Department of Trade

အဂ်ါနေ့  ၁၉ မတ်လ  ၂၀၁၃ 10 း 57 AM

ကမ္ဘာ့ ရော်ဘာ ထုတ်လုပ်မှု စတုတ္ထနေရာမှာ ရှိနေတဲ့ အိန္ဒိယနိုင်ငံဟာ ရော်ဘာဈေးကျဆင်းနေမှုအား ကျားကန်နိုင်ရန် အတွက် အိန္ဒိယသို့ တင်သွင်းလာမဲ့ သဘာဝ ရော်ဘာများ အပေါ် သွင်းကုန်ခွန် ၇ဝ ရာခိုင်နှုန်း ကို မြန်နိုင် သမျှ မြန်မြန်ပင် စည်းကြပ် ကောက်ခံ သွားမယ်လို့ အစိုးရဌာန တစ်ခုနဲ့ ရော်ဘာ လုပ်ငန်း ၂ ခုတို့မှ Reuters သတင်း ဌာနကို ပြောကြား ခဲ့ပါတယ်။

.........ဆက်လက်ဖတ်ရှုရန် ခေါင်းစဉ်ကိုနှိပ်ပါ

အစိုးရ အနေနဲ့ သွင်းကုန်ခွန်ကို အနိမ့်ဆုံး ၂ဝ ရာခိုင်နှုန်း ပုံသေ သတ်မှတ်ပြီး စည်းကြပ် လိုကြောင်း၊ လက်ရှိမှာ သွင်းကုန်ခွန် ၂ဝ ရာခိုင်နှုန်း စည်းကြပ် နေတယ်လို့ အစိုးရမှ ကိုင်တွယ် လုပ်ကိုင် နေတဲ့ ရော်ဘာဘုတ် အဖွဲ့မှ အမည် မဖော်လိုသူ အရာရှိ တစ်ဦးက ပြောကြားခဲ့ပါတယ်။

အရောင်းအဝယ် ပါးနေတဲ့ လွန်ခဲ့တဲ့ ၅ လခန့်ကစပြီး ရော်ဘာဈေးဟာ၂ဝ ရာခိုင်နှုန်း နီးပါး ကျဆင်းနေ ခဲ့ပါတယ်။ အိန္ဒိယနိုင်ငံဟာ သဘာဝ ရော်ဘာများကို မလေးရှား၊ ထိုင်းနဲ့ အင်ဒိုနီးရှားနိုင်ငံတို့မှ တင်သွင်း လျက်ရှိတာ ဖြစ်ပါတယ်။

ကူးသန်း ရောင်းဝယ်ရေး ဝန်ကြီးဌာနက Kerala ပါလီမန် အဖွဲ့ဝင် အမတ်များရဲ့ သွင်းကုန်ခွန် တိုးမြှင့် စည်းကြပ်မဲ့ ကိစ္စနဲ့ စပ်လျဉ်းပြီး ကြေငြာချက် ထုတ်ပြန် နိုင်ရေး စီစဉ်လျက် ရှိနေတယ်လို့ ဦးဆောင် တာယာကုမ္ပဏီ တစ်ခုမှ အမည်မဖော်လိုသူ အကြီးတန်း အရာရှိတစ်ဦးက ဆိုပါတယ်။ အိန္ဒိယ တောင်ပိုင်းရှိ Kerala ပြည်နယ်မှ သဘာဝ ရော်ဘာထွက် ရှိမှုဟာ အိန္ဒိယ နိုင်ငံတစ်နိုင်ငံလုံး သဘာဝ ရော်ဘာ ထုတ်လုပ်မှုရဲ့ ၉ဝ ရာခိုင်နှုန်း နီးပါးရှိနေ ပါတယ်။ အများဆုံး ကုန်သွယ်မှု ပြု RSS-4 (Ribbed, Smoked Sheet) ရဲ့ ု Kottayam ကုန်စည်ဒိုင် ပေါက်ဈေး ကတော့ ၁ တန်ကို ၁၅၆၅ဝဝ ရူပီး၊ ဒေါ်လာအားဖြင့် ၂၉၂၅ ပေါက်လျက် ရှိပါတယ်။

အိန္ဒိယကားတာယာလုပ်ငန်းအကြိုက်ဖြစ်တဲ့ မလေးရှားရော်ဘာ SMR-20 ၁ တန်ကို ၁၅၈၁၈ဝ ရူပီး (၂၉၅၆ ဒေါ်လာ) ဈေးနဲ့ တင်သွင်း ရလျက် ရှိပါတယ်။ အိန္ဒိယနိုင်ငံမှ SMR-20 မလေးရှား နိုင်ငံမှ တင်သွင်း ရာမှာ သွင်းကုန်ခွန် ၂ဝ ရာခိုင်နှုန်း စည်းကြပ် နေခြင်း ဖြစ်ပါတယ်။ ၂ဝ၁၂ ခုနှစ် ဘဏ္ဍာနှစ် စဖြစ်တဲ့ ဧပြီလ ၁ ရက်နေ့မှ ၁ဝ လ တာကာလ အတွင်းမှာ သဘာဝ ရော်ဘာ ၁၉၇၁၁၃ တန် ပြည်ပမှ တင်သွင်းခဲ့ရပြီး ယခင်နှစ် ကာလတူ ထက် ၁၉ ရာခိုင်နှုန်း ပိုမိုခဲ့ပါတယ်။

တိုကျိုကြိုပွိုင့် ဈေးများ လွန်ခဲ့တဲ့ ၁ဝ လကထက် ကျဆင်း လာပြီးတဲ့နောက် ထိုင်းရော်ဘာ အဆင့် -၃ (RSS-3) ရဲ့ မတ်လမှ မေလအတွင်း ဈေးဟာ ၁ တန်ကို ဒေါ်လာ ၂၉၇ဝ မှ ၃ဝဝဝ ကြား ပေါက်လျက်ရှိပြီး နိုဝင်ဘာလက စကြည့် မယ်ဆိုလျှင် အနိမ့်ဆုံး ဈေးဖြစ်ပါတယ်။ အင်ဒိုနီးရှား ရော်ဘာ (RSS-3) ကတော့ ဒေါ်လာ ၂၉၁၇ မှ ၃ဝဝဝ ကြား ဈေးပေါက် နေတယ်လို့ သိရပါတယ်။

Source: The Economic Times                                                                     CMK

အဂ်ါနေ့  ၁၉ မတ်လ  ၂၀၁၃ 10 း 25 AM

ထိုင်းစိုက်ပိုျးရေး ဝန်ကြီးဌာနဟာ ထိုင်းရော်ဘာဈေးများ တည်ငြိမ်စေရေး အတွက် ရော်ဘာစိုက် တောင်သူများအား ထောက်ပံ့ ပေးရန် အစိုးရ အမတော်ကြေး အဖွဲ့မှာ ပါဝင်တဲ့ သူများအား တိုက်တွန်း လျက်ရှိတယ်လို့ Paltaya Mail မှာ ဖော်ပြထားပါတယ်။ စိုက်ပျိုးရေး ဝန်ကြီးဌာန ဒုတိယ ဝန်ကြီးက Yuttapong Charasathein က ရော်ဘာ တောင်သူများ အတွက် ရော်ဘာဈေး တည်ငြိမ် စေရန် ထောက်ပံ့ ကြေးငွေ ဆက်လက် ရရှိရေး အတွက် အစိုးရမ ှေ ဆာင်ရွက်ပေး  နေတယ်လို့ ပြောကြားခဲ့ပါတယ်။

ထိုင်းနိုင်ငံ တောင်ပိုင်းမှာ ရော်ဘာစိုက် တောင်သူ ဖြစ်ကြောင်း ထောက်ခံစာ အလိမ်/အတု များနဲ့ ထောက်ပံ့ငွေ ထုတ်ယူမှု များကို စုံစမ်း စစ်ဆေးမှုပြုနေစဉ် အရှေ့ မြောက်ပိုင်း မှာလည်း အလားတူ ထောက်ခံစာ အတု ပြဿနာ ပေါ်ပေါက်လာတာ ဖြစ်ပါတယ်။ ဒါကြောင့် စုံစမ်းဆဲ ကာလမှာလည်း ရော်ဘာ ဈေးနှုန်း တည်ငြိမ်မှု ရှိစေရေး ဆက်လက် ထောက်ပံ့ ပေးထားရန် ထိုင်းစိုက်ပိုျးရေး ဝန်ကြီး ဌာနက စီစဉ် ရခြင်း ဖြစ်ပါတယ်။

Source: European Rubber Journal                                                                               CMK

အဂ်ါနေ့  ၁၉ မတ်လ  ၂၀၁၃ 09 း 52 AM

ယခုအခါ မတ်လလယ်ကို ရောက်ရှိပြီး အတာ သြင်္ကန် အခါ ကာလနဲ့ နီးလာပြီ ဖြစ်ပါတယ်။ မြန်မာ့ဓလေ့ ထုံးစံအရ သြင်္ကန်ကာလ သြင်္ကန် မဏ္ဍာပ်များမှာ စတုဒီသာ ကျွေးမွေး ဧည့်ခံမှုတွေ ရှိသလို ရပ်ကွက် အတွင်း၊ လမ်းအတွင်း အိမ်နီးချင်းများကိုလည်း သြင်္ကန်မုန့်များ လုပ်ဝေငှကုသိုလ်ပြုမှု များရှိပါတယ်။ မြဝတီ-ရန်ကုန် ကုန်သွယ်မှု လမ်းကြောင်းမှာ စားသုံးသူ အကာအကွယ် ပေးရေးနဲ့ တရားမဝင် ကုန်သွယ်မှုများ တားဆီးရေး ရွေ့လျား အဖွဲ့-၂ ဟာ မတ်လ ၇ ရက်မှ ၁၃ ရက်ထိ ကာလ အတွင်း သြင်္ကန်စာ-ကောက်ညှင်းမှုန့်များကို အများအပြား စစ်ဆေး တွေ့ရှိနေတယ်လို့ သတင်း ရရှိပါတယ်။ ကောက်ညှင်းမှုန့် ၁၇၂၅ဝဝ ကျပ်ဖိုး သိမ်းဆည်း ရမိခဲ့ကြောင်းနဲ့ အုန်းနို့ဗူး ၄၅ ဖာ တန်ဖိုးအားဖြင့် ကျပ် ၃၃၇၅ဝဝ ဖိုးနဲ့ ကျပ် ၈ သိန်း တန်ဖိုးရှိ သာကူ အိတ်များကိုလည်း မှန်လုံ ခရီးသည် တင်ယာဉ်များ ပေါ်က ရှာဖွေ တွေ့ရှိခဲ့တယ်လို့ သိရပါတယ်။

Source Mobile Team-၂                                                                                                                         MTN

တနင်္လာနေ့  ၁၈ မတ်လ  ၂၀၁၃ 02 း 12 PM

မူဆယ်-မန္တလေး ကုန်သွယ်မှု လမ်းကြောင်းပေါ်ရှိ စားသုံးသူ အကာအကွယ် ပေးရေးနှင့် တရား မဝင် ကုန်သွယ်မှု တားဆီး ထိန်းခုျပ်ရေး အဖွဲ့ Mobile Team အဖွဲ့ခေါင်းဆောင် ညွှန်ကြားရေးမှူး ဦးစန်းလွင် ဦးစီးတဲ့ အဖွဲ့ဟာ နောင်ခိုျမြို့ အေးရှားဝေါလ် တိုးဂိတ်အနီးတွင် အခြေပြုကာ ယာဉ်များအား စစ်ဆေး ဆောင်ရွက် လျက်ရှိရာ နောင်ချို- ကျောက်မဲ- လားရှိုး- မူဆယ် ပြေးဆွဲနေတဲ့ ယာဉ်များရဲ့ တရားမဝင် အကောက်ခွန်မဲ့ ပစ္စည်းများ တင်ဆောင် သွားလာနေမှုအား ကြမ်းတမ်းစွာ ဖမ်းဆီး လျက်ရှိပြီး မိုးကုတ်-ပြင်ဦးလွင် ကားလမ်းမှာလည်း ဝင်ရောက် ဖမ်းဆီးမှု များကြောင့် ဒေသခံများနဲ့ လက်လုပ် လက်စား အလုပ်အကိုင်မဲ့ သူများရဲ့ တရားမဝင်ကယ်ရီသယ်ဆောင်မှုလုပ်ငန်း များအပေါ် စီးပွားပျက် အကိုျးယုတ် ထိခိုက်စေလျက် ရှိကြောင်း၊ Mobile Team အဖွဲ့ ဝန်ထမ်းများမှ တရားမဝင် အကောက်ခွန်မဲ့ ပစ္စည်းများ တင်ဆောင်လာတဲ့ ယာဉ် (၁) စီးလျှင် ငွေကျပ် (၁) သိန်း၊ (၁)သိန်းခွဲခန့် ဖြင့်ညှိနှိုင်း ကြေးပေးပြီး ဖြတ်သန်းခွင့်ပြု နေကြောင်း ထိုးနှက် သတင်းများ ဖြစ်ပေါ်လျက် ရှိကြောင်း ကြားသိရပါတယ်။

.........ဆက်လက်ဖတ်ရှုရန် ခေါင်းစဉ်ကိုနှိပ်ပါ

အဆိုပါ သတင်း ဖြစ်ပေါ် နေမှုကို Mobile Team အဖွဲ့ခေါင်းဆောင်နဲ့ ဌာန အလိုက် အဖွဲ့ငယ် ခေါင်း ဆောင်များမှ မိမိ ဝန်ထမ်းများအား ကုန်သည် လုပ်ငန်းရှင်၊ ယာဉ်မောင်းနဲ့ အဖွဲ့အပေါ် မနှစ်လိုသူ၊ မကျေနပ် သူများရဲ့ စည်းရုံးဆွဲဆောင် သိမ်းသွင်းမှု မခံရစေရန် ကြပ်မတ် ဆောင်ရွက်လျက် ရှိသလို သတင်း ကွင်းဆက် ဖော်ထုတ်နိုင်ရေး ဆောင်ရွက် ခဲ့ရာ ၅-၃-၂ဝ၁၃ နေ့ ဝ၅း၃ဝ နာရီတွင် Mobile Team အဖွဲ့ အသွင်ယူ အယောင်ဆောင် ငွေတောင်းခံ နေတဲ့ အဖွဲ့ဝင် (၄) ဦးပါအဖွဲ့အား ဖော်ထုတ်ရရှိခဲ့ပါတယ်။

ဖြစ်စဉ် အသေးစိတ်မှာ ၅-၃-၂ဝ၁၃ ရက်နေ့ ဝဝး၃ဝ နာရီတွင် Mobile Team အဖွဲ့မှ ကုန်တင်ယာဉ် များစစ်ဆေး နေချိန် Toyota Mark 2 ယာဉ်အမှတ် ထထထထ တစ်စီးစစ်ဆေးတဲ့ နေရာသို့ရောက်ရှိလာပြီး အမည် မသိ ယာဉ်မောင်းမှ ထထထထ အဖွဲ့က ဖြစ်ကြောင်း ဖမ်းဆီးစာရင်း ယခုလိုချင်ကြောင်း ပြောကြားလာရာ နယ်စပ် ကုန်သွယ်ရေး ဦးစီးဌာန၊ ဒုတိယညွှန်ကြားရေးမှူးမှ လောလောဆယ် မပေး နိုင်သေးကြောင်း၊ တရားဝင်စာဖြင့် တောင်းခံပါက အဖွဲ့ခေါင်းဆောင်ထံ တင်ပြပြီးပေးနိုင်မည် ဖြစ်ကြောင်း ပြောကြား နေစဉ် (တရားမဝင် ပစ္စည်းများ တင်ဆောင်ထားတဲ့) ဆန်နီယာဉ်အမှတ် ထထထထ မှာ ရပ်တန့် အစစ်ဆေးခံခြင်း မရှိဘဲ အေးရှား ဝေါလ်ဂိတ်သို့ မောင်းနှင် သွားခဲ့သဖြင့် အသင့်စောင့်နေတဲ့ Mobile Team မြန်မာ နိုင်ငံရဲတပ်ဖွဲ့မှ ပြန်လည် ခေါ်ဆောင်လာစဉ် ကြိုရောက်နေပြီး စာရင်းလာတောင်းတဲ့ Toyota Mark 2 ယာဉ်မှာ အရှိန်နဲ့ မောင်းနှင် ထွက်ခွာ သွားပါတယ်။

အေးရှားဝေါလ် ဂိတ်က ခေါ်လာတဲ့ ဆန်နီယာဉ်အမှတ် ထထထထ ပေါ်မှာ လိုက်ပါလာတဲ့ ခရီးသည်များကို စိစစ် မေးမြန်းချက် အရ စာရင်းလာတောင်းတဲ့ ထထထထ ဆိုသူနဲ့ တွေ့ဆုံခဲ့ပြီး Mobile Team အဖွဲ့မှ ဖြတ်လျှင် ကျပ် (၁) သိန်းခွဲ ပေးရမှာ ဖြစ်ကြောင်း၊ ကျပ် (၁) သိန်းဖြင့် နောက်ဆုံး ဈေးတည့် ခဲ့ပြီး စာရင်းတောင်း လာသူနဲ့ အတူပါ လာတဲ့ ယာဉ်မောင်းမှ ၎င်းရဲ့ ယာဉ်စစ်ဆေးရေး ဂိတ်သို့ ဝင်ရောက် နေစဉ် ဆန်နီယာဉ်အား ရပ်တန့်ခြင်း မပြုဘဲ   မောင်းနှင်သွားရန် ပြောကြား ထားကြောင်း သိရှိရပါတယ်။ ၎င်းအဖွဲ့နဲ့ အဓိက ဆက်စပ် ပေးသူမှာ စာရင်းလာတောင်း သူဖြစ်ကြောင်း ဖော်ထုတ်ရရှိခဲ့ပြီး သတင်းကွင်းဆက် ဖော်ထုတ်ခဲ့မှု အရ အဖွဲ့ဝင် (၄) ဦးပါ ရှိကြောင်း တရား ဥပဒေ အရ အရေးယူနိုင်ဖို့ ဆောင်ရွက် နေတယ်လို့ သတင်း ရရှိပါတယ်။

ကမရ

တနင်္လာနေ့  ၁၈ မတ်လ  ၂၀၁၃ 01 း 57 PM

ပွင့်လင်း ရာသီ ရောက်ရှိလာပြီး လမ်းပန်း ဆက်သွယ်ရေး ကောင်းမွန် လာပြီဖြစ်လို့ ကုန်သွယ်မှု ပမာဏ ယခုထက် ပိုမို တိုးတက်အောင် ကြိုးပမ်း ဆောင်ရွက် သွားကြစေလိုကြောင်း မတ်လ ၁ ရက်နေ့ ရိဒ်ခေါဒါရ် အစည်း အဝေး ခန်းမမှာ ကျင်းပ ပြုလုပ်တဲ့ ကုန်သွယ်မှု မြှင့်တင်ရေး အစည်းအဝေးမှာ ရိဒ်နယ်စပ် စခန်း တာဝန်ခံ လက်ထောက် ညွှန်ကြားရေးမှူး ဦးတင်ထွန်းဦးမှ ပြောကြားခဲ့တယ်လို့ သိရပါတယ်။ ဆက်လက်ပြီး ကုမ္ပဏီများမှ တင်ပြတဲ့ အခက် အခဲများကို အထက် ဌာနများသို့ တင်ပြ ဆောင်ရွက်သွားမှာ ဖြစ်ကြောင်းနဲ့ တရားမဝင် မှောင်ခို လမ်းကြောင်းမှ ကုန်ပစ္စည်းများ ဝင်ထွက် သွားလာမှု မရှိစေရေး ကုန်သည် လုပ်ငန်းရှင်များ၊ OSS အဖွဲ့ဝင်များနဲ့ မိတ်ဖက် ဌာနဆိုင်ရာများ ဝိုင်းဝန်း တားဆီး ဆောင်ရွက် သွားရန်လိုအပ်ကြောင်း စခန်းတာဝန်ခံမှ ပြောကြား ခဲ့တယ်လို့ သတင်း ရရှိပါတယ်။ နိုင်ငံတော်မှ ကုန်သည် လုပ်ငန်း ရှင်များ အတွက် အခြေအနေ ကောင်းများ ဖန်တီးနေချိန်မှာ ရရှိလာတဲ့ အခွင့်အရေးကို မှန်မှန် ကန်ကန် အသုံးချလုပ် ကိုင်သွားကြရန် လိုကြောင်း၊ ပို့ကုန် သွင်းကုန် ပစ္စည်းများ တင်ပို့ တင်သွင်းရာမှာ တရားမဝင် ကုန်ပစ္စည်းများကို တင်ပို့ခြင်း တင်သွင်းခြင်း မပြုကြရန်နဲ့ နိုင်ငံတော်ရဲ့ စေတနာကို လေးစားတဲ့ အနေနဲ့ ချမှတ် ထားတဲ့ စည်းကမ်းများ ကိုလည်း လိုက်နာကြရန် လိုအပ်ကြောင်း ရိဒ်ခေါဒါရ် မြို့နယ်ခွဲ အုပ်ခုျပ်ရေးမှူး ဦးတင်ထွန်းမှ ကုန်သွယ်မှု မြှင့်တင်ရေး အစည်းအဝေးမှာ ပြောကြားခဲ့တယ်လို့ သတင်းရရှိပါတယ်။

Source နကသ (ရိဒ်)                                                                      ခင်မိုးသူ