Minister's Office

နေပြည်တော်၊ ဖေဖော်ဝါရီ ၂၄           စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယ ဝန်ကြီး ဦးမင်းမင်း ဦးဆောင်သည့် မြန်မာကိုယ်စားလှယ်အဖွဲ့သည်  ဗီယက်နမ်နိုင်ငံ၊ ဟိုချီမင်းမြို့ရှိ SKY EXPO ဗီယက်နမ်နိုင်ငံတကာပြပွဲဗဟိုဌာန၌  ၂၀၂၄ ခုနှစ်၊ ဖေဖော်ဝါရီလ ၂၆ ရက်နေ့မှ ၂၉ ရက် နေ့အထိ ကျင်းပပြုလုပ်မည့် (၁၅) ကြိမ်မြောက် ဗီယက်နမ် နိုင်ငံတကာပရိဘောဂနှင့် အိမ်အသုံး အဆောင်ပစ္စည်းများပြပွဲ အခမ်းအနားသို့တက်ရောက်ရန် ၂၀၂၄ ခုနှစ်၊ ဖေဖော်ဝါရီလ ၂၄ ရက်‌နေ့ (၁၆:၄၀) နာရီအချိန်တွင် ရန်ကုန်အပြည်ပြည်ဆိုင်ရာ လေဆိပ်မှထွက်ခွာခဲ့သည်။

          အဆိုပါပြပွဲသည် နိုင်ငံတကာမှ ပရိဘောဂပစ္စည်းများနှင့် အိမ်အလှဆင်ပစ္စည်းများ ထုတ် လုပ်သူ၊ ရောင်းချသူ၊ ဝယ်ယူသူအစရှိသည့် စီးပွားရေးလုပ်ငန်းရှင်များအကြား ပူးပေါင်းဆောင်ရွက် နိုင်ခြင်း၊ စီးပွာ‌ရေးလုပ်ငန်းရှင်များအကြား တိုက်ရိုက် တွေ့ဆုံဆွေးနွေးမှုများပြုလုပ်ပြီး စီးပွားရေး ပူးပေါင်းဆောင်ရွက်ရေးဆိုင်ရာ အခွင့်အလမ်းကောင်းများရရှိကာ မြန်မာ့ပရိဘောဂထုတ်ကုန် ပစ္စည်းများကို နိုင်ငံတကာဈေးကွက်သို့ ပိုမိုချဲ့ထွင်တင်ပို့နိုင်ပြီး ကုန်သွယ်မှုလုပ်ငန်းများ ပိုမိုတိုးမြှင့်  နိုင်မည်ဖြစ်ပါသည်။ ကုန်စည်ပြပွဲသို့ တက်ရောက်ပြီးနောက် ဗီယက်နမ်နိုင်ငံရှိ အုန်းသီးစိုက်ပျိုး ထုတ်လုပ်တင်ပို့မှုအခြေအနေများအား လေ့လာကာ စိုက်ပျိုးထုတ်လုပ်မှု နည်းပညာဆိုင်ရာကိစ္စ များ ဆွေးနွေးသွားမည်ဖြစ်ပါသည်။

          အဆိုပါခရီးစဉ်သို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီးနှင့်  မြန်မာကုန်သွယ်မှုမြှင့်တင်ရေးအဖွဲ့၊ ဒုတိယညွှန်ကြား‌ရေးမှူးချုပ်၊ ဌာနဆိုင်များမှ တာဝန်ရှိသူ များနှင့်အတူ မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ ရောင်းချသူများအသင်း ဒုတိယဥက္ကဋ္ဌ၊ မြန်မာနိုင်ငံအုန်းသီးစိုက်ပျိုးထုတ်လုပ် တင်ပို့ရောင်းချသူများ အသင်း ဥက္ကဋ္ဌနှင့် အသင်းဝင်လုပ်ငန်းရှင်များ လိုက်ပါသွားကြကြောင်း သတင်းရရှိသည်။

နေပြည်တော်၊ ဖေဖော်ဝါရီ ၁၄         နိုင်ငံတော်လုံခြုံရေးနှင့် ကာကွယ်ရေးတာဝန်များကို စွမ်းစွမ်းတမံထမ်းဆောင်လျက်ရှိသော လုံခြုံရေးတပ်ဖွဲ့ဝင်များအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ စေတနာရှင်အလှူရှင်များက စားသောက်ဖွယ်ရာ များအား နေပြည်တော်တိုင်း စစ်ဌာနချုပ်သို့ ၂၀၂၄ ခုနှစ်၊ ဖေဖော်ဝါရီလ ၁၄ ရက်နေ့တွင် လာရောက်ဂုဏ်ပြု ပေးအပ်သည်။

          စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဝန်ထမ်းမိသားစုများက စားသောက်ဖွယ်ရာများပေးအပ်ခြင်း အခမ်းအနားကို နေပြည်တော်တိုင်းစစ်ဌာနချုပ်ရှိ ပေါင်းလောင်းရိပ်သာ၌ပြုလုပ်ရာ တိုင်းမှူးဗိုလ်ချုပ်စောသန်းလှိုင်၊ စီးပွားရေးနှင့်ကူးသန်းရောင်းဝယ် ရေးဝန်ကြီးဌာန၊ ဒုတိယဝန်ကြီး ဦးမင်းမင်းနှင့် တာဝန်ရှိသူများ တက်ရောက်ခဲ့ကြသည်။

          ရှေးဦးစွာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဝန်ထမ်းမိသားစုများက ပေးအပ် လှူဒါန်းသည့် ငွေကျပ်သိန်း (၁၅၀)တန်ဖိုးရှိ စားသောက်ဖွယ်ရာများနှင့်ငွေကျပ်သိန်း(၅၀)၊ စုစုပေါင်းကျပ်သိန်း (၂၀၀) တန်ဖိုးရှိ ငွေသားနှင့် စားသောက်ဖွယ်ရာ ပစ္စည်းများကို တိုင်းမှူးထံ ပေးအပ်ခဲ့ပြီး တိုင်းမှူးက ဂုဏ်ပြုမှတ်တမ်းလွှာ ပြန်လည်ပေးအပ်ကာ  ကျေးဇူးတင်စကားပြောကြားခဲ့ကြောင်း သတင်းရရှိသည်။

၁။           ယခုရက်သတ္တပတ် ဇန်နဝါရီလ ၆ ရက်မှ ၁၂ ရက်နေ့ထိ ပြည်ပပို့ကုန်မှာ တန်ဖိုး အမေရိကန်ဒေါ်လာ ၂၆၄ သန်းကျော်ရရှိသည်။ ယခုအပတ်တွင် လယ်ယာထွက်ကုန် တင်ပို့မှုမှ ဆန်/ ဆန်ကွဲ၊ ပဲမျိုးစုံ၊ သစ်သီးဝလံ၊ ‌ရော်ဘာ၊ နှမ်း တို့ ပမာဏအများဆုံးတင်ပို့ခဲ့သည်။

၂။            ဆန်ပြည်ပတင်ပို့ရာတွင် ပြည်တွင်းဖူလုံမှုနှင့် ဈေးနှုန်းတည်ငြိမ်ရေးကို ဦးစားပေးဆောင် ရွက်လျက်ရှိရာ ပြည်ပသို့ ဆန်တင်ပို့မှု စနစ်တကျရှိစေရေးအတွက် စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်း၍ ဆန်စပါးသိုလှောင်မှုအား Online မှ မှတ်ပုံတင်ခြင်းစနစ် (Myanmar Rice Online - MyRo) အား အကောင်အထည်ဖော် ဆောင်ရွက်လျက်ရှိသည်။

၃။           ယခုအပတ် ဆန်တင်ပို့မှုတွင် အင်ဒိုနီးရှား၊ ဖိလစ်ပိုင်နိုင်ငံတို့မှ အများဆုံး ဝယ်ယူခဲ့ခြင်း ဖြစ်သည်။ အလားတူ မလေးရှား၊ ဘယ်လ်ဂျီယံ၊ ကင်မရွန်း၊ ဆလိုဗေးနီးယား၊ အီတလီ၊ ခရိုအေးရှား၊ ဘူဂေးရီးယား၊ အိုင်ဗရီကို့စ်နိုင်ငံတို့မှလည်း ဝယ်ယူမှုရှိခဲ့သည်။

၄။           ရော်ဘာပို့ကုန်တင်ပို့မှုအနေဖြင့် ရက်သတ္တပတ်အတွင်း တန်ချိန် ၇၃၂၆ တင်ပို့နိုင်ပြီး တန်ဖိုးအမေရိကန်ဒေါ်လာ ၁၀ သန်းခန့် ရရှိခဲ့သည်။ မှိုင်းခံရာဘာ (RSS) နှင့်ဆင့်တက်ပြုပြင်ထားသော (MIXTURES) ရော်ဘာမျိုးစုံကို ပင်လယ်ရေကြောင်းကုန်သွယ်မှုမှ တရုတ်၊ မလေးရှား၊ ဂျပန်၊ ဗီယက်နမ်၊ အင်ဒိုနီးရှား၊ ကိုရီးယားနိုင်ငံတို့သို့ တင်ပို့ခဲ့ပြီး နယ်စပ်လမ်းကြောင်းမှ အိမ်နီးချင်း တရုတ်၊ ထိုင်းနိုင်ငံများသို့ တင်ပို့ခဲ့သည်။

၅။           မြန်မာနိုင်ငံ၏ အဓိကစိုက်ပျိုး၊ မွေးမြူထွက်ကုန်များ ပြည်ပတင်ပို့မှု၌ ရာသီအလိုက် စိုက်ပျိုးသီးနှံများအပြင် ရာဘာကဲ့သို့နှစ်ရှည်သီးနှံများကိုလည်း တိုးချဲ့စိုက်ပျိုးထုတ်လုပ်ရန်လိုအပ် ပါသည်။ ရာဘာမှာ စတင်စိုက်ပျိုးသည်မှ ၇ နှစ်၊ ၈ နှစ် အကြာတွင် အစေးထုတ်ယူနိုင်သည်ဖြစ်ရာ ပြည်ပတင်ပို့မှုတွင် ဈေးကွက်ကျယ်ကျယ်ပြန့်ပြန့်ရရှိပြီးဖြစ်သည့် ရော်ဘာထုတ်လုပ်မှု စဉ်ဆက် မပြတ်တိုးတက်စေရန် မြန်မာနိုင်ငံရာဘာစိုက်ပျိုးထုတ်လုပ်သူများအသင်းနှင့် သက်ဆိုင်ရာဌာနများ မှဆွေးနွေးအကောင်အထည်ဖော် ဆောင်ရွက်လျက်ရှိသည်။

၆။      ရော်ဘာစိုက်ပျိုးထုတ်လုပ်မှုသည် ကမ္ဘာ့နိုင်ငံများအတွက် စဉ်ဆက်မပြတ်ဖွံ့ဖြိုးမှု ပန်းတိုင် များဖြစ်သည့် ပန်းတိုင် (၈) စဉ်ဆက်မပြတ် ဖြစ်ထွန်းပြီး အားလုံးအကျုံးဝင်သော ရေရှည် စီးပွားရေး ဖွံ့ဖြိုးတိုးတက်စေရေး၊ လုပ်သားပြည့် အလုပ်အကိုင်ရရှိရေးနှင့် အားလုံးအတွက် ထုတ်လုပ်နိုင်စွမ်းရှိ၍ သင့်တင့်လျောက်ပတ်သော အလုပ်အကိုင်ရရှိစေရေးကဏ္ဍနှင့်လည်း တိုက်ရိုက်ဆက်စပ်လျက်ရှိသည်။ စိုက်ပျိုးရေးဦးစီးဌာန၏ စာရင်းဇယားများအရ မြန်မာနိုင်ငံ၏ လက်ရှိရာဘာထုတ်လုပ်နိုင်မှုမှာ တစ်နှစ်လျှင် တန်ချိန်  ၃ သိန်းမှ ၄သိန်းခန့်ရရှိသည်။

၇။         ရော်ဘာပြည်ပသို့တင်ပို့မှုနှင့် သွင်းကုန်အစားထိုးကုန်ပစ္စည်းများထုတ်လုပ်နိုင်မှု တိုးတက် စေခြင်းဖြင့်  နိုင်ငံ့စီးပွားရေးအတွက် ခိုင်မာသောအခြေခံအုတ်မြစ်အဖြစ် အကျိုးသက်ရောက်မှုများ ရရှိလာနိုင်မည်ဖြစ်သည်။

၈။         ကုန်ထုတ်လုပ်မှုများ  တန်ဖိုးမြှင့်ထုတ်လုပ်နိုင်ရေး၊ အရည်အသွေးရှိသော ထုတ်ကုန် ကုန်ကြမ်းများအား တီထွင်ဆန်းသစ်သော နည်းလမ်းများဖြင့် အဆင့်မြှင့်တင်ပို့နိုင်ရေး နည်းပညာဆိုင်ရာ လိုအပ်ချက်များရှိပါက သက်ဆိုင်ရာ အသင်းအဖွဲ့များ၊ နည်းပညာရှင်များနှင့် ချိတ်ဆက် ခြင်းဖြင့် အဆင့်မီပို့ကုန်များရရှိရေးအတွက် ရင်းနှီးမြှုပ်နှံမှုများကို မြှင့်တင်ကာ အစိုးရ၊ ပုဂ္ဂလိက အလွှာပေါင်းစုံမှ ပူးပေါင်းဆောင်ရွက်သွားကြရန် ယခုရက်သတ္တပတ်ပို့ကုန်တင်ပို့နိုင်မှု အခြေအနေ အားဖော်ပြတိုက်တွန်းအပ်ပါသည်။

ရန်ကုန်၊ ဇန်နဝါရီလ ၁၃ ရက်

   ပြည်တွင်းဈေးကွက်၌ ဆန်ဈေးနှုန်းတည်ငြိမ်မှုရှိစေရေး၊ ပြည်ပသို့ ဆန်တင်ပို့မှုအား စနစ်တကျ ဆောင်ရွက်နိုင်ရေး၊ ဈေးကစား လိုသည့် ရည်ရွယ်ချက်ဖြင့် သမရိုးကျ ရောင်းဝယ်ခြင်း မဟုတ်သည့် လုပ်ငန်းများကို ထိန်းကျောင်းနိုင်ရေးနှင့် ဆန်စပါးသိုလှောင်မှုများ စနစ်ကျနမှုရှိစေ ရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆန်စပါးအသင်း ချုပ်တို့ ပူးပေါင်း၍ ဆန်စပါးသိုလှောင်မှုအား Online မှ မှတ်ပုံတင်ခြင်းစနစ် (Myanmar Rice Online - MyRo) အား အကောင်အထည်ဖော် ဆောင်ရွက် လျက်ရှိရာ အဆိုပါစနစ်ဖြင့် ကုမ္ပဏီ/ လူပုဂ္ဂိုလ်များမှ မှတ်ပုံတင်ထားသည့်   သိုလှောင်ရုံများအနက်မှ လှိုင်သာယာမြို့နယ်ရှိ MyRo စနစ်ဖြင့် မှတ်ပုံတင်ထားသော သိုလှောင်ရုံများသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီးနှင့် တာဝန်ရှိသူများ သည် (၁၃-၁-၂၀၂၄) ရက်နေ့ နံနက်ပိုင်းတွင် သွားရောက် စစ်ဆေးခဲ့ပြီး မြန်မာနိုင်ငံဆန်စပါးအသင်းချုပ်၊ မြန်မာနိုင်ငံဆန်စပါး ကုန်သည်များအသင်း၊ မြန်မာ နိုင်ငံဆန်စက်လုပ်ငန်းရှင်များ အသင်းတို့မှ တာဝန်ရှိသူများမှ ဆန်၊ စပါးသိုလှောင်ထားရှိမှု အခြေအနေများအား ရှင်းလင်းတင်ပြခဲ့ကြပါသည်။

   ဆက်လက်၍ ရန်ကုန်မြို့၊ ဘုရင့်နောင်ဆန်စပါးကုန်စည်ဒိုင်တွင် Warehouse Registration ဆောင်ရွက်ပုံအဆင့်ဆင့်အား သိုလှောင်ရုံများ၊ ပြည်ပတင်ပို့သည့် ကုမ္ပဏီများ ၊ ဆန်စက်လုပ်ငန်း များ ၊ ဆန်လက်လီ/လက်ကားအရောင်းဆိုင်များ မှတ်ပုံတင်ခြင်းအား ကဏ္ဍအလိုက် ရှင်းလင်းပြသခဲ့ပြီး ပြည်နယ်/ တိုင်းဒေသကြီးများမှ တာဝန်ရှိသူများက အသုံးပြုရာတွင် လိုအပ်သည့်အချက် များအား ဆွေးနွေးခဲ့ကြကြောင်းနှင့် ဒုတိယဝန်ကြီးက လိုအပ်သည်များကို မှာကြားခဲ့ကြောင်း သတင်းရရှိပါသည်။

   Online မှ မှတ်ပုံတင်ခြင်းစနစ် (Myanmar Rice Online - MyRo) အား (၄-၁၁-၂၀၂၃)    ရက်နေ့မှ စတင်ဆောင်ရွက်ခဲ့ရာ ယနေ့အထိ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရခိုင်ပြည်နယ် နှင့် နေပြည်တော်ကောင်စီနယ်မြေတို့မှ သိုလှောင်ရုံ (၁၉၃) လုံးအား မှတ်ပုံတင် ဆောင်ရွက်ထားရှိပြီးဖြစ် ကြောင်း သတင်းရရှိပါသည်။

မြန်မာနိုင်ငံ၏ ပြည်ပပို့ကုန်တင်ပို့မှုမှာ ၂၀၂၃ ခုနှစ်၊ ဒီဇင်ဘာလ 9 ရက်နေ့မှ 15 ရက်ထိ တွင် တန်ဖိုး အမေရိကန်ဒေါ်လာ 254 သန်းကျော် ရှိသည်။ ယခုအပတ်တွင် လယ်ယာထွက် ဆန်၊ ဆန်ကွဲ ၊ နှမ်း ၊ ဖရဲ ၊ သခွား ၊ တစ်သျှူးငှက်‌ပျော သစ်သီးဝလံများ ၊ ရော်ဘာ ၊ ကော်ဖီ စသည့် နှစ်ရှည်သီးနှံထွက်ကုန်များ ၊ သွပ် ၊ ကြေးနီသတ္တုတွင်းထွက်ပစ္စည်း၊ စက်မှုကုန်ချော CMP ချုပ်ပြီး အထည်တို့ ပိုမိုတင်ပို့နိုင်ခဲ့သဖြင့် ပြီးခဲ့သည့် ရက်သတ္တပတ်ထက် အမေရိကန်ဒေါ်လာ ၃၃ သန်း ကျော် ပိုမိုတင်ပို့နိုင်ခဲ့သည်။ 

          ယခုရက်သတ္တပတ်တွင် ဆန်၊ ဆန်ကွဲ တင်ပို့မှုမှ အမေရိကန်ဒေါ်လာ 32 သန်းရရှိပြီး ပင်လယ်ရေကြောင်းမှ အင်ဒိုနီးရှား၊ တရုတ်၊ စပိန်၊ ပိုလန်၊ ဖိလစ်ပိုင်၊ ဗီယက်နမ်၊ နယ်သာလန် အပါအဝင် နိုင်ငံပေါင်း (၂၀) နိုင်ငံသို့ (၅၇၆၅၉)တန်နှင့် နယ်စပ်မှ လွယ်ဂျယ်၊ ကံပိုင်တည်၊ ကျိုင်းတုံစခန်းများမှ (၃၉၆၀) တန် တင်ပို့ခဲ့သည်။

          ကမ္ဘာ့ဆန်စပါးဈေးကွက်၌ အယ်လ်နီညိုရာသီဥတု၏ သက်ရောက်မှုများကြောင့် ဆန် ရောင်းလိုအား /ဝယ်လိုအား မြင့်မားမှုများဖြစ်ပေါ်လာပြီး ဆန်တင်ပို့/ ဆန်တင်သွင်းနိုင်ငံများ၏ နိုင်ငံအလိုက် အစီအမံများဆောင်ရွက်လာသည်ကို တွေ့ရှိရသည်။ မြန်မာနိုင်ငံအနေဖြင့် လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန၏ စာရင်းများအရ မိုးစပါး၊ နွေစပါး ထွက်ရှိမှုမှာ ညီမျှ ဆန်တန်ချိန် 13 သန်းရှိပြီး ပြည်တွင်းစားသုံးမှုမှာ ဆန်တန်ချိန် 9.5 သန်းရှိသဖြင့် ပိုလျှံမှုတန်ချိန် 3 သန်းကျော်ရှိကြောင်း ခန့်မှန်းတွက်ချက်ရရှိသည်။ နှစ်အလိုက် ပြည်ပတင်ပို့မှုတွင် ဆန်၊ ဆန်ကွဲ တန်ချိန် 3.6 သန်းအထိ အများဆုံးတင်ပို့နိုင်ခဲ့သည်။

          မိမိတို့နိုင်ငံမှာ စိုက်ပျိုးရေးကို အဓိကဆောင်ရွက်ပြီး စားရေရိက္ခာဖူလုံသည့် နိုင်ငံဖြစ်သည့် အားလျော်စွာ စားသုံးမှုမှ ပိုလျှံသမျှကို ပြည်ပတင်ပို့ပြီး နိုင်ငံခြားဝင်ငွေ ရှာဖွေရရှိနိုင်ရေးသည် လည်း  အဓိကကျသည့် အခန်းကဏ္ဍတစ်ရပ်ဖြစ်သည်။ ယခုနှစ်၌ ကမ္ဘာ့ဆန်ဝယ်လိုအား တက် လာပြီး ကမ္ဘာ့ဆန်ဈေးကွက်အသီးသီးရှိ ဆန်ဈေးနှုန်းများမြင့်မားလာမှုနှင့်အတူ ကုန်စည်စီးဆင်းမှု (Commodity  Flow) တွင် ပါဝင်သည့် ပြည်တွင်းတောင်သူများ၊ လုပ်ငန်းရှင်များလည်း ပို့ကုန် တင်ပို့မှု၌ အမြင့်ဈေးရရှိပြီး တွက်ခြေကိုက်မှုရှိသည်။ တစ်ဖက်တွင်လည်း ပြည်တွင်းဆန် ဈေးနှုန်း တည်ငြိမ်ရေးနှင့် ဆန်လက်ကျန် အလုံအလောက်ရှိစေရေးကို သက်ဆိုင်ရာအသင်းအဖွဲ့များ၏ ဦးဆောင်မှုဖြင့် စီမံထိန်းကျောင်း ဆောင်ရွက်ထားရှိပြီးဖြစ်သည်။

          စပါးမျိုးကောင်းမျိုးသန့်များဖြင့် စက်မှုလယ်ယာစနစ်ကို ဝိုင်းဝန်းဖော်ဆောင်ခြင်းဖြင့် စပါး အထွက်နှုန်း များစွာတိုးစေပြီး ပြည်ပနိုင်ငံများစွာသို့လည်း ပိုမိုတင်ပို့လာနိုင်မည်ဖြစ်သည်။

          ပြည်ပသို့ လုပ်ငန်းရှင်များ ဆန်၊ ဆန်ကွဲ ပိုမိုတင်ပို့နိုင်စေရေးအတွက် ယခင်က Pre-License Cargo Inspection ကုန်ပစ္စည်းသိုလှောင်ထားရှိမှု စစ်ဆေးခြင်းကို ပို့ကုန်လိုင်စင်ပမာဏ၏ ၁၀၀

ရာခိုင်နှုန်းဖြင့် ဆောင်ရွက်ခွင့်ပြုခဲ့ရာမှ 2023 ခုနှစ် ဒီဇင်ဘာလ 1 ရက်နေ့မှစ၍ ၅၀ ရာခိုင်နှုန်းထိ လျော့ချ၍ခွင့်ပြု ပေးလျက်ရှိသည်။ အသေးစား၊ အလတ်စားနှင့် အငယ်စားလုပ်ငန်းရှင်များ အတွက် နိုင်ငံတော်မှ အားပေးကူညီသောအားဖြင့် ဆန်၊ ဆန်ကွဲ တန်ချိန် ၂၆၀ နှင့်အောက် ပို့ကုန် လိုင်စင်လျှောက်ထားမှုများအတွက် ကုန်ပစ္စည်း သိုလှောင်ထားရှိမှု စစ်ဆေးခြင်းကို ဖြေလျော့ ဆောင်ရွက်ပေးထားပြီး ဖြစ်သည်။

          ပြည်တွင်းရိက္ခာဖူလုံရေးနှင့် ပြည်ပပို့ကုန်တိုးမြှင့်တင်ပို့နိုင်ရေးအတွက် ဆန်စပါးအပြင် ဆီထွက်သီးနှံ နေကြာ၊ မြေပဲ၊ နှမ်း၊ ပဲမျိုးစုံ ၊ လယ်ယာထွက်ကုန်များအား နည်းစနစ်မှန်ကန်စွာ စိုက်ပျိုးထုတ်လုပ်မှု တိုးတက်စေရေးနှင့် မြန်မာနိုင်ငံမှ ထွက်ရှိသည့် ထွက်ကုန်များအား ယခုထက် ပိုမိုတင်ပို့နိုင်ရေးကို တောင်သူအဖွဲ့များ၊ ကုန်စည်ဒိုင်များ၊ ကုန်သည်အသင်းအဖွဲ့များ၊ ကုမ္ပဏီလုပ် ငန်းရှင်များနှင့် သက်ဆိုင်ရာဌာနအားလုံး ဝိုင်းဝန်းကြိုးပမ်းဆောင်ရွက်ကြစေလိုကြောင်း အသိပေး အပ်ပါသည်။