Minister's Office

ပြီးခဲ့တဲ့ ၁၁ လအတွင်း ဗီယက်နမ်နိုင်ငံရဲ့ကော်ဖီတင်ပို့မှုဟာ တန်ချိန် ၁ ဒသမ ၅၆ သန်းခန့်ရှိပြီး၊ ရရှိတဲ့ ဝင်ငွေမှာ ကန်ဒေါ်လာ ၃ ဒသမ ၃၄ ဘီလီယံရှိပြီဖြစ်ကြောင်း၊ ဗီယက်နမ် အကောက်ခွန်မှ ပြောကြားပါတယ်။ အဲဒီပမာဏဟာ ပြီးခဲ့တဲ့နှစ် ကာလတူနဲ့ယှဉ်ရင် ၄၂ ဒသမ ၁ ရာခိုင်နှုန်းနဲ့ တန်ဖိုးအားဖြင့် ၃၇ ဒသမ ၇ ရာခိုင်နှုန်း တိုးတက်မှုရှိတယ်လို့ ဆိုပါတယ်။ ၂၀၁၂-၁၃ ရာသီမှာ  ကော်ဖီထွက်ရှိမှု ၃၀ ရာခိုင်နှုန်း ကျဆင်းနိုင်ကြောင်းနဲ့ လက်ရှိအချိန်ထိ တစ်ဝက်ခန့်သာ ရိတ်သိမ်းထားပြီးကြောင်း၊ ဗီယက်နမ်ကော်ဖီနဲ့ ကိုကာအသင်းမှ ဆိုပါ တယ်။ နိုင်ငံအတွင်း ကော်ဖီဈေးနှုန်းဟာ  ပြီးခဲ့တဲ့ရက်အနည်းငယ်အတွင်းကစပြီး ဆက်တိုက်ကျဆင်းခဲ့ပါတယ်။ အလယ်ပိုင်းကုန်းမြင့်ဒေသမှာ ဒီဇင်ဘာလ ၇ ရက်က ကော်ဖီ ၁ ကီလို ကို ဒေါင် ၃၈၂၀၀-၃၈၃၀၀ (ကန်ဒေါ်လာ ၁ ဒသမ ၈၃ - ၁ ဒသမ ၈၄)ရှိပြီး၊ အခြားဒေသမှာတော့ တစ်ကီလို ဒေါင် ၃၉၀၀၀ (ကန်ဒေါ်လာ ၁ ဒသမ ၈၇)ရှိပါတယ်။ တစ်ပတ်အကြာမှာ တစ် ကီလိုကို ဒေါင် ၃၀၀-၄၀၀(ကန်ဒေါ်လာ သုည ဒသမ ၀၁ -  သုည ဒသမ ၀၂)ခန့် ကျဆင်းခဲ့ပါတယ်။ နိုဝင်ဘာလ တစ်လအတွင်း ကော်ဖီတင်ပို့တဲ့ ပျမ်းမျှဈေးနှုန်းဟာ အောက်တိုဘာလ ထက် တစ်တန်ကို ၃ ဒသမ ၄၆ ရာခိုင်နှုန်း ကျဆင်းကြောင်း VOV သတင်းအရ သိရပါတယ်။

Ref :Posted on 27 December, 2012

အိန္ဒိယပဲထွက်ရာ ဂျယ်နာ၊ လတ္တာစတဲ့ ဈေးကွက်တွေ ကို ပဲစင်းငုံအသစ်များ စတင်ဝင်ရောက်နေပြီဖြစ်ပြီး ဒီဇင် ဘာလ နောက်ဆုံးပတ်မှာတော့ အပြည့်အ၀ ဝင်ရောက်လာ ဖွယ်ရှိတယ်လို့ သိရပါတယ်။ ဈေးနှုန်းအနေနဲ့ ဝယ်လိုအား နည်းနေပြီး ရောင်းချမှု အလုံအလောက်ရှိတာကြောင့် ပဲစင်း ငုံဈေးက အားပျော့နေပါတယ်။ အိန္ဒိယ အစိုးရ စာရင်းတွေ အရ ၁၁ နှစ်မြောက် စီမံကိန်းကာလအတွင်း နိုင်ငံရဲ့ နှစ်စဉ် ပျမ်းမျှပဲဝယ်လိုအားက တန်ချိန် ၁၈ ဒသမ ၃၁ သန်းခန့်ရှိပြီး၊ ပျမ်းမျှ ထုတ်လုပ်မှုက တန်ချိန် ၁၅ ဒသမ ၈၉ သန်းသာရှိလို့ လိုအပ်ချက် ကွာဟမှုက ၁၃ ဒသမ ၂၁ ရာခိုင်နှုန်းရှိတယ်လို့ သိရပါတယ်။ ဒါကြောင့်လည်း နှစ်စဉ်ပဲတန်ချိန် ၂ ဒသမ ၄ သန်းခန့် တင်သွင်းနေရပါတယ်။ စိုက်ပျိုးရေးဝန်ကြီးဌာနမှ ထုတ်ပြန်ချက်အရ ၂၀၁၂ ဒီဇင်ဘာလ ၇ ရက်အထိ ဆောင်းပဲစိုက်ပျိုးမှုဟာ ပြီးခဲ့တဲ့ နှစ်ကဟက်တာ ၁၁၇ ဒသမ ၁၁ သိန်းရှိပြီး ယခုနှစ်မှာ ဟက် တာ ၁၁၆ဒသမ ၁၁ သာစိုက် ပျိုးပြီးထားလို့ဟက်တာ ၁ သိန်း ခန့်လျော့နည်းနေသေးတယ်လို့ သိရပါတယ်။ ဒါပေမဲ့ အင် ဒရာပရာဒေ့ရှ်မှာပဲစိုက်ဧရိယာကပြီးခဲ့တဲ့နှစ်ထက်သုည ဒသမ ၁ ရာခိုင်နှုန်း၊ ရာဂျက်စသန်မှာ စုစုပေါင်း ဆောင်းသီးနှံစိုက် ဧရိယာက ပြီးခဲ့တဲ့ နှစ်ထက် ၃ ဒသမ ၆၁ ရာခိုင်နှုန်းနီးပါး ပိုမိုနေပြီလို့ သိရပါတယ်။ အင်ဒရာပရာဒေ့ရှ်အစိုးရဟာ မကြာ သေးခင်က ဆိုင်ကလုန်းနဲ့ ရေလွှမ်းမိုးမှုတွေကြောင့် ထိခိုက်တဲ့ သီးနှံတွေအတွက် သွင်းအားစု ထောက်ပံ့မှုတွေ တိုးမြင့်ခဲ့တယ် လို့ သိရပါတယ်။ ပြည်နယ်အတွင်း မြေပဲ၊ ဝါဂွမ်း၊ ပဲမျိုးစုံ၊ နေကြာနဲ့ ပဲပုပ်တို့အတွက် သွင်းအားစုထောက်ပံ့မှုကို ယခင် ကရူပီး ၃၇၅၀ (ကန်ဒေါ်လာ ၆၉) ရှိရာမှ ရူပီး ၆၂၅၀ (ကန် ဒေါ်လာ ၁၁၅) ကို တိုးမြှင့်ခဲ့ကြောင်း သိရပါတယ်။ အိန္ဒိယဗဟိုအစိုးရက ပထမအကြိမ်အနေနဲ့ နိုင်ငံပိုင် ဘဏ္ဍာရေးသမဂ္ဂဖြစ်တဲ့ Small Farmer's Agribusiness Consortium (SFA)  အား အနိမ့်ဆုံးထောက်ပံ့ဈေး (MSP) နဲ့ တောင်သူများရဲ့ အုပ်စုထံက ပဲမျိုးစုံတိုက်ရိုက်ဝယ်ယူဖို့ ခွင့်ပြုခဲ့ပါတယ်။ SFAC  ရှိတဲ့ ပြည်နယ် ၇ ခုက တောင်သူ ၁ ဒသမ ၅ သိန်းကို အကျိုးရှိစေမှာဖြစ်ပါတယ်။ ယင်း သမဂ္ဂ ဟာ တောင်သူများအတွက် ရူပီး ၂၅၀ ကုဋေ (ကန်ဒေါ်လာ ၄၆ သန်း) ကျော်နဲ့ ပဲစင်းငုံ၊ ကုလားပဲနဲ့ မတ်ပဲ အများစုပါဝင် တဲ့ ပဲမျိုးစုံတန်ချိန် ၁ သိန်းဝယ်ယူဖို့ ရည်ရွယ်ထားကြောင်း သိရပါတယ်။ အစိုးရက ကုလားပဲ MSP  တစ်တန် ရူပီး ၃၀၀၀၀ (ကန်ဒေါ်လာ ၅၅၁)၊ မတ်ပဲ တစ်တန် ရူပီး ၄၃၀၀၀ (ကန်ဒေါ်လာ ၇၉၀)နဲ့ ပဲစင်းငုံတစ်တန် ရူပီး ၃၈၅၀၀ (ကန် ဒေါ်လာ ၇၀၇) နဲ့ သတ်မှတ်ထားရာ တောင်သူတွေဆီ က ဝယ်ယူပြီးရင် ပြည်နယ် အစိုးရများ၊ စစ်တပ်အဖွဲ့အစည်း များ၊ အကြီးစားပြုပြင်ကြိတ်ခွဲသူများကို လက်ကားဈေးကွက်မှာ ဈေးကွက် ရှာဖွေသွားမယ်လို့ သိရပါတယ်။ နိုင်ငံ တကာဈေးကွက်အနေနဲ့ သြစတြေးလျနဲ့ ကနေဒါ ပဲအထွက်ပိုမိုတဲ့အပြင် အမေရိကန် ပဲထုတ်လုပ်မှု လည်း တိုး တက်တယ်လို့ သိရပါတယ်။ အမေရိကန် ပဲလုံးထုတ်လုပ်မှုက ပြီးခဲ့တဲ့နှစ် ထွက်ရှိမှု တန်ချိန် ၂ ဒသမ ၅၅ သိန်းထက် ၁၀၃ ရာခိုင်နှုန်းပိုမိုပြီး တန်ချိန် ၅ ဒသမ ၁၉ သိန်းရှိမယ်လို့ ခန့်မှန်းထားပြီး ပဲရာဇာထုတ်လုပ်မှုကလည်း ယခင်နှစ်ထုတ် လုပ်မှု တန်ချိန် ၂ ဒသမ ၁၄ သိန်းထက် ၁၁ ရာခိုင်နှုန်းပိုမိုပြီး တန်ချိန် ၂ ဒသမ ၃၈ သိန်း ထွက်ရှိမယ်လို့ ခန့်မှန်းထားပါ တယ်။ ဒါပေမဲ့ အာဂျင်တီးနား ဆောင်းပဲလုံး စုစုပေါင်း ထုတ်လုပ်မှုမှာ လျော့ကျနိုင်တယ်လို့ ခန့်မှန်းကြပါတယ်။

Ref :

Posted on 21 December, 2012

ဒီဇင်ဘာလ ၁၁ရက်နေ့မှာ ကမ္ဘာ့ရော်ဘာဈေးနှုန်းတွေ ဟာ ယခင်သီတင်းပတ်ဈေးနှုန်းထက် အနည်းငယ် ဈေးမြင့် လာတယ်။ ကမ္ဘာ့ရော်ဘာ သုံးစွဲမှုအများဆုံး တရုတ်နိုင်ငံ မှာ နိုဝင်ဘာလအတွင်း လက်လီအရောင်းနှုန်း နဲ့ စက်ရုံ၊ အလုပ်ရုံ တွေရဲ့ ကုန်ထုတ်လုပ်မှုတိုးတက်ခဲ့တယ်ဆိုတဲ့ သတင်းကြောင့် ရော်ဘာဝယ်လိုအား ကောင်းမွန် လာမယ် ခန့်မှန်းကြတဲ့ အတွက် ဈေးမြင့်လာခြင်းဖြစ်တယ်။ ဒီဇင်ဘာလ ၄ ရက်နေ့က ထိုင်း ရော်ဘာ ဈေးကွက်မှာ မှိုင်းခံရော်ဘာအဆင့်-၅(RSS-5)က တစ်တန်ကို ၃၀၀၃ ဒေါ်လာသာ ရှိသော်လည်း ဒီဇင်ဘာလ ၁၁ ရက်နေ့မှာ တစ်တန်ကို ၃၀၁၁ ဒသမ ၅၀ ဒေါ်လာအထိ ရောက်ရှိလာတယ်။ မလေးရှားရော်ဘာ (တာယာထုတ်လုပ် သော) SMR-20   ကလည်း ၎င်းင်းကာလအတွင်း တစ် တန်ကို ၁၈ ဒေါ်လာဈေးမြင့်လာပြီး တစ်တန်ကို ၂၈၄၆ ဒသမ ၅၀ ဒေါ်လာအထိ ရောက်ရှိခဲ့တယ်။ထိုင်းနိုင်ငံအစိုးရရဲ့ရော်ဘာဈေးကွက်အတွင်း ဝင် ရောက် ကာဈေးကွက်ပေါက်ဈေးထက် အမြင့်ဈေးပေးပြီး ရော်ဘာဝယ်ယူသိုလှောင်မှုအစီအစဉ် ဆက်လက် ဆောင်ရွက်နေခြင်း၊ ထိုင်း၊ မလေးရှားနဲ့ အင်ဒိုနီးရှားသုံးနိုင်ငံ ပေါင်းပြီး ရော်ဘာ တင်ပို့မှုလျော့ကျခြင်းတို့က လည်း ရော်ဘာဈေးနှုန်းကိုအထောက် အပံ့ပေးလျက်ရှိ တယ်။တာယာ ထုတ်လုပ်ဖို့မ လေးရှား ရော်ဘာ SMR-20   ကို ဝယ်လိုအား သိသိသာသာမြင့်မားလာခြင်း မရှိသော်လည်း လက်အိတ်နဲ့ ကျန်းမာရေးလုပ်ငန်းသုံး ပစ္စည်းများ ထုတ်လုပ်ဖို့အတွက်ရော်ဘာကိုဝယ်ယူလျက်ရှိနေခြင်းကလည်း ကမ္ဘာ့ရော်ဘာဈေးနှုန်းကျဆင်းမှုကို ထိန်းထားကြောင်း သိရ တယ်။

Ref : brecorder.com,rubberboard.org.in

Posted on 20 December, 2012

              အင်ဒိုနီးရှား ဆန်ဝယ်ယူရေးအေဂျင်စီ ဘူးလော့ဂ်မှာ ၂၀၁၂ အတွင်း သိုလှောင်ဆန်အမြင့်ဆုံးရှိနေတယ်လို့  ဘူးလော့ဂ်တာဝန်ရှိသူကဆိုပါတယ်။ ယခုနှစ်နိုင်ငံတော် ဆန်သို  လှောင်လက်ကျန် တန်ချိန် ၂ ဒသမ ၃ သန်း ထိရှိခဲ့ပြီး၊ ဘူးလော့ဂ်မှ ဝယ်ယူတဲ့ဆန်က တန်ချိန် ၃ ဒသမ ၇ သန်းထိ ရှိခဲ့ပါတယ်။ နိုင်ငံအတွင်း ဆန်သိုလှောင် လက်ကျန်နဲ့ ပြည်တွင်း ဝယ်ယူမှုက ဒီဇင်ဘာလကုန်မှာ အကောင်းဆုံးအနေအထားရှိနေလို့ ဘူးလော့ဂ် သမိုင်း တစ်လျှောက် အကောင်းဆုံး အခြေ အနေဖြစ်တယ်လို့လည်း ၎င်းကဆိုပါတယ်။ဘူးလော့ဂ်အနေနဲ့ ဆန်ဈေးကို တန်းတစ်ခုမှာ တည်ရှိဖို့ ကြိုးစားနေပြီး၊ ဈေးနှုန်းဖောင်းပွမှုကို ထိန်းချုပ်ကာ တောင်သူတွေ ဝင်ငွေကောင်းရရှိဖို့ လည်း အထောက်အပံ့ပြုသွားမယ်လို့ ဆိုပါတယ်။ ၂၀၁၂ မှာ အင်ဒိုနီးရှားရဲ့ ဆန်တင်သွင်းမှုဟာ ၂၀၁၁ တင် သွင်းခဲ့တဲ့ တန်ချိန် ၁ ဒသမ ၈ သန်းဝန်းကျင် အောက် ၁၅၇ ရာခိုင်နှုန်းကျော်ကျဆင်းပြီး၊ တန်ချိန် ၇ သိန်း သာ တင်သွင်းရမယ်လို့ကန့်သတ်ခဲ့ပါတယ်။ ယခုနှစ် ဆန်ထုတ် လုပ်မှုမှာ ၄ ဒသမ ၈၇ ရာခိုင်နှုန်းခန့် တိုးလာတာ ကြောင့် တင်သွင်းမှုလျှော့ချနိုင်ခဲ့ခြင်းဖြစ်တယ်လို့ ဆိုပါတယ်။စိုက်ပျိုးရေးဝန်ကြီးဌာနက ၂၀၁၃ မှာ စပါးတန်ချိန် ၇၂ သန်း ထိ ၇ ရာခိုင်နှုန်း ထုတ်လုပ်မှု တိုးမြင့်ဖို့ စီစဉ်ထားလို့ လာမယ့်နှစ်မှာ အေဂျင်စီအနေနဲ့ ဆန်တင်သွင်းမှာ မဟုတ်ဘူး လို့လည်းထုတ်ဖော်ပြောကြားပါတယ်။ ဆန်တင်သွင်းဖို့ လိုအပ်တော့မှာ မဟုတ်ပါဘူး။ ဒါပေမယ့် အဲဒါကလည်း ထုတ်လုပ်မှု ရဲ့ ရရှိနိုင်မှုအပေါ်မှာ မူတည်နေတယ်လို့ ပြောကြားကြောင်း oryzaသတင်း အရ သိရပါတယ်။

Ref :Posted on 18 December, 2012