Department of Trade

တနင်္လာနေ့ ၁၈ ဖေဖော်ဝါရီလ ၂၀၁၃ 15:50 PM

စစ်တောင်း တံတား အဟောင်းနဲ့ တံတား အသစ် လမ်းဆုံမှာ ဖေဖော်ဝါရီလ ၃ ရက်နေ့ ဝ၂း၁၅ ချိန်မှာ ဝင်ရောက် လာတဲ့ Canter အမျိုး အစား ယာဉ် အမှတ် ၈ခ/xxxxx အား ရပ်တန့် စစ်ဆေးရာမှာ ထိုင်း နိုင်ငံထုတ် ကြက်မြစ် ကြက်သဲ ထုတ်များ ရှာဖွေ တွေ့ရှိခဲ့တယ်လို့ သတင်း ရရှိပါတယ်။

မော်လမြိုင်မှ ရန်ကုန်သို့ ရေချိုငါး၊ ပုစွန်များ တင်ဆောင် လာတဲ့ ရေခဲပုံး အတွင်းမှာ တစ်ဘက် ထိုင်းနိုင်ငံ ထုတ် ကြက်မြစ် ကြက်သဲ တစ်ကီလို ဂရမ်ပါ အထုပ် ၁၇ဝဝ ကို မြဝတီ- ရန်ကုန် ကုန်သွယ်မှု လမ်းကြောင်း၌ စစ်ဆေးရေး တာဝန် ချထားတဲ့ လှုပ်ရှား အဖွဲ့ ၂ မှ ရှာဖွေ စစ်ဆေး တွေ့ရှိခဲ့တာ ဖြစ်ပါတယ်။ တန်ဖိုး အားဖြင့် ကျပ်သိန်း ၄၂ ဒသမ ၅ဝ ရှိတယ်လို့ သိရပါတယ်။

အဆိုပါ ထိုင်းနိုင်ငံထုတ် ကြက်သဲ ကြက်မြစ် များအား ဖေဖော်ဝါရီလ ၃ ရက်နေ့ ၁၁း၁၅ ချိန်မှာ နယ်စပ် ကုန်သွယ်ရေး ညွှန်ကြားရေးမှူး ဦးကျော်ဒွန်း၊ ဝေါမြို့နယ် ဒု- မြို့နယ် အုပ်ချုပ်ရေးမှူး၊ ဝေါမြို့နယ် မွေးကု ဦးစီး ဌာန၊ ဝေါမြို့နယ် စည်ပင် အမှုဆောင် အရာရှိ၊ လရ-၂ မှ အကောက် ခွန်မှူးနဲ့ မြန်မာနိုင်ငံ ရဲတပ်ဖွဲ့၊ ဝေါမြို့နယ် သတင်းနဲ့ စာနယ်ဇင်း အဖွဲ့ အတွင်း ရေးမှူးတို့ ပါဝင်သော အဖွဲ့က အင်ဂျင်ဝိုင် အဟောင်းများ၊ ဒီဇယ်ဆီများ ပက်ဖြန်း လောင်း ထည့်ခြင်း၊ ထုံးဖြူးခြင်းများ ဆောင်ရွက်ပြီး မြေမြုပ် ဖျက်ဆီး ပစ်ခဲ့တယ်လို့ သတင်းရရှိပါတယ်။

Source: လရ-၂ (MTN)

တနင်္လာနေ့ ၁၈ ဖေဖော်ဝါရီလ ၂၀၁၃ 15:39 PM

၂ဝ၁၂ ခုနှစ်တွင် ဗီယက်နမ်နဲ့ အာဆီယံနိုင်ငံများအကြား ကုန်သွယ်မှုပမာဏသည် ကန်ဒေါ်လာ ၁၇ ဒသမ ဝ၈ ဘီလီယံထိဆောင်ရွက်နိုင်ပြီး ပြီးခဲ့တဲ့နှစ်ကထက် ၂၅ ဒသမ ၇ ရာခိုင်နှုန်း ပိုမိုခဲ့ပါတယ်။ ဥရောပသမဂ္ဂနိုင်ငံများနဲ့ အမေရိကန်ပြီးလျှင် အာဆီယံနိုင်ငံဟာ ဗီယက်နမ်နိုင်ငံရဲ့ တတိယအကြီးဆုံး ပို့ကုန်ဈေးကွက်ကြီးဖြစ်လာပါတယ်။ ထိုကဲ့သို့ပို့ကုန်တိုးမြင့်လာရခြင်းမှာ ကွန်ပူျတာနှင့်ကွန်ပူျတာဆက်စပ် ပစ္စည်းများ၊ လျှပ်စစ်ပစ္စည်းများနဲ့အပိုပစ္စည်းများ၊ တယ်လီဖုန်းနဲ့ဆက်စပ်ပစ္စည်းများ၊ ရော်ဘာ၊ သံနဲ့သံမဏိ၊ ကော်ဖီတို့ ပိုမိုတင်ပို့နိုင်၍ဖြစ်ပါတယ်။ အာဆီယံနိုင်ငံများထဲတွင်လည်း စင်္ကာပူနိုင်ငံဟာ အကြီးဆုံးသော ကုန်သွယ်ဖက် နိုင်ငံဖြစ်ပါတယ်။ ပြီးလျှင် ထိုင်း၊ မလေးရှားနဲ့ ကမ္ဘောဒီးယားနိုင်ငံတို့နဲ့ကုန်သွယ်မှုဟာ များပြား လျက်ရှိပါတယ်။ နိုင်ငံအလိုက်ပို့ကုန် ကုန်သွယ်မှု ဆောင်ရွက်နိုင်မှုများ မှာ စင်္ကာပူဒေါ်လာ ဘီလီယံ ၉ ဒသမ ဝ၃၊ ထိုင်း ဒေါ်လာ ဘီလီယံ ၈ ဒသမ ၄၁၊ မလေးရှား ဒေါ်လာ ဘီလီယံ ၇ ဒသမ ၉၁၊ အင်ဒိုနီးရှား ဒေါ်လာ ဘီလီယံ ၄ ဒသမ ၆၁၊ ဖိလစ်ပိုင် ၂ ဒသမ ၈၄ ဘီလီယံ၊ လာအို ဒေါ်လာ ၈၆၆ သန်း၊ ဘရူနိုင်း ဒေါ်လာ ၆၂၇ သန်းနဲ့ မြန်မာ ဒေါ်လာ ၂၂၇ သန်း အသီးသီးဖြစ်ပါတယ်။ သွင်းကုန်ပိုင်းကိုကြည့်လျှင် မလေးရှား၊ ကမ္ဘောဒီးယား၊ ထိုင်းနဲ့ အင်ဒိုနီးရှားနိုင်ငံတို့နဲ့ အများဆုံးဆောင်ရွက်လျက်ရှိပါတယ်။

Source:VGP News --- CMK

တနင်္လာနေ့ ၁၈ ဖေဖော်ဝါရီလ ၂၀၁၃ 15:21 PM

၂ဝ၁၃ ခုနှစ်ရဲ့ ပထမလ ဖြစ်တဲ့ ဇန်နဝါရီ လမှာ ဗီယက်နမ် နိုင်ငံမှ ကန်ဒေါ်လာ သန်း ၂ဝ ကျော် တန်ဖိုးရှိ ပုစွန် တန်ချိန် ၆ဝဝဝ ကို တင်ပို့ နိုင်ခဲ့ပါတယ်။ ယမန်နှစ် ကာလတူထက် နှစ်ဆ ပိုမို တင်ပို့ ခဲ့တယ်လို့ သိရပါတယ်။ ပုစွန်ဈေးများမှာ အရွယ် အစားပေါ် မူတည်ပြီး ပြောင်းလဲ လျက်ရှိပါတယ် -

                                                            ဒေါ်လာ/ကီလို

ကျားပုစွန်            ၂ဝ ကောင်/၁ ကီလို       ၁၁.၅            ၁၃.၄

                           ၃ဝ ကောင်/၁ ကီလို        ၇.၇၀           ၈.၆၀

                           ၄ဝ ကောင်/၁ ကီလို                          ၇.၂ဝ

ပုစွန်ဖြူ                ၄ဝ ကောင်/၁ ကီလို                          ၆.၂၅

                           ၅ဝ ကောင်/၁ ကီလို                          ၅.၅၈

                            ၆ဝ ကောင်/၁ ကီလို                         ၅.၂၉

ယခု အချိန်ဟာ ပုစွန် ရာသီချိန် ကုန်ခါနီးပြီ ဖြစ်တဲ့ အတွက် ပုစွန် ထွက်ရှိမှုဟာ လျော့နည်း လာပြီလို့ ဒေသခံ ပုစွန် မွေးမြူ သူများ ထံက သိရှိရ ပါတယ်။

Source :Tvoi Tre News --- CMK

ကြာသပတေးနေ့ ၇ ဖေဖော်ဝါရီလ ၂၀၁၃ 15:55 PM
အိမ်နီးချင်း ထိုင်း၊ အိန္ဒိယ စတဲ့ နိုင်ငံတို့မှ သစ်ခွ (Orchids) များအား ကုမ္ပဏီ လုပ်ငန်းရှင်များ နယ်စပ် ကုန်သွယ်မှု နည်းလမ်း အရ သွင်းကုန် လိုင်စင်နဲ့ တင်သွင်း မယ်ဆိုလျှင် သစ်တော ဦးစီးဌာန၊ ပတ်ဝန်း ကျင်ထိန်း သိမ်းရေးနဲ့ သစ်တော ရေးရာ ဝန်ကြီး ဌာနရဲ့ CITES ပါမစ် ရယူ ဆောင်ရွက်ရန် လိုအပ်ကြောင်းနဲ့ သစ်ခွမျိုးစိတ် များကို ယခင် အပတ်က ဖော်ပြ ပေးထားပြီး ဖြစ်ပါတယ်။ ယခု အပတ်မှာတော့ CITES ပါမစ် ထုတ်ပေးခြင်း နဲ့ပတ်သက်တဲ့ စည်းမျဉ်း စည်းကမ်းများ Article III ကို ဖော်ပြ ပေးလိုက် ရပါတယ်။ တင်ပို့ မယ်ဆိုလျှ CITES Appendix I မှာ ပါဝင်တဲ့ မည်သည့် သစ်ခွ မျိုးစိတ်ကို မဆို တင်ပို့ မယ်ဆိုလျှင် ကနဦး ထောက်ခံချက်နဲ့ ပါမစ် လျှောက်ထားရတဲ့ အကြောင်းကို ဖော်ပြ ပေးဖို့ လိုအပ်မှာ ဖြစ်ပါတယ်။ ပို့ကုန် ပါမစ် ထုတ်ပေးနိုင်ရန် တင်ပို့ ခွင့်ပြုတဲ့ မျိုးစိတ်ရဲ့ ရှင်သန် တည်တံ့မှုကို မထိခိုက်နိုင်ကြောင်း တင်ပို့တဲ့ နိုင်ငံရဲ့ သိပ္ပံ ဆိုင်ရာ ထောက်ခံချက် ပေးတဲ့အဖွဲ့ (ScientificAuthority)ကို ရှင်းလင်း တင်ပြရန်၊ တင်ပို့ ခွင့်ပြုရမဲ့ မျိုးစိတ်ကို စုဆောင်းရာမှာ တင်ပို့မဲ့ နိုင်ငံရဲ့ အပင်နဲ့ အကောင် (Fauna & Flora) တို့ကို ကာကွယ် ထိန်းသိမ်းရန် ထုတ်ပြန် ထားတဲ့ ဥပဒေများနဲ့ ဆန့်ကျင်မှု မရှိကြောင်း စီမံ အုပ်ချုပ်ရေး အဖွဲ့သို့ သေချာစွာ ရှင်းလင်း တင်ပြရန်၊ သက်ရှိ မျိုးစိတ်များအား တင်ပို့မယ် ဆိုလျှင် အဆိုပါ သက်ရှိ မျိုးစိတ်များအား ဒဏ်ရာ ရရှိနိုင်မှု ကျန်းမာရေး ယိုယွင်း ပျက်ပြား နိုင်မှုနဲ့ ယဉ်ပါးစေရန် ထိန်းကျောင်းမှု များမှာ ထိခိုက်မှု အနည်းဆုံးနဲ့ ပြင်ဆင် တင်ပို့မယ် ဆိုတာကို စီမံ အုပ်ချုပ်ရေး အဖွဲ့သို့ ရှင်းလင်း တင်ပြရန်နဲ့ တင်ပို့မဲ့ မျိုးစိတ် အတွက် လက်ခံမဲ့ နိုင်ငံရဲ့ သွင်းကုန် ပါမစ် တရားဝင် ခွင့်ပြုချက်အား တင်ပို့မဲ့ နိုင်ငံရဲ့ စီမံ အုပ်ချုပ်ရေး အဖွဲ့ကို တင်ပြရန် လိုအပ်မှာ ဖြစ်ပါတယ်။
တင်သွင်း မယ်ဆိုလျှင် Appendix I မှာ ပါဝင်တဲ့ မည်သည့် မျိုးစိတ်ကို မဆို တင်သွင်းမယ် ဆိုလျှင် ကနဦး ထောက်ခံချက် Import Permit တင်ပြချက်နဲ့ Export Permit သို့မဟုတ် Re-export Permit များ တင်ပြရန်လို အပ်ပါတယ်။ Import Permit ထုတ်ပေး နိုင်ရန်၊ လိုအပ်ချက်တွေ ကတော့ တင်သွင်းမဲ့ ရည်ရွယ်ချက်ဟာ တင်သွင်းမဲ့ မျိုးစိတ်ရဲ့ ရှင်သန် တည်တံ့မှုအား ထိခိုက်မှု မရှိကြောင်း တင်သွင်း ခွင့်ပြုမဲ့ နိုင်ငံရဲ့ သိပ္ပံ ဆိုင်ရာ ထောက်ခံချက် ပေးတဲ့ အဖွဲ့သို့ ရှင်းလင်း တင်ပြ ထားပြီး ဖြစ်ရန်၊ တင်သွင်းခွင့် ပြုရန် လျှောက်ထားတဲ့ မျိုးစိတ် အတွက် သင့်တင့် လျောက်ပတ်သော နေရာ ထိုင်ခင်း၊ ပြုစု စောင့်ရှောက်မဲ့ အစီအစဉ်များအား တင်သွင်း ခွင့်ပြုမဲ့ နိုင်ငံရဲ့ သိပ္ပံဆိုင်ရာ ထောက်ခံချက် ပေးမဲ့ အဖွဲ့က ကျေနပ် လက်ခံနိုင်တဲ့ စီစဉ် ထားရှိမှုမျိုး ဖြစ်ရန်၊ တင်သွင်းမဲ့ မျိုးစိတ်ဟာ စီးပွားရေး အကျိုး အမြတ်ရမဲ့ လုပ်ငန်း အတွက် အဓိက ရည်ရွယ်မှု မရှိကြောင်း တင်သွင်းခွင့် ပြုမဲ့ နိုင်ငံရဲ့ စီမံ အုပ်ချုပ်မှု အဖွဲ့ကို ရှင်းလင်း တင်ပြ ထားပြီး ဖြစ်ရန် လိုအပ် ပါတယ်။
CITES Appendix II မှာ ပါဝင်တဲ့ မျိုးစိတ်များကို တင်ပို့ တင်သွင်းရာ မှာလည်း Appendix I မှာ ပါဝင်တဲ့ မျိုးစိတ်များကို တင်ပို့ တင်သွင်းတဲ့ အတိုင်း လိုက်နာရ မယ်လို့ CITES Article IV မှာ ဖော်ပြ ထားပါတယ်။ ပိုမိုတဲ့ အချက်ကတော့ ပြည်ပကို တင်ပို့ ခွင့်ပြုထားတဲ့ မျိုးစိတ်များနဲ့ အမှန် တကယ် တင်ပို့မှု ကိုက်ညီခြင်း ရှိ/ မရှိကို နှစ်နိုင်ငံ စလုံးရှိ သိပ္ပံ ဆိုင်ရာ ထောက်ခံချက် ပေးတဲ့ အဖွဲ့က ကြပ်မတ် စစ်ဆေးရန်ပဲ ဖြစ်ပါတယ်။
တင်ပို့ ခွင့်ပြုထားတဲ့ မျိုးစိတ်များဟာ ၎င်းတို့ ရှင်သန်နေတဲ့ ဂေဟ စနစ်များမှာ ဆက်လက် ရှင်သန် တည်တံ့ရန် လိုအပ်တဲ့ အတွက် တင်ပို့ရန် ကန့်သတ် သင့်ကြောင်းနဲ့ Appendix I သို့ ထည့်သွင်းရန် လိုအပ်တဲ့ အနေအထားကို ရောက်ရှိ နေပြီလို့ သိပ္ပံဆိုင်ရာ ထောက်ခံချက် ပေးတဲ့ အဖွဲ့က ဆုံးဖြတ် ခဲ့မယ်ဆိုလျှင် ကန့်သတ် နိုင်ရန် စီမံအုပ် ချုပ်ရေး အဖွဲ့သို့ အကြံပြု တင်ပြ သွားရမယ် လို့လည်း ပြဌာန်း ထားပါတယ်။
Appendix II မှာ ပါဝင်တဲ့ မည်သည့် မျိုးစိတ်ကို မဆို တင်သွင်းမယ် ဆိုလျှင်တော့ Export Permirt သို့မဟုတ် Re Export Permit ထောက်ခံချက် လက်မှတ် ကနဦး တင်ပြရမယ်လို့ CITES Article IV စာပိုဒ်-၄ မှာဖော်ပြ ထားကြောင်း နယ်စပ်မှ သစ်ခွကို နယ်စပ် ကုန်သွယ်မှု နည်းလမ်းနဲ့ ကုန်သွယ် လိုသူများ သိရှိနိုင်ရန် အသိပေးလိုက် ရပါတယ်။
Source: နကသ (ဦး) မူဝါဒ >>> ပန်

ကြာသပတေးနေ့ ၇ ဖေဖော်ဝါရီလ ၂၀၁၃ 14:39 PM

ဇန်နဝါရီလ ၂၇ ရက်နေ့ နံနက် ဝ၃း၄ဝ ချိန်မှာ နကသ (လရ-၂) အဖွဲ့ဟာ ယာဉ်အမှတ် ၈ဆ/xxxx အား Manifest ပါ ပစ္စည်း အလေးချိန် ဖော်ပြ ထားချက်နဲ့ ကိုက်ညီမှု မရှိနိုင်ကြောင်း သံသယ ဖြစ်တဲ့ အတွက် ပစ္စည်းများအား အသေးစိတ် ချစစ်ရာမှာ ID ထက် ပိုမို တင်ဆောင် လာတဲ့ အောက်ဖော်ပြပါ အချိုရည် ဖာ ၂၃ဝ စစ်ဆေး တွေ့ရှိရတဲ့ အတွက် သိမ်းဆည်းပြီး အကောက်ခွန် လုပ်ထုံး လုပ်နည်းနဲ့ အညီ ဆောင်ရွက် ထားပြီး ဖြစ်တယ်လို့ သတင်းရ ရှိပါတယ်။

Orange Juice          ၁ဝဝ ဖာ

Cantaloupe Juice       ၄၅ ဖာ

Strawberry Juice       ၈၅ ဖာ

အလားတူ ဇန်နဝါရီလ ၃ဝ ရက်နေ့မှာ ဘားအံမှ ဝင်ရောက် လာတဲ့ ၂၂ ဘီးယာဉ် ၄ယ/xxxxxxx နဲ့ ၄ယ/xxxx (၂) စီးနဲ့ သယ်ဆောင် လာတဲ့ ကွဲျရိုင်း အချိုရည် များကို သွင်းကုန် ကြေငြာလွှာနဲ့ တိုက်ဆိုင် စစ်ဆေးရာမှာ ပိုမို ပါရှိလာတဲ့ ကွဲျရိုင်း ၃၃၃ ကဒ် တန်ဖိုး အားဖြင့် ကျပ် ၂၄ သိန်း နီးပါးဖိုးအား သိမ်းဆည်းပြီး အကောက်ခွန် လုပ်ထုံး လုပ်နည်းနဲ့ အညီ ဆောင်ရွက်ထား ပြီးဖြစ်တယ်လို့ သိရပါတယ်။ အဆိုပါ ၂၂ ဘီးယာဉ် ကားကြီး (၂) စီးနဲ့ သယ်ဆောင် လာတဲ့ သွင်းကုန် ကြေညာလွှာပါ ကြေညာ ထားတဲ့ ကွဲျရိုင်းများမှာ ၈၃၆၇ ကဒ်သာ ပါရမှာ ဖြစ်သော်လည်း အမှန် တကယ် တင်ဆောင် လာမှု ၈၇ဝဝ ကဒ်ဖြစ်တဲ့ အတွက် အပို သယ်ဆောင်လာမှု ၃၃၃ ကဒ်ကို တွေ့ရှိ သိမ်းဆည်းခဲ့ ရတာဖြစ်ပါတယ်။

Source: လရ-၂ >>> MTN