Department of Trade

ဗီယက်နမ် နိုင်ငံဟာ ဒီဇင်ဘာ လမှာ ဆန်တန် ၆ဝဝဝဝဝ ကျော် အပို့ ရှိခဲ့ပြီး ၂ဝ၁၂ ခုနှစ် တစ်နှစ်လုံး ဆန် တင်ပို့မှုဟာ တန်ချိန် အားဖြင့် ၈ ဒသမ ၁ သန်း၊ တန်ဖိုး အားဖြင့် ကန်ဒေါ်လာ ၃ ဒသမ ၇ ဘီလီယံဖိုး ရှိခဲ့ ပါတယ်။

ဗီယက်နမ် စိုက်ပျိုးရေးနဲ့ နယ်စပ် ဒေသဖွံ့ဖြိုးရေး ဝန်ကြီး ဌာန ကိန်းဂဏန်းများ အရ ယမန် နှစ်ကထက် တန်ချိန် အားဖြင့် ၁၄ ရာခိုင်နှုန်း ခန့်နဲ့ တန်ဖိုး အားဖြင့် ၂ ရာခိုင်နှုန်းကျော် ပိုမိုခဲ့ တယ်လို့ ပြောကြား ပါတယ်။

၁၁ လတာ ပျမ်းမျှ ဆန်ဈေးဟာ ယမန်နှစ် ဈေးထက် ၁ဝ ရာခိုင်နှုန်းကျော် လျော့ကျပြီး ၁ တန်ကို ၄၅၇ ဒေါ်လာဈေး သာပေါက်တယ်လို့ သိရပါတယ်။ ဈေးကွက် အတွင်း ဆန်ဈေး အတက်အကျ ကြမ်းလျက်ရှိ နေပါတယ်။

တရုတ်နိုင်ငံဟာ ဗီယက်နမ် နိုင်ငံမှ ဆန်အများဆုံး တင်သွင်းခဲ့ပြီး ပမာဏရော တန်ဖိုးပါ သိသိသာသာ တိုးမြင့်လျက် ရှိပါတယ်။ ပမာဏအားဖြင့် ၆ ဆခွဲနဲ့ တန်ဖိုး အားဖြင့် ၅ ဆခွဲ တိုးမြင့်လာခဲ့ ပါတယ်။ တစ်ချိန်တည်းမှာပဲ ဗီယက်နမ် နိုင်ငံမှ ဆန်ကို အင်ဒိုနီရှား၊ စင်္ကာပူ၊ ဆီနီဂေါနဲ့ ဖိလစ်ပိုင် နိုင်ငံသို့ တင်ပို့ ရတဲ့ပမာဏရော တန်ဖိုးပါ လျော့ကျလျက် ရှိပါတယ်။

Source: VOV     CMK

သောကြာနေ့ ။ ၁၁  ဇန်နဝါရီလ ၂၀၁၃ 11:07AM

နှစ်နိုင်ငံ နယ်စပ် မြို့ဖြစ်တဲ့ တမူးနဲ့ ရိဒ် နယ်စပ် မှတစ်ဆင့် တစ်ဖက် အိန္ဒိယသို့ ကန်ဒေါ်လာ သုည ဒသမ ၃၅၄ သန်း တန်ဖိုးရှိ ကွမ်းသီးခြောက် ၃၃၇ တန်ကို ယခု ၂ဝ၁၃ နှစ် ဆန်းပိုင်းမှာ တင်ပို့ နိုင်တာ တွေ့ရ ပါတယ်။ ယခင် ဒီဇင်ဘာလ နောက်ဆုံး ပတ်မှာတော့ ၂၁၆ တန်သာ တင်ပို့ နိုင်ခဲ့တာမို့ ယခု အပတ်မှာ ၁၂၁ တန် ပိုမို တင်ပို့ နိုင်ခဲ့တာ တွေ့ရပါတယ်။ ယခု အပတ်မှာ တမူး နယ်စပ်ရော ရိဒ် နယ်စပ်မှ ကွမ်းသီး ခြောက်များ ပိုမို တင်ပို့ နိုင်တာကြောင့် ကုန်သွယ်မှု ပိုမို ရခြင်းဖြစ် ပါတယ်။ ယခု နှစ်ဆန်း ပိုင်းမှာ တမူး နယ်စပ်မှ ၂၁၈ တန်နဲ့ ရိဒ် နယ်စပ်မှ ၁၁၉ တန် တင်ပို့ နိုင်တာတွေ့ ရပါတယ်။ ကွမ်းသီး ခြောက်များဟာ မြိတ်၊ ကော့သောင်း ဘက်မှ လာတဲ့ ကွမ်းသီးများ ဖြစ်ပြီး ကွမ်းသီး အသစ် ပေါ်ချိန် ဖြစ်တာမို့ အိန္ဒိယ ဘက်မှ ကုန်သည်များဟာ ဈေးကွက် စောင့်ကြည့် နေတယ်လို့ သိရ ပါတယ်။ ကွမ်းသီး အဟောင်း ၁ ပိဿာကို မိမိ ဘက်မှာ ၂၅ဝဝ ကျပ် မှ ၂၆ဝဝ ကျပ်ထိ ဈေးရှိပြီး ကွမ်းသီး အသစ် ၁ ပိဿာ ကို ၂၃ဝဝ ကျပ်မှ ၂၄ဝဝ ကျပ် ဈေးပေါက် လျက်ရှိတာ တွေ့ရ ပါတယ်။ တစ်ဖက် အိန္ဒိယ ဘက်မှာတော့ ၁ ကီလို ဂရမ်ကို ၁၁ဝ ရူပီး ဈေးပေါက် တယ်လို့ တမူး နယ်စပ်ရှိ ကုန်သည် တစ်ဦးထံမှ သိရှိ ရပါတယ်။

ခင်မိုးသူ MIRT (DOBT)

ကြာသပတေးနေ့ ။ ၁၀  ဇန်နဝါရီလ ၂၀၁၃ 14:50 PM

အစိုးရသစ် တက်လာပြီး နောက်ပိုင်း ကုန်သွယ်မှု တိုးတက် စေရန်နဲ့ ကုန်သွယ်မှု လုပ်ငန်းများ လျင်မြန် ချောမွေ့ရန် အတွက် မူဆယ်- မန္တလေး လမ်းကြောင်းနဲ့ မြဝတီ -ရန်ကုန် ကုန်သွယ်မှု လမ်းကြောင်းများ ပေါ်မှာ ရှိတဲ့ တရားမဝင် ကန့်သတ် ကုန်စစ်ဆေးရေး ဂိတ်များ ဖြစ်တဲ့ ရေပူနဲ့ မရမ်းချောင်း နှစ်ဂိတ်ကို ဖယ်ရှား ဖြေလျော့ ပေးခဲ့ ပါတယ်။ ကုန်သွယ်မှု လမ်းကြောင်း ပေါ်မှာ အတား အဆီး သဖွယ် ဖြစ်နေတဲ့ အတွက် ဖြေလျော့ ပေးခြင်းဖြင့် ကုန်သွယ်မှု ချောမွေ့ လျင်မြန်စေရန် ရည်ရွယ်ပြီး ဖယ်ရှား ပေးခဲ့ခြင်း ဖြစ်ပါတယ်။ ၂ဝ၁၂ ခုနှစ် ဇန်နဝါရီလ ၁၆ ရက်နေ့ နောက်ပိုင်းမှာ ဖမ်းဆီးမှုများ မပြုလုပ်တော့တဲ့ အတွက် ဈေးကွက် အတွင်း တရားမျှတသော ယှဉ်ပြိုင်နိုင်မှု မရှိတော့ခြင်း၊ စားသုံးသူများ အတွက် အရည်အသွေးမှန် စံချိန် စံညွှန်းမီ စားသောက် ကုန်များ၊ ဆေးဝါးများ၊ ဆီများ တရားမဝင် တင်သွင်း နေကြတဲ့ အတွက် စားသုံးသူ အကာ အကွယ် ပေးရေးနဲ့ တရားမဝင် ကုန်သွယ်မှုများ လျော့နည်း ပပျောက်ရေး Mobile Team များ ဖွဲ့စည်းပြီး နိုဝင်ဘာလ ၁ ရက်နဲ့ နိုဝင်ဘာလ ၂ဝ ရက်တို့မှ စပြီး ပညာပေး ကာလ အဖြစ် သတ်မှတ်ကာ စစ်ဆေး ပညာပေး ဆောင်ရွက်လျက် ရှိပါတယ်။

မူဆယ်- မန္တလေး ကုန်သွယ်မှု လမ်းကြောင်းတွင် တာဝန် ပေးထားသော Mobile Team အဖွဲ့(၁) အနေနဲ့ ပို့ကုန် သွင်းကုန် လိုင်စင် စောင်ရေ ၇၄ စောင်၊ တန်ဖိုး အားဖြင့် ကန်ဒေါ်လာ သုည ဒသမ ၂၈၇ သန်း၊ ယွမ် သုည ဒသမ ၅၇၉ သန်းနဲ့ ကျပ် ၂၆ သန်း ကျော်ဖိုး ဆောင်ရွက်နိုင်ခဲ့ ပါတယ်။

နိုင်ငံ ဘဏ္ဍာ အနေနဲ့ သိမ်းဆည်း ရမှုများကတော့

ပစ္စည်းအမျိုးအမည်                                                                 ကျပ်သန်း

ကျောက်စိမ်း                                                                                   ၈၇.၈ဝဝ

ယာဉ်                                                                                             ၇.ဝဝဝ

ကြက်သွန်ဖြူ                                                                                 ၁၁.ဝဝဝ

သစ်ခွ                                                                                            ဝ.၄၅၇

ဂျီသားရေ                                                                                      ဝ.၁၄၆

အမဲသားခြောက်၊ အေးခဲအမဲသား၊ အမဲဝမ်းတွင်းသား                          ၅.၄၁၃

ကြာညို့၊ ပဲတီချဉ်                                                                           ဝ.၂၇ဝ      ဖြစ်ပါတယ်။

စားသုံးသူ အကာ အကွယ် ပေးရေး အတွက် စားသုံးရန် မသင့်သော ပျက်စီး လွယ်သော အသားစိုများ၊ ကြက်သား၊ ဘဲသား၊ ကြက် အဆီဖူး၊ အသားတု၊ ကြက် အူချောင်းများ တန်ဖိုးကျပ် ၄ ဒသမ ၇၃၄ သန်းအား မီးရှို့ ဖျက်ဆီးခဲ့ပြီး ဖြစ်တယ်လို့ သိရှိရပါတယ်။

စားသုံးသူ အကာ အကွယ် ပေးရေး အတွက် စားသုံးရန် မသင့်သော ပျက်စီး လွယ်သော အသားစိုများ၊ ကြက်သား၊ ဘဲသား၊ ကြက် အဆီဖူး၊ အသားတု၊ ကြက် အူချောင်းများ တန်ဖိုးကျပ် ၄ ဒသမ ၇၃၄ သန်းအား မီးရှို့ ဖျက်ဆီးခဲ့ပြီး ဖြစ်တယ်လို့ သိရှိရပါတယ်။

မြဝတီ- ရန်ကုန် ကုန်သွယ်မှု လမ်းကြောင်းတွင် ဖမ်းဆီး တားဆီးရသော ကန့်သတ် ကုန်ပစ္စည်း အများစုမှာ အရက်၊ ဘီယာ၊ ဝိုင်၊ ချောကလက်၊ ဝေဖာ၊ ကွမ်းစား ဆေးတို့ ဖြစ်ပြီး လိုင်စင် ID အလွဲ၊ လိုင်စင် အပိုပါ ပစ္စည်း အများစု ကတော့ ဒူးရင်းသီး၊ နဂါးမောက်သီး၊ အဝတ် အထည်၊ မုန့်မျိုးစုံ၊ အလှကုန်များ ဖြစ်ကြ ပါတယ်။ လိုင်စင်မဲ့ သယ်ဆောင်တဲ့ ပစ္စည်းတွေ ကတော့ စားသောက်ကုန်၊ အထည်အလိပ်၊ မျက်နှာသုတ် ပုဝါ၊ ဆပ်ပြာမှုန့်၊ လူသုံးကုန် (သံဖြတ်လွှ၊ ဓားသွေး ကျောက်၊ ပန်းကန်စင်ခြင်း၊ မီးကြိုး၊ မြက်ဖျာ၊ ၂ ၊ မီးချောင်း၊ PVC ပေါင်ဒါ၊ အကြော် ဒယ်အိုး၊ ဖိနပ်) ကြက်စာသွတ်များ ဖြစ်ကြ ပါတယ်။

မြဝတီ- ရန်ကုန် ကုန်သွယ်မှု လမ်းကြောင်းတွင် တစ်ဖက် နိုင်ငံမှ တရားမဝင် ဝင်ရောက် လာသော ရေငန် ပုစွန်ဖြူနဲ့ ကြက် အသည်း အမြစ် စုစုပေါင်း ကျပ်သန်း ၂ဝ ကျော်ဖိုးကို မီးရှို့ဖျက်ဆီး ခဲ့ပြီးဖြစ် တယ်လို့ သတင်း ရရှိ ပါတယ်။

CMK

ဗုဒ္ဓဟူးနေ့  ။ ၀၉  ဇန်နဝါရီလ ၂၀၁၃ 17:40 PM

စားသုံးသူ အကာ အကွယ် ပေးရေးနဲ့ ကုန်သွယ်မှု မြှင့်တင်ရေး အတွက် တရားမဝင် ကုန်သွယ်မှုများကို တားဆီး ထိန်းချုပ်ရန် မြဝတီ- ရန်ကုန် လမ်းကြောင်းမှာ လှုပ်ရှား ရှာဖွေ တားဆီးရေး အဖွဲ့ (၂)ဖြင့် ၂ဝ၁၂ ခုနှစ် နိုဝင်ဘာလ၂ဝ ရက်နေ့မှ စတင်ကာ ပညာပေး ကာလ အဖြစ် စစ်ဆေး ဆောင်ရွက်လျက် ရှိပါတယ်။ ပညာပေး ကာလမှာ ၂ဝ၁၃ ခုနှစ် ဇန်နဝါရီလ ၂ဝ ရက်နေ့မှာ ကုန်ဆုံးမယ်လို့ သိရပါတယ်။

လှုပ်ရှား ရှာဖွေ တားဆီးရေး အဖွဲ့ (၂)နဲ့ မြဝတီ- ရန်ကုန် လမ်းကြောင်းတွင် စစ်ဆေး ဆောင်ရွက်ခြင်း၊ စခန်း အလိုက် ထုတ်နုတ် အင်အားနဲ့ စစ်ဆေး ဆောင်ရွက်ခြင်းများကို တာချီလိတ်၊ မြိတ်၊ ကော့သောင်း၊ တမူးနဲ့ ရိဒ် နယ်စပ် ကုန်သွယ်ရေး စခန်းများမှာ တရားမဝင် ကုန်သွယ်မှုများကို အကောက်ခွန် ဦးစီး ဌာန ဥပဒေ၊ လုပ်ထုံး လုပ်နည်းများနဲ့ အညီ အရေးယူ ဆောင်ရွက်မှုများကို ၂ဝ၁၃ ခုနှစ် ဇန်နဝါရီလ ၂၁ ရက်နေ့မှ စတင်မယ်လို့ သတင်း ရရှိပါတယ်။

Source: နကသ (ဦး)MTN 

အင်္ဂါနေ့  ။ ၀၈  ဇန်နဝါရီလ ၂၀၁၃ ၁၆:၄၀

      လှုပ်ရှား ရှာဖွေ တားဆီးရေး အဖွဲ့ (Mobile Team)များ ဖြင့် မူဆယ်- မန္တလေး လမ်းကြောင်း တွင် ၁-၁၁-၂၀၁၂ ရက်မှ လည်းကောင်း၊ မြဝတီ- ရန်ကုန် လမ်းကြောင်းတွင် ၂၀-၁၂-၂၀၁၂ ရက်မှ လည်းကောင်း စတင် ဆောင်ရွက်ခဲ့ကြောင်း၊ ဆောင်ရွက်ရာတွင် တရားဝင် တင်သွင်း ခွင့်ပြုနိုင်သည့် ပစ္စည်းများ ကို ဖမ်းဆီး/ သိမ်းဆည်းခြင်း မပြုပဲ လိုင်စင်ဂျူတီ ပြန်လည် ပြုလုပ်စေပြီး ဖြတ်သန်း ခွင့်ပြုသော စနစ်ကို ကျင့်သုံး ခဲ့ပြီး နှစ်လ ပညာပေး ကာလ ကျော်လွန် ပြီးနောက် အရေးယူမှု ထိထိ ရောက်ရောက် ဆောင်ရွက် သွားတော့မည် ဖြစ်ကြောင်းဖြင့် တရားမဝင် ကုန်သွယ်မှု တားဆီး ထိန်းချုပ်ရေး ဗဟိုကော်မတီ ဥက္ကဌ စီးပွားရေး နှင့်ကူးသန်း ရောင်းဝယ်ရေး ဝန်ကြီး ဌာန ပြည်ထောင်စု ဝန်ကြီး ဦးဝင်းမြင့် က ယနေ့ နံနက် ၁၀ နာရီ တွင် ပဲခူးတိုင်း ဒေသကြီး ဝေါမြို့နယ် အဗျားဗိုလ်တဲ ကျေးရွာ ပရဟိတ စာသင်ကျောင်း တွင် စားသုံးသူ အကာ အကွယ်ပေးရေးနှင့် ကုန်သွယ်မှု များ တားဆီး ထိန်းချုပ် လှုပ်ရှား ရှာဖွေအဖွဲ့ (Mobile Team) များအား တွေ့ဆုံ ရာတွင် ပြောကြားသည်။        

       ဆက်လက်ပြီး ပြည်ထောင်စု ဝန်ကြီးက ထိုသို့ ဆောင်ရွက်ရာတွင် နိုင်ငံတော်က ချမှတ် ထားသော မူဝါဒများ နှင့်အညီ မှန်ကန်စွာ လိုက်နာ ဆောင်ရွက်ကြရန် ဖြစ်ပြီး ပြည်သူ များနှင့် ဆက်ဆံ ရာတွင် မှန်မှန်ကန်ကန် ဆောင်ရွက်နေသူများ အတွက် အဆင်မပြေ နစ်နာမှုများ မရှိအောင် စိတ်ဆင်းရဲမှု မဖြစ်အောင် ဆောင်ရွက် သွားကြရန် နှင့် အခက်အခဲများကို စုပေါင်း ဖြေရှင်း သွားရမည် ဖြစ်ကြောင်း၊ နိုင်ငံတော် သမ္မတ က ကောင်းမွန် သော အုပ်ချုပ်မှု စနစ် တိုးတက်အောင် ဆောင်ရွက် ရမည့် အချက်များ အနက် လာဘ်ပေး လာဘ်ယူမှု များ ထိထိ ရောက်ရောက် တားဆီး သွားရန်၊ နိုင်ငံ့ဝန်ထမ်း သားကောင်းများ အနေဖြင့် အမျိုးသား ရေး စိတ်ဓာတ်ဖြင့် တိုင်းပြည်နှင့် လူမျိုး ဂုဏ်သိက္ခာ ပြန်လည် မြှင့်တင်ရန် လမ်းညွှန် မှာကြားခဲ့သည် ကို လုပ်ငန်းအဖွဲ့များ က အလေးထား လိုက်နာ ကြရန် ဖြစ်ကြောင်း၊ ပြည်သူ ဗဟိုပြု ပုံစံဖြင့် ပြည်သူများ မည်ကဲ့သို့ ဖြစ်စေ ချင်သည်ကို အမြဲလေ့လာ နားထောင်ပြီး ပြင်ဆင် ဆောင်ရွက် နိုင်ရန် အကြံပြု ရန်လိုကြောင်း၊

         ယခုအဖွဲ့ တွင် စတုတ္ထ မဏ္ဍိုင်ဖြစ်သော သတင်း မီဒီယာများ ကိုပါ ထည့်သွင်း ဖွဲ့စည်းထား ခြင်းကြောင့် ဌာနဆိုင်ရာ များ၏ လုပ်ငန်း အားနည်းချက်များ၊ ပြင်ဆင်ရန် ရှိသည်များ ကို ဝိုင်းဝန်းအကြံပြု ဆွေးနွေးပေးရန် ဖြစ်သကဲ့သို့ ယခုလုပ်ငန်းစဉ်၏ ရည်ရွယ်ချက်နှင့် မှန်မှန်ကန်ကန် ဆောင်ရွက်နေမှုများကို အများပြည်သူ ကျယ်ကျယ်ပြန့်ပြန့် သိရှိစေရန် သတင်းမီဒီယာများက ပြည်သူသို့ အသိပေး တင်ပြ သွားစေ လိုကြောင်း၊ အစိုးရသစ် အနေဖြင့် ဖြေလျှော့မှုများ အဆင့်ဆင့် ဆောင်ရွက် ပေးခဲ့ ကြောင်း၊ သို့ရာတွင် တရားမဝင် ကုန်သွယ်မှုများ များပြား လာခြင်းကြောင့် အခွန် ပေးဆောင်ပြီး တရားဝင် ကုန်သွယ် နေသူများအား အကာအကွယ် ပေးရန် လိုအပ်လာ သကဲ့သို့ အန္တရာယ် ဖြစ်စေသည့် စားသောက်ကုန်များနှင့် ကုန်ပစ္စည်း ပါဝင်နေသဖြင့် စားသုံးသူ အကာအကွယ် ပေးရန်လည်း လိုအပ်နေကြောင်း၊ နိုင်ငံတော် အတွက် ရသင့်ရထိုက် သည့် အခွန်အခများ ဆုံးရှုံးနေခြင်း များကြောင့် ယခုကဲ့သို့ စီစဉ်ရခြင်း ဖြစ်ကြောင်း ကိုလည်း ရှင်းလင်းပြောကြားသည်။

   ဆက်လက်ပြီး တိုင်းဒေသကြီး ဝန်ကြီးများဖြစ်ကြသည့် ဗိုလ်မှူးကြီး သက်ထွန်းနှင့် ဦးကျော်မြင့်နှင့် ဌာနဆိုင်ရာ တာဝန်ရှိသူများက လက်ရှိ ညှိနှိုင်း ဆောင်ရွက်ပေးရန် ရှိသည်များ နှင့်လုပ်ငန်း ကိစ္စရပ်များ ကို ရှင်းလင်း တင်ပြကြပြီး သတင်းမီဒီယာများ၏ အကြံပြု ဆွေးနွေး မေးမြန်းချက်များ ကို ပြန်လည် ရှင်းလင်း ဖြေကြားကြသည်။

       ထို့နောက် ပြည်ထောင်စု ဝန်ကြီး သည် စစ်ဆေးရေး လုပ်ငန်း လက်တွေ့ ဆောင်ရွက် နေ သော ဝေါမြို့နယ်၊ ညောင်ခါးရှည် လမ်းဆုံသို့ ကွင်းဆင်း ကြည့်ရှု အားပေးခဲ့ ကြောင်း သတင်း ရရှိပါသည်။