Department of Trade

ကမ္ဘာ့ကုန်သွယ်ရေးအဖွဲ့အကြောင်း မိတ်ဆက်သင်တန်း (Beginner) သင်တန်း ဖွင့်လှစ်မှု

သတင်း

(အပြည့်အစုံ)

၁။      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနရှိ အရာထမ်း၊ အမှုထမ်းများအတွက် ကမ္ဘာ့ကုန်သွယ်ရေးအဖွဲ့အကြောင်း မိတ်ဆက်သင်တန်း (Beginner) သင်တန်းအား ၂၀၂၃ ခုနှစ်၊ ဇန်နဝါရီလ (၂၅)ရက်နေ့ နံနက်(၁၀း၀၀)နာရီအချိန်တွင် သင်တန်းကို စတင်ဖွင့်လှစ်ခဲ့ပါသည်။

၂။       အဆိုပါသင်တန်း မစတင်ခင်အချိန်တွင် ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ် တို့သည် သင်တန်းတက်ရောက်လာသည့် သင်တန်းသားများကို တွေ့ဆုံအားပေးခဲ့ပြီး ညွှန်ကြားရေးမှူးချုပ်မှ အဖွင့်အမှာစကား ပြောကြားခဲ့ပါသည်။

၃။      အဆိုပါသင်တန်းကို ဝန်ထမ်းများ အရည်အချင်း တိုးတက်စေရန်အတွက် ရည်ရွယ်၍ ၂၀၂၃ ခုနှစ်၊ ဇန်နဝါရီလ(၂၅)ရက်နေ့မှ (၂၇) ရက်နေ့အထိ (ဗုဒ္ဓဟူးနေ့မှ ကြာသပတေးနေ့ထိ) (၃)ရက်ကြာ ဖွင့်လှစ်သွားမည်ဖြစ်ပါသည်။

၄။      အဆိုပါ သင်တန်းကို Covid-19 ကာကွယ်ထိန်းချုပ်ရေးဆိုင်ရာ ညွှန်ကြားချက်၊ စည်းကမ်းချက်များနှင့်အညီ သင်တန်းဖွင့်လှစ်လျက်ရှိပြီး တက်‌ရောက်သည့် ကုန်သွယ်ရေးဦးစီး ဌာနရှိ ဌာနတွင်း အရာထမ်း၊ အမှုထမ်း စုစုပေါင်း(၂၅) ဦိးတို့ တက်ရောက် သင်ကြားလျက်ရှိပါ သည်။

ကုန်သည်လုပ်ငန်းရှင်များအတွက် Tradenet 2.0 သင်တန်းအမှတ်စဉ် (၁/၂၀၂၃) သတင်း

(အပြည့်အစုံ)

၁။      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ ကုန်သွယ်ရေးဦးစီးဌာနမှ ၂၀၂၃ ခုနှစ်၊ ဇန်နဝါရီလ (၂၁)ရက်နေ့မှ (၂၂)ရက်နေ့အထိ နံနက် (၁၀း၀၀)နာရီမှ (၁၅း၃၀)နာရီအထိ Virtual Online စနစ်အသုံးပြု၍ “ကုန်သည်လုပ်ငန်းရှင်များအတွက် Tradenet 2.0  သင်တန်းအမှတ်စဉ် (၁/၂၀၂၃)သင်တန်းကို ဖွင့်လှစ်ခဲ့ပါသည်။

၂။       အဆိုပါသင်တန်းသို့ သင်တန်းသား၊ သင်တန်းသူ စုစုပေါင်း (၁၃၈)ဦး တက်ရောက်ခဲ့ပါသည်။

အာကာဦး ပဲခွဲစက်ရုံတွင်  ရှင်းလင်းပြောကြားခြင်း

၁။      ကုန်သွယ်မှုသင်တန်းကျောင်း(ရန်ကုန်)တွင်ဖွင့်လှစ်သင်ကြားလျက်ရှိသော အပြည်ပြည်ဆိုင်ရာ ကုန်သွယ်မှုအခြေခံသင်တန်း (စနေ၊ တနင်္ဂနွေ) အမှတ်စဉ်-၆ မှ သင်တန်းသား/သူ (၃၈)ဦး၊ ကုန်သွယ် မှုသင်တန်းကျောင်းမှ အုပ်ချုပ်သူ(၂)ဦး၊ စုစုပေါင်း (၄၀) ဦးတို့သည် ၂၀၂၃ ခုနှစ်၊ ဇန်နဝါရီလ ၅ ရက် (ကြာသပတေး) နေ့တွင် ဆန်စပါးကုန်စည်ဒိုင်(ဝါးတန်း)၊ ဘုရင့်နောင်ကုန်စည်ဒိုင်၊ အာကာဦးပဲခွဲစက် ၊ ဧရာဟင်္သာ ဆန်စက်ရုံ တို့သို့ လေ့လာရေးခရီး သွားရောက်ခဲ့ကြပါသည်။

၂။       နေ့လည် (၁၃:၀၀) အချိန်တွင် လိင်သာယာမြို့နယ်ရှိ အာကာဦး ပဲခွဲစက်သို့ သွားရောက်လေ့လာ ခဲ့ရာ အာကာဦးပဲခွဲစက်သည် (၁၉၉၀) တွင်စတင်လုပ်ကိုင်ပြီး (၁၉၉၇) တွင်ယခု လက်ရှိ အဆင့်မြင့်ပဲခွဲ စက်ရုံကို တည်ထောင် လုပ်ကိုင်လျက်ရှိကြောင်း၊ ရင်းနှီးမြုပ်နှံမှု တန်ဖိုးမှာ အမေရိကန်ဒေါ်လာ ခုနှစ် သန်းခန့် ရှိပါသည်။ စက်ရုံ စတင်ချိန်သည်အချိန် အခြေအနေကောင်း ကြုံခဲ့သည်ဟု သုံးသပ်ရပါကြောင်း၊ အကြောင်းမှာ အိမ်နီးချင်း အိန္ဒိယနိုင်ငံ၏ ပဲတင်ပို့မှု ရပ်ဆိုင်းလိုက်ခြင်းမူဝါဒ အပြောင်းအလဲနှင့်အတူ မြန်မာနိုင်ငံ ဈေးကွက် စီးပွားရေးမူဝါဒ အပြောင်းအလဲ အခြေအနေများသည် စက်ရုံဖွံ့ဖြိုး အဆင့်မြှင့် တင်ရာတွင် အခွင့်အလမ်းကောင်းများ၊ ပဲဈေးကွက် ပိုမိုရရှိလာမှုတို့နှင့် ဆုံတွေ့ခဲ့ရပါကြောင်း၊ စက်ရုံ သည် လက်ရှိတွင် ဝယ်ယူသူ၏ စိတ်ကြိုက်မှာယူမအလိုက် ပဲအမျိုးအစား အမျိုးမျိုးကို အရည်အသွေး အမျိုးမျိုး အဆင့်ဆင့်သန့်စင်ခြင်း ၊ ထုတ်ပိုးမပုံစံအမျိုးမျိုးများ ပြုလုပ်ဆောင်ရွက်ကာ ပြည်ပ နိုင်ငံများသို့ တင်ပို့လျက်ရှိပါကြောင်း၊ အဓိက ဈေးကွက်မှာ အိမ်နီးချင်း အိန္ဒိယနိုင်ငံအပြင် အမေရိကန်နိုင်ငံ အပါအဝင် ဥရောပနိုင်ငံများကို ပါတင်ပို့နေပြီး အဓိကပို့ကုန်မှာ ပဲတီစိမ်း၊ ပဲစဉ်းငုံ၊ မတ်ပဲ အမျိုးအစားများ ဖြစ်ကြောင်း၊ စက်ရုံ ဘေးထွက်ပစ္စည်းဖြစ်သော ပဲခွံများကို ပြည်တွင်း တိရိစ္ဆာန် အစာအဖြစ် ပြန်လည် အသုံးပြုခြင်းဖြင့် နိုင်ငံခြားငွေကုန်ကျမှု အထိုက်အလျောက် နိုင်ငံတော်အတွက် သက်သာစေပါကြောင်း၊ စက်ရုံများ၏ အဓိက အခက်အခဲမှာ လျှပ်စစ်ဓါတ်အား ပြတ်တောက်မှု ၊ လောင်စာဆီ ဈေးကြီးမြင့်မှု၊ ငွေကြေး လဲလှယ်မှု ဈေးကွာဟချက်များဖြစ်ကြောင်း ရှင်းလင်းပြောကြားပါသည်။