Department of Trade

မူဆယ် (၁၀၅) မိုင်ကုန်သွယ်ရေးဇုန်၏ ကျွဲ၊ နွား၊ သိုး၊ ဆိတ်တင်ပို့မှုနှင့်ပတ်သက်၍ တစ်ဖက်နိုင်ငံ ဈေးကွက်၊ ဈေးနှုန်းအခြေအနေနှင့် မူဆယ်ဒေသဈေးကွက်၊ ဈေးနှုန်းအခြေအနေများမှာ အောက်ပါအတိုင်း စုံးစမ်းသိရှိ ရပါသည်။

ကျွဲ၊ နွား (အရှင်) များအား တစ်ဖက်နိုင်ငံဝယ်လက်များမှ တိရစ္ဆာန်ကျန်းမာရေးစစ်ဆေးရေးစခန်း (AQS) နှင့် မူဆယ်၊ ကျိန်စမ်းကျော့ ကိုယ်ပိုင်နွားခြံများသို့ နေ့စဉ်လာရောက်ရောင်းဝယ်ယူလျှက်ရှိပါသည်။

          စဉ်      အမျိုးအစား              မူဆယ်မြို့တစ်ဖက်နိုင်ငံရောင်းဈေး(ယွမ်)       တင်ပို့သည့်မြို့

          (၁)     ကျွဲ (၁) ကောင်                       ၁၀၆၀၀-၁၁၀၂၄                             မန်စီမြို့

          (၂)     နွား (၁) ကောင်                        ၇၇၂၉-၈၈၄၁                                မန်စီမြို့

တစ်ဖက်နိုင်ငံသို့ တင်ပို့ရောင်းချရန် ရောက်ရှိလာသော ကျွဲ၊ နွား (အရှင်)များအား တိရိစ္ဆာန် ကျန်းမာရေးစစ်ဆေးရေးစခန်း (AQS) နှင့် ကိုယ်ပိုင်ခြံများတွင် (၁/၂) ရက်ခန့် ယာယီထိန်းသိမ်းထားရှိပြီး တရုတ်ပြည်တွင်း မန်စီမြို့ဝယ်လက်များမှ နေ့စဉ်ဝယ်ယူလျှက်ရှိပါသည်။

ဝယ်ယူစုဆောင်းဒေသများဖြစ်သော စစ်ကိုင်းတိုင်း၊ မကွေးတိုင်း၊ မန္တလေးတိုင်း၊ ပဲခူးတိုင်းအပြင် ယခုအပတ်အတွင်း ထူးခြားမှုအနေဖြင့် ရှမ်းပြည်တောင်ပိုင်း၊ ရပ်စောက်မြို့၊ ရွှေညောင်မြို့များနှင့် ဧရာဝတီ တိုင်းဒေသကြီး၊ ကန်ကြီးထောင့်မြို့နယ်မှ ကျွဲ၊ နွား(အရှင်)များ တင်ပို့လာမှုကို ကြည့်ခြင်းအားဖြင့် တိုင်းနှင့် ပြည်နယ်အရပ်ရပ်မှ ရောက်ရှိလာပြီး ပြည်တွင်းဈေးကွက်နေရာစုံမှ ဝယ်ယူစုဆောင်းတင်ပို့နေကြောင်း တွေ့ရှိရပါသည်။

ဆိတ်(အရှင်)တင်ပို့မှုအနေဖြင့် တရုတ်နိုင်ငံအတွင်း တရုတ်နိုင်ငံသား ဝယ်လက်များ ဖမ်းဆီးခံခဲ့ သည့် ဖြစ်စဉ်နောက်ပိုင်း ယနေ့အချိန်အထိ တရုတ်ပြည်တွင်း ဝယ်လက်ကြီးများ လာရောက်ဝယ်ယူမှု မရှိ သေးသော်လည်း အချို့ဆိတ်ပိုင်ရှင်များထံသို့ တရုတ်ပြည်တွင်းဝယ်လက်ကြီးများ လာရောက် ဆက်သွယ်မှု ရှိပြီး အရောင်းအဝယ် မဖြစ်သေးကြောင်း သိရှိရသည်။

မူဆယ်မြို့တွင်းယာယီထိန်းသိမ်းထားရှိသည့် ဆိတ်ခြံ (၅) ခုတွင် ဆိတ်ကောင်ရေ (၃၉၂၅) ကောင် ရှိပြီး ၁၈ မတ် ၂၁ ရက်နေ့တွင် တိုးရွှေဝါကုမ္ပဏီမှ ထပ်မံရောက်ရှိလာသော ဆိတ်ကောင်ရေ (၄၄၀)ကောင်၊ စုစုပေါင်းဆိတ်ကောင်ရေ (၄၃၆၅) ကောင်ရှိ နေ့စဉ် ကျယ်ဂေါင်-ရွှေလီ ဒေသသုံးအနီးဝယ်လက်ငယ်များမှ ဆိတ်ကောင်ရေ (၅၀) မှ (၁၀၀)ကောင်ဝန်းကျင် ဝယ်ယူမှုရှိနေပြီး ၁၈ မတ် ၂၁ ရက်နေ့အထိ အနီးဝယ်လက်မှ ဝယ်ယူမှုအနေဖြင့် ဆိတ်ကောင်ရေ (၂၃၇၀) ကောင်ရောင်းချမှုရှိပြီး လက်ကျန် ဆိတ်ကောင်ရေ (၁၉၉၅) ကောင်ကျန်ရှိ၊ မူဆယ်မြို့တွင်း ဆိတ်ခြံ(၅)ခု၏ ရောင်းချမှု၊ လက်ကျန်ကောင်ရေ စာရင်းအား ပူးတွဲပါဇယားအတိုင်းဖြစ်ပါသည်။

မူဆယ်မြို့ဆိတ်ခြံနေရာ ရောင်းချဈေးနှုန်းမှာ (၁) ကီလိုလျှင် အနိမ့်ဈေး (၂၁) ယွမ်မှ အမြင့်ဈေး (၂၂) ယွမ်ရရှိကြောင်းသိရှိရသည်။

Shan Shwe Myint War Co., Ltd. မှ မူဆယ်မြို့၊ ပန်ခမ်းရွာ ကိုယ်ပိုင်ခြံတွင် ယာယီ ထိန်းသိမ်း ထားရှိသော သိုး(အရှင်)(၁၆၇၇) ကောင်အား ၁၈ မတ် ၂၀ ရက်နေ့တွင် ရှန်တုံးပြည်နယ်မှ နှစ်ဦး သဘောတူ အရောင်းအဝယ်စာချုပ်ချုပ်ဆိုထားရှိသည့် အဝေးဝယ်လက် (၂) ဦးရှိပြီး ရောက်ရှိ သိုး (အရှင်) ကောင်ရေ (၁၅၇၇) ကောင်အား တရုတ်ယာဉ်(၁)စီးလျှင် သိုးကောင်ရေ (၄၅၀) ဆံ့ယာဉ်(၄)စီးဖြင့် သိုးခြံသို့ လာရောက်ဝယ်ယူတင်ဆောင်ပြီး ပန်ခမ်းကူးတို့ဆိပ်မှတစ်ဆင့် တစ်ဖက်နိုင်ငံ ရှန်တုံးပြည်နယ်သို့ သယ်ဆောင်သွားခဲ့ကြောင်းသိရှိရပါသည်။

မူဆယ်၊ ပန်ခမ်းရွာ သိုးခြံနေရာ ရောင်းချဈေးနှုန်းမှာ (၁) ကီလိုလျှင် (၁၆)ယွမ်ရရှိပြီး မန္တလေး တိုင်းဒေသကြီး၊ မိတ္ထီလာမြို့နှင့် ပျော်ဘွယ်မြို့တို့မှ ဝယ်ယူခဲ့ခြင်းဖြစ်ပါသည်။ ဝယ်ယူစုဆောင်းနားကပ်တပ် (၃) လနီးပါးအချိန်ကြာမြင့်သောကြောင့် ယခုအခေါက် စတင်ရောင်းဝယ်မှုသည် အမြတ်အစွန်းမရှိကြောင်း သိရှိရပါသည်။

ဝယ်ယူသယ်ဆောင်သည့် ရှန်တုံးပြည်နယ်သည် ကွမ်ကျိုးပြည်နယ်သည် ကွမ်းကျိုးပြည်နယ်နှင့် ဆက်စပ်လျှက်ရှိပြီး ပီကင်းပြည်နယ်နှင့် ရှန်ဟိုင်းပြည်နယ်ကြား နေရာတွင်ရှိပြီး ရွှေလီမှ (၂) ရက်ကြာ ခရီး မောင်းနှင်သွားလာရကြောင်း စုံစမ်းသိရှိရပါသည်။

Source : မူဆယ် ၁၀၅ မိုင်ကုန်သွယ်ရေးဇုန်

Source : မူဆယ် ၁၀၅ မိုင်ကုန်သွယ်ရေးဇုန်

          မူဆယ် (၁၀၅) မိုင်ကုန်သွယ်ရေးဇုန်၏ ကျွဲ၊ နွား၊ သိုး၊ ဆိတ်တင်ပို့မှုနှင့်ပတ်သက်၍ တစ်ဖက်နိုင်ငံ ဈေးကွက်၊ ဈေးနှုန်းအခြေအနေနှင့် မူဆယ်ဒေသဈေးကွက်၊ ဈေးနှုန်းအခြေအနေများမှာ အောက်ပါအတိုင်း စုံးစမ်းသိရှိ ရပါသည်။

          စဉ်      အမျိုးအစား              မူဆယ်မြို့တစ်ဖက်နိုင်ငံရောင်းဈေး(ယွမ်)       တင်ပို့သည့်မြို့

          (၁)     ကျွဲ (၁) ကောင်                       ၁၀၆၀၀-၁၁၀၂၄                                မန်စီမြို့

          (၂)     နွား (၁) ကောင်                        ၈၂၁၂-၈၆၉၅                                   မန်စီမြို့

          တစ်ဖက်နိုင်ငံသို့ တင်ပို့ရောင်းချရန် ရောက်ရှိလာသော ကျွဲ၊ နွား (အရှင်)များအား တိရိစ္ဆာန် ကျန်းမာရေးစစ်ဆေးရေးစခန်း (AQS) နှင့် ကိုယ်ပိုင်ခြံများတွင် (၁/၂) ရက်ခန့် ယာယီထိန်းသိမ်းထားရှိပြီး တရုတ်ပြည်တွင်း မန်စီမြို့ဝယ်လက်များမှ နေ့စဉ်ဝယ်ယူလျှက်ရှိပါသည်။

          ဆိတ်(အရှင်)တင်ပို့မှုအနေဖြင့် တရုတ်နိုင်ငံအတွင်း တရုတ်နိုင်ငံသား ဝယ်လက်များ ဖမ်းဆီးခံခဲ့ သည့် ဖြစ်စဉ်နောက်ပိုင်း ယနေ့အချိန်အထိ တရုတ်ပြည်တွင်း ဝယ်လက်ကြီးများ လာရောက်ဝယ်ယူမှု မရှိသေးသော်လည်း ကျယ်ဂေါင်၊ ရွှေလီဒေသသုံး ဝယ်လက်ငယ်များမှ မူဆယ်မြို့တွင်းရှိ ဆိတ်ခြံများသို့ လာရောက်ဝယ်ယူမှုရှိပြီး အချို့ဆိတ်ပိုင်ရှင်များထံသို့ တရုတ်ပြည်တွင်းဝယ်လက်ကြီးများ လာရောက် ဆက်သွယ်မှုရှိပြီး အရောင်းအဝယ် မဖြစ်သေးကြောင်း သိရှိရသည်။

          တစ်ဖက်နိုင်ငံသို့ ဆက်လက်မတင်ပို့နိုင်ဘဲ မူဆယ်မြို့တွင်း ယာယီထိန်းသိမ်းထားရှိသည့် ဆိတ်ခြံ (၅) ခြံသို့ ကျယ်ဂေါင်၊ ရွှေလီဒေသသုံးဝယ်လက်များမှ (၁၃.၃.၂၀၁၈) ရက်နေ့အထိ လာရောက်ဝယ်ယူမှု အနေဖြင့် တိုးရွှေဝါကုမ္ပဏီပိုင် ဆိတ်ခြံတွင် ဆိတ်ကောင်ရေ (၁၆၄၀)အနက်ရောင်းချပြီး လက်ကျန် ကောင်ရေ (၁၂၀၀) ခန့်ကျန်ရှိပြီး ဝေယံထွန်းကုမ္ပဏီပိုင်ဆိတ်ခြံတွင် ဆိတ်ကောင်ရေ (၄၈၄) အနက် ရောင်းချပြီး လက်ကျန်ကောင်ရေ (၃၀၀) ခန့်ကျန်ရှိကြောင်း သိရှိရသည်။

          မူဆယ်မြို့ဆိတ်ခြံနေရာ ရောင်းချဈေးနှုန်းမှာ (၁) ကီလိုလျှင် အနိမ့်ဈေး (၂၀) ယွမ်မှ အမြင့်ဈေး (၂၂) ယွမ်ရရှိကြောင်းသိရှိရသည်။

          မူဆယ် ၁၀၅ မိုင် ကုန်သွယ်ရေးဇုန်သို့ ၂၀၁၈ ခုနှစ် မတ်လ ၁၄ ရက်နေ့တွင် Shan Shwe Myint War Co., Ltd. မှ ထပ်မံရောက်ရှိလာသော သိုး (အရှင်) (၇၅၀) ကောင်၊ ယခင်ရောက်ရှိကောင်ရေ (၈၂၇) ကောင်၊ စုစုပေါင်း ကောင်ရေ (၁၅၇၇) ကောင်အား မူဆယ်မြို့နယ်၊ ပန်ခမ်းရွာ ကိုယ်ပိုင်ခြံတွင် ယာယီထိန်းသိမ်းထားရှိပြီး တစ်ဖက်နိုင်ငံရှိ ရှန်တုံးပြည်နယ် အဝေးဝယ်လက်ကုမ္ပဏီတစ်ခုနှင့် သိုး (အရှင်) ကောင်ရေ (၃၀၀၀) ကောင်အား နှစ်ဦးသဘောတူ အရောင်းအဝယ်စာချုပ်ချုပ်ဆိုးထားရှိကြောင်း စုံစမ်းသိရှိ ရသည်။

Source : မူဆယ် ၁၀၅ မိုင် ကုန်သွယ်ရေးဇုန်

Source : မူဆယ် ၁၀၅ မိုင်ကုန်သွယ်ရေးဇုန်

Source : မူဆယ် ၁၀၅ မိုင်ကုန်သွယ်ရေးဇုန်