေး တားဆီး ခဲ့ရတဲ့ ယာဉ် (၅) စီးကတော့ ၄ လုံးထိုး Dump Truck (၁၂) တန် ယာဉ် ၁က/xxxxx၊ ၉င/xxxxx၊ ၄ လုံးထိုး Dump Truck (၁ဝ) တန်ယာဉ် ၉င/xxxxx၊ ၄ လုံးထိုး Dump Truck (၈) တန်ယာဉ် ၉ဌ/xxxxx နဲ့ ၉ဌ/xxxxx တို့ဖြစ်ပြီး (၁ဝ) တန်ယာဉ်ပေါ်မှာ အင်ဂျင်ပျက် အဟောင်း တစ်လုံး တင်ဆောင် ထားတယ် လို့ သိရပါတယ်။

ဖြစ်စဉ် ကတော့ လွန်ခဲ့တဲ့ရက် ၂ဝ ခန့်က တစ်ဖက် နိုင်ငံ ချန်းရင်မြို့မှ ဝယ်ယူပြီး ချင်းရွှေဟော်မှ ဟိုပင်၊ ထိုမှ မတ်လ ၄ ရက်နေ့မှာ ဟိုပင်-ကွမ်းလုံ- သိန္ဒီ၊ လားရှိုး-ကျောက်မဲ ကားလမ်း၊ ထိုမှ နောင်ခိုျသို့ ဝင်ရောက်ခဲ့တာလို့ သိရပါတယ်။ နောင်ခိုျကို ဝင်ရောက်ရာ မှာတော့ Asia World Toll Gate အလွန် ယခင် မူးယစ် ဂိတ်ဟောင်း နေရာရှိ ရှောင်ကွင်းလမ်းကို အသုံးပြုပြီး သံသရာအေး ဘုရားအနီး ကျောက်ချောလမ်းမှ မောင်းနှင် လာတာလို့ သိရပါတယ်။ လိုင်စင်မဲ့ ယာဉ် ၅ စီးလုံးကို လားရှိုးမြို့ ရပ်ကွက်ကြီး ၁၁၊ နှင်းဆီလမ်း၊ ခြံအမှတ် xxx နေ၊ ဦးxxxx က တစ်ဖက်နိုင်ငံမှ ဝယ်ယူခဲ့ပြီး မန္တလေးသို့ သယ်ဆောင် စေလာခြင်း ဖြစ်တယ်လို့ လည်း သိရပါတယ်။ လမ်းကြောင်းရှင်းရန် ဒုရဲအုပ် ငြိမ်း အဆင့်် ရှိတယ်လို့ ယူဆရသူ တစ်ဦးက လိုက်ပါ ဆောင်ရွက်တာ ဖြစ်ပါတယ်။ ယာဉ်များအား Mobile Team အဖွဲ့မှ စစ်ဆေး နေစဉ် ထိုသူ ထွက်ပြေး တိမ်းရှောင် သွားခဲ့ပါတယ်။ ယာဉ် ၁ စီး လမ်းရှင်းခ ၆၅ဝဝဝဝကျပ် ဝန်းကျင် အသုံးပြုပြီး သယ်ဆောင် လာတာကို Mobile Team အဖွဲ့က ဖော်ထုတ် ရရှိခဲ့တယ်လို့ Mobile Team-၁ အဖွဲ့ခေါင်းဆောင် ညွှန်ကြားရေးမှူး ဦးစန်းလွင်ထံမှ စုံစမ်း သိရှိခဲ့ရ ပါတယ်။

တရားမဝင် အကောက်ခွန်မဲ့ ယာဉ် ၅ စီးနဲ့ အင်ဂျင် ဟောင်းပျက်ကိုလည်း ပြည်သူူ့ ဘဏ္ဍာ အဖြစ် သိမ်းဆည်း နိုင်ရေး လုပ်ထုံးလုပ်နည်းနဲ့ အညီ လားရှိုး အကောက်ခွန်ဌာနသို့ စနစ်တကျ လွဲှပြောင်းထားပြီး ဖြစ်တယ်လို့ သိရှိရပါတယ်။

Source: လရ-၁                 MIRT