Department of Trade

ပြည်သူများ နေ့စဉ် စားသုံးနေသည့် အစား အသောက်များ ဘေးအန္တရာယ် ကင်းရှင်းစေရန် အဟာရ ပြည့်ဝပြီး ကျန်းမာရေးနှင့်ပြည့်စုံသည့် အစားအစာများ ကုန်ပစ္စည်းများကို ရွေးချယ်ဝယ်ယူ စားသုံးတတ် စေရန်ရည်ရွယ်၍ ကူးသန်းရောင်း ဝယ်ရေးနှင့် စားသုံးသူရေးရာ ဦးစီးဌာနမှ တာဝန် ရှိသူနှင့်ဝန်ထမ်းများသည် ရန်ကုန်တိုင်း ကျန်းမာရေးဦးစီးဌာန၊ မြန်မာနိုင်ငံစားသုံးသူ ကြိုတင် ကာကွယ်ရေး အသင်းတို့နှင့် ပူးပေါင်း၍ ၂၀၁၅ခုနှစ်၊ ဇန်နဝါရီလ ၂၀ရက်နေ့တွင် ရန်ကုန် တိုင်းေ ဒသကြီး၊ မရမ်းကုန်းမြို့နယ် အမှတ်(၁) အခြေခံ ပညာအထက်တန်းကျောင်း၊ စန္ဒိမာခန်းမတွင် စားသုံးသူအ ကာအကွယ်ပေးရေးအကြောင်း သိကောင်းစရာများ ဟောပြောဆွေးနွေးပွဲကျင်းပခဲ့ပါသည်။

ဆွေးနွေးပွဲတွင် မရမ်းကုန်းမြို့နယ် အမှတ်(၁) အခြေခံပညာအထက်တန်းကျောင်း၊ကျောင်း အုပ်ဆရာကြီး ဦးခင်မောင်အေးမှ မိမိတို့စားဝတ်နေရေးအတွက် လူတိုင်းကိုယ်တိုင် ထုတ်လုပ် နိုင်မှု မရှိသဖြင့် အရင်းအနှီးရှိသူများမှ ထုတ်လုပ်ခြင်း၊ တစ်ဆင့်ပြန်လည်ရောင်းချခြင်းတို့မှ ဝယ်ယူစားသုံး ရပါကြောင်း၊ စီးပွားရေးလုပ်ငန်းရှင်များမှ ကုန်ပစ္စည်းများကို မှန်မှန်ကန်ကန် ထုတ်လုပ် ရောင်းချ ခြင်းမရှိကြ၍ဝယ်ယူ အသုံးပြုသူများ ရောဂါများဖြစ်ပွားနေကြောင်း ၊ယခုဟောပြောဆွေးနွေး ပွဲ၌ ပြော ကြား သည့်အချက်များ ကို ကျောင်းသား/ ကျောင်းသူများအနေဖြင့် သေချာစွာ နားစိုက်ထောင်ပြီး ကိုယ်တိုင်လိုက်နာကျင့်သုံးကြရန်နှင့် မိမိပတ်ဝန်းကျင်သို့လည်း ပြန်လည်ပြောကြားပေးကြရန် အဖွင့် အမှာ စကားပြောကြားခဲ့ပါသည်။

ဆက်လက်၍ ကူးသန်းရောင်းဝယ်ရေးနှင့်စားသုံးသူရေးရာဦးစီးဌာန၊ လက်ထောက် ညွှန်ကြား ရေးမှူး ဦးမင်းသိန်းမှ ယခုဟောပြောဆွေးနွေးပွဲသို့တက်ရောက်လာကြသည့် ကျောင်းသား ကျောင်း သူများအပါအဝင် စားသုံးသူများကို အကာ ကွယ်ပေးရန် စားသုံးသူအကာ အကွယ်ပေးရေးဥပဒေကို  ပြဌာန်းပေးခဲ့ပြီးဖြစ်သလို ရန်ကုန်တိုင်းဒေသကြီးအတွင်းရှိ စားသုံးသူများ၏ အမှန်တကယ်ဆုံးရှုံးနစ်နာမှု၊ မကျေနပ်မှုများကိုတိုင်ကြား နိုင်ရန် စားသုံးသူတိုင်ကြားမှု လက်ခံဆောင် ရွက် ရေး လုပ်ငန်း ကော်မတီနှင့် ရန်ကုန်တိုင်းဒေသကြီးအတွင်းရှိ ဈေးကွက်များ၌ လုံခြုံစိတ်ချမှုမရှိသော ကုန်ပစ္စည်းများ ရောင်းချမှုမရှိစေရေးအတွက် ကွင်းဆင်းလေ့လာ စစ်ဆေးခြင်းများဆောင်ရွက်ရန်၊ ထုတ်ကုန်များလုံခြုံ စိတ်ချမှုဆိုင်ရာ လုပ်ငန်းကော်မတီတို့ကို ဖွဲ့စည်းခဲ့ပြီး ပါကြောင်း၊ မိမိတို့ဌာနအနေဖြင့် ကျောင်းသား ကျောင်းသူများအပါအဝင် စားသုံးသူများ ဘေးဥပဒ်အန္တရာယ် ကင်းရှင်းသည့် စားသောက်ကုန်များကို ဝယ်ယူစားသုံးနိုင်ရန် ကုန်ပစ္စည်းထုတ်လုပ်သည့် စက်မှုဇုန်များသို့ လည်းသွားရောက်၍ စီးပွားရေး လုပ်ငန်းရှင်များအား စားသုံးသူအကာ အကွယ်ပေးရေးဥပဒေနှင့် ပတ်သက် သည့် အသိပညာပေး ခြင်းများ ဆောင်ရွက်လျက်ရှိပါကြောင်း၊ ဝယ်ယူစားသုံးသည့် စားသောက်ကုန်၊ ဆေးဝါးများ တွင်ပါရှိ သည့် ညွှန်ကြားချက်များကို သေချာစွာဖတ်ရှု၍ လိုက်နာရန်လိုအပ်ကြောင်း၊  ဥပဒေ တွင်ပါရှိသည့်စား သုံးသူ၏အခွင့်အရေး၊ တာဝန်များကို အသေးစိတ်ရှင်းလင်းဆွေးနွေးပြောကြားခဲ့ပါသည်။

မရမ်းကုန်းမြို့နယ် ကျန်းမာရေးဆရာဝန် ဒေါက်တာဒေါ်အေးအေးမျိုးမှ အကင်၊ ဆိုးဆေး ပါအစား အသောက်များ၊ ဓါတုပစ္စည်းများအသုံးပြုထားသောအချိုရည်များ၊ယင်နားစာများ၏အန္တရာယ်၊ ဖော့ဘူး၊ ပလတ်စတစ်ဘူးများကို ပူသည့်ပစ္စည်း များထည့်သုံးခြင်းဖြင့် ဖြစ်ပေါ်လာမည့် ဆိုးကျိုးများ အကြောင်းနှင့်အန္တရာယ် ကင်းသည့်အစားအသောက်များ ကိုကျန်းမာရေးသတိဖြင့် ရွေးချယ်၍ဆင် ခြင်စားသုံးဖို့လိုအပ်ကြောင် ရှင်းလင်းပြောကြားခဲ့ပြီး မြန်မာနိုင်ငံစားသုံးသူကြိုတင်ကာ ကွယ်ရေးအသင်း အတွင်းရေးမှူးဦးကိုကိုနိုင်မှလည်း အသင်းအနေဖြင့် စားသုံးသူအကာအကွယ် ပေးရေးလုပ်ငန်းများတွင် တစ်ဖက်တစ်လမ်းမှ တတ်နိုင်သလောက် ပါဝင်ဆောင်ရွက်နေကြောင်း၊ ကြာရှည်ခံအောင်ပြု လုပ်ထားသော အသင့် စားအစား အသောက်များမှာရေရှည်တွင် ဆိုးကျိုးဖြစ်နိုင်သဖြင့် ငါးနှစ်အောက် ကလေးငယ်များ လုံးဝမစားသင့်ကြောင်း၊ အစားအသောက် များကိုဂရုတစိုက် ရွေးချယ်ဝယ်ယူစား သုံးခြင်းမရှိလျှင်အဆိပ်ဝယ်စားသကဲ့သို့ဖြစ်နိုင်ကြောင်း၊ အစား အသောက်နှင့်ပတ်သက်သည့် ဗဟုသုတများကို ရှင်းလင်းပြောကြားခဲ့ပါသည်။

ဟောပြောဆွေးနွေးပွဲသို့ရန်ကုန်တိုင်းဒေသကြီး ဦးစီးမှူးရုံးမှ တာဝန်ရှိသူနှင့် ဝန်ထမ်းများ၊ မြို့နယ်ကျန်းမာရေး ဆရာဝန်၊ မြန်မာနိုင်ငံစားသုံးသူ ကြိုတင်ကာကွယ်ရေး အသင်းအတွင်းရေးမှူး၊ အထက(၁) ကျောင်းအုပ်ဆရာကြီးနှင့် ဆရာ/ဆရာ မများ၊ ကျောင်းသား/ကျောင်းသူများ၊ စုစုပေါင်း (၆၃၀)ဦး တက်ရောက် ခဲ့ကြောင်း သတင်းရရှိပါသည်။

        ချောဥမ္မာနိုင်(စားသုံးသူ) ရန်ကုန်

စဉ်          စခန်းအမည်           ယခုသီတင်းပတ်        ယခင်သီတင်းပတ်    နှိုင်းယှဉ်ချက်

                                         တင်သွင်းမှုတန်ချိန်     တင်သွင်းမှုတန်ချိန်   (ပို/လို)

                                         ၁၀/၁ မှ ၁၆/၁          ၃/၁ မှ ၉/၁            +/- 

၁။           မူဆယ်                  ၁၄၂၈၆.၈၃၀            ၁၉၁၄၅.၂၅           (-)      ၄၈၅၈.၄၂၀

၂။           လွယ်ဂျယ်              -                            -                                   -

၃။           ချင်းရွှေဟော်          ၄၃၇.၇၅၀                ၇၉၇.ဝဝ               (-)      ၃၅၉.၂၅၀

၄။           တာချီလိတ်            -                            -                                   -

၅။           မြဝတီ                   ၂၉၀.၆၅၀                ၁၄၄.ဝဝ               (+)     ၁၄၆.၆၅၀

၆။           ကော့သောင်း          ၁၃၆.၈၆၈                ၁၆၅.ဝဝ               (-)      ၂၈.၁၃၂

၇။           မြိတ်                     -                            -                                   -

၈။           ရိဒ်                       ၄၃.၄၀ဝ                  -                         (+)     ၄၃.၄၀ဝ

              စုစုပေါင်း            ၁၅၁၉၅.၄၉၈        ၂၀၂၅၁.၂၅      (-)     ၅၀၅၅.၇၅၂

တင်တင်ထွန်း MIRT (DCCA)

တရားမဝင်ကုန်သွယ်မှု တားဆီးထိန်းချုပ်ရေးဗဟိုကော်မတီမှ  ဖွဲ့စည်းပေးထားသော  မြဝတီ-ရန်ကုန် ကုန်သွယ်မှုလမ်းကြောင်း ပေါ်ရှိ Mobile Team (လရ-၂) အဖွဲ့သည် စစ်တောင်းတံတားဟောင်း/သစ် လမ်းဆုံရှိ ညောင်ခါးရှည်တွင် အခြေပြု လျက် စားသုံးသူအကာအကွယ်ပေးရေးနှင့် တရား မဝင်ကုန် သွယ်မှုတားဆီးထိန်း ချုပ်ရေး လုပ်ငန်းများ ဆောင်ရွက်လျက်ရှိပါသည်။

ဤသို့ဆောင်ရွက်လျက်ရှိစဉ် မြဝတီမှ ရန်ကုန်သို့ ဝင်ရောက်လာသော ကုန်တင်ယာဉ်၊ ခရီးသည်တင် ယာဉ်နှင့် လူစီးယာဉ်များအား တရားမဝင်ကုန်သွယ်မှုတားဆီးထိန်းချုပ်ရန်အတွက် စစ်ဆေးနေစဉ် ၂၀၁၅ ခုနှစ် ဇန်နဝါရီ  ၁၈ ရက်နေ့ ဝ၄ း ဝ၀ ချိန်ခန့်တွင် သထုံမှ ရန်ကုန်လမ်းကြောင်းအတိုင်း မောင်း နှင်လာသော ယာဉ်အမှတ် 3G/xxxx (Honda CRV) ယာဉ်အားလည်းကောင်း၊၂၀၁၅ ခုနှစ် ဇန်န ဝါရီလ  ၁၉ ရက်နေ့ဝ၄ း ၁၅ ချိန်ခန့်တွင် သထုံမှ ရန်ကုန်လမ်းကြောင်း အတိုင်း မောင်းနှင်လာ သော ယာဉ်အမှတ်7C/ xxxx (Air Wave) ခဲရောင်ယာဉ်နှင့် ဝ၄ း ၃၀ ချိန်ခန့်တွင် ယာဉ်အမှတ်  6E/ xxxx (Mark II) ရွှေငါးအဖြူရောင် ယာဉ်တို့အား Mobile Team ဌာနဆိုင်ရာ ပူးပေါင်း အဖွဲ့ဖြင့် စစ်ဆေးရာ လိုင်စင်၊ ဝှီးတက်နှင့် ပိုင်ဆိုင်မှု အထောက်အထားစာရွက်စာတမ်းများ တင်ပြနိုင်ခြင်းမရှိဘဲ တရားမ ဝင်တင်သွင်းလာသော လိုင်စင်မဲ့ယာဉ်များ ဖြစ်ကြောင်း စိစစ်တွေ့ရှိခဲ့ပါသည်။ ထိုသို့ စစ်ဆေးနေစဉ် ယာဉ်မောင်းများမှာ ထွက်ပြေးတိမ်းရှောင်သွားသဖြင့် အဆိုပါလိုင်စင်မဲ့မော်တော်ယာဉ်များအားပိုင် ရှင်မဲ့အဖြစ် တားဆီးထိန်းသိမ်းခဲ့ရကြောင်း  သတင်းရရှိသည်။

တားဆီးထိန်းသိမ်းခဲ့သော တစ်ဖက်နိုင်ငံမှ တရားမဝင်တင်သွင်းသယ်ဆောင်လာသည့် အကောက် ခွန်မဲ့ (လိုင်စင်မဲ့) မော်တော်ယာဉ် ၃ စီးတို့အား လုပ်ထုံးလုပ်နည်းနှင့်အညီ အကောက်ခွန် အမှုတွဲ ဖွင့်လှစ်၍  ပြည်သူ့ ဘဏ္ဍာအဖြစ်သိမ်း ဆည်းပြီး အကောက်ခွန်ဦးစီးဌာနသို့ အပ်နှံခဲ့ပြီးဖြစ် သည်ဟုသိ ရသည်။

    Mobile Team

အိန္ဒိယနိုင်ငံ၊ မဏိပူရပြည်နယ်၊ ချဉ်ဒယ်ခရိုင်၊ မိုးရေးမြို့ရှိ ဒေသခံလူမှုအဖွဲ့အစည်းများ၂၀၁၅ ခုနှစ် ဇန်နဝါရီလ ၁၀ ရက်နေ့၌ တွေ့ဆုံဆွေးနွေးမှုပြုလုပ်ခဲ့ပြီး ၎င်းတွေ့ဆုံပွဲတွင် လူမျိုးစုများကြား ပဋိပက္ခ ဖြစ်ပွားမှု မရှိစေရန်နှင့်  ငြိမ်းချမ်းစွာ လက်တွဲနေထိုင်ကြရန်၊ တည်ငြိမ်အေးချမ်းမှုမရှိပါက အိန္ဒိယ-မြန်မာနယ်စပ် ကုန်သွယ်ရေးနှင့် အိန္ဒိယအရှေ့တောင်အာရှနိုင်ငံတို့၏ ကုန်သွယ်မှုမှုများကို ထိခိုက် စေနိုင်ကြောင်း၊ လူမျိုးစုများ အနေဖြင့် ငြိမ်းချမ်းစွာ အတူတကွ လက်တွဲပြီး မိုးရေး မြို့၏ဖွံ့ဖြိုးတိုးတက် ရေးစီမံကိန်းများကိုလည်း ဝိုင်းဝန်းကူညီဆောင်ရွက်ကြရန် လိုအပ်ကြောင်းပြောကြားခဲ့ တယ်လို့သ တင်းရရှိပါတယ်။

နေထက်မင်း (တမူး)

စားသုံးသူ/သုံးစွဲသူကို ထိခိုက်စေတဲ့ကိစ္စရပ်များကို ကာကွယ်ရန်နဲ့ နိုင်ငံတော်မှ ရသင့်ရထိုက်သော အခွန်အရပ်ရပ်ကောက်ခံရရှိမှု၊ အခြားကိစ္စရပ်များ နစ်နာမှုမရှိစေရေးအတွက် တစ်နိုင်ငံလုံး ဟန်ချက ညီစွာဖြင့် တရားမဝင် ကုန်သွယ်မှု တားဆီးထိန်းချုပ်ရေးလုပ်ငန်းများကို Mobile Team အဖွဲ့များ ဖွဲ့စည်း ၍ လမ်းကြောင်းများ၊ နယ်စပ်ကုန်သွယ်ရေးစခန်းများ၊ အပြည်ပြည်ဆိုင်ရာဆိပ်ကမ်းများ၊ လေဆိပ်ရေ ဆိပ်များမှာ ဖြန့်ခွဲဆောင်ရွက်လျက် ရှိပါတယ်။ ၂၀၁၂ ခုနှစ် ဒီဇင်ဘာလမှ ၂၀၁၄ ခုနှစ် နိုဝင်ဘာလ ထိ(၂) နှစ်တာကာလအတွင်း တရားမဝင် အကောက်ခွန်မဲ့ အရက်၊ ဘီယာ၊ ဝိုင်ဖမ်းဆီး ရမိမှုအမှုတွဲ ပေါင်း၃၃၆မှု၊ ပုလင်း ၁၃၀၉၅၈၄နဲ့ခန့်မှန်းတန်ဖိုး ကျပ်၁၂၁၄၂ သိန်းခန့်ရှိတယ်လို့ သတင်းရရှိပါ တယ်။

ထိုသို့ ဆောင်ရွက်လျက်ရှိရာမှာ တားမြစ်ကန့်သတ်ကုန်ပစ္စည်းများဖြစ်တဲ့ အရက်၊ဘီယာ၊ ဝိုင်များနဲ့ပတ်သက်ပြီး နိုင်ငံတော်ရဲ့ လမ်းညွှန်ချက်နဲ့အညီ တားဆီးဆောင်ရွက်လျက်ရှိရာ Mobile Team အလိုက်တားဆီး အရေးယူဆောင်ရွက်နိုင်မှု များကို ဖော်ပြပေးလိုက်ပါတယ်-

                                              အမှုတွဲ             အမျိုးအစား     ခန့်မှန်းတန်ဖိုး (ကျပ်-သိန်း)

        မူဆယ်(ထုတ်နုတ်) လရ-၁    ၁၇                  ဘီယာ           ၅၀၃

                                              ၂                    အရက်           ၆

                                                                   ဘီယာ           ၇၇၇

        လရ-၂                             ၁                    အရက်           ၁၀

                                              ၂၆၇                ဘီယာ           ၃၁၇၇

                                              ၁၄                  ဝိုင်                ၁၃၅

        တာချီလိတ် (ထုတ်နုတ်)       ၁၀                  အရက်           ၃၀၅

                                              ၁၃                  ဘီယာ           ၂၇၄   

                                              ၇                    ဝိုင်                ၁၀

        ကျိုင်းတုံ (ထုတ်နုတ်)           ၁                    ဘီယာ           ၂

        ရန်ကုန်ဆိပ်ကမ်းနယ်မြေ      ၃                    အရက်           ၇၉၂

                                                                   င်္ဘီယာ           ၁၀၄

                                              ၁                    ဝိုင်                ၆၀၄၇

   DCCA DCCA