Minister's Office

ယခုနှစ် ရာသီဥတုဟာ ပုံမှန်မရှိတာကြောင့်  ကမ္ဘောဒီးယားနိုင်ငံရဲ့ ၂၀၁၂-၁၃ စပါးထွက်ရှိမှုဟာပြီးခဲ့တဲ့နှစ် ထွက်ရှိမှု တန်ချိန် ၈ ဒသမ ၇၈ သန်းမှ ၁ ရာခိုင်နှုန်းခန့်လျော့ ကျပြီး၊ တန်ချိန် ၈ ဒသမ ၇ သန်း(ဆန်တန်ချိန် ၅ ဒသမ ၆ သန်း)ခန့်သာ ထွက်မယ်လို့ FAO   က ခန့်မှန်းထားပါတယ်။ လက်ရှိ ၂၀၁၂ အဓိကမိုးစပါးထွက်ရှိမှုဟာ ပြီးခဲ့တဲ့နှစ်ထက် ၁ ဒသမ ၅ ရာခိုင်နှုန်း ကျဆင်းပြီး၊ စပါးတန်ချိန် ၆ ဒသမ ၆ သန်းထွက်မယ်လို့ ဆိုပါတယ်။ စက်တင်ဘာလလယ်မှာ မိုးသည်းထန်ခြင်းကြောင့် စပါးစိုက်မြေ ဟက်တာ ၄၅၅၈၇ ခန့်ပျက်စီးခဲ့တာကြောင့် လို့ ဆိုပါတယ်။ ဒါ့အပြင် ဒီနှစ်စပိုင်းမှာ လယ်မြေဟက်တာ ၁၄၀၆၄၇ ခန့် မိုးခေါင်ခြောက်သွေ့မှုကို ကြာရှည်ခံခဲ့ရတယ်လို့ ဆိုပါတယ်။ ဒါပေမယ့် တရုတ်နိုင်ငံရဲ့ ၂၀၁၂ စပါးထုတ်လုပ်မှု ကတော့ တန်ချိန် ၂၀၅ သန်း(ဆန်တန်ချိန် ၁၄၃ ဒသမ ၅ သန်း)ခန့်ကို ၂၀၁၁ ထွက်ရှိတဲ့ စပါးတန်ချိန် ၂၀၁ သန်း(ဆန်တန်ချိန် ၁၄၀ သန်း)ခန့်ထက် ၂ ရာခိုင်နှုန်းခန့် မြင့်တက်မယ်လို့ FAO က ခန့်မှန်းထားပါတယ်။ အဲဒီပမာဏဟာUSDA က ခန့်မှန်းတဲ့ စပါးတန်ချိန် ၂၀၄ ဒသမ ၃ သန်းခန့်ထက်အနည်း ငယ် ပိုမိုနေပါတယ်။ တရုတ်နိုင်ငံရဲ့ အချို့ဒေသတွေမှာ ပိုးကျရောက်မှုတွေ ရှိနေပေမဲ့ ၂၀၁၂ အတွင်း ဆန်နဲ့ စုစုပေါင်း နှံစား သီးနှံထုတ်လုပ်မှု တိုးတက်ဖွယ်ရှိတယ်လို့ ဆိုပါတယ်။ ဈေးနှုန်းမြင့်တက်တာကြောင့် စပါးစိုက်ပျိုးမြေတိုးတက်ခြင်းဟာ ယခုနှစ် ဆန်အထွက်တိုးဖို့ ဖြစ်လာပါတယ်။ တရုတ်နိုင်ငံရဲ့ ၂၀၁၂ စုစုပေါင်း နှံစားသီးနှံ ပျမ်းမျှထုတ်လုပ်မှုဟာ ပြီးခဲ့တဲ့ နှစ်ထက် ၄ ဒသမ ၄ ရာခိုင်နှုန်းတိုးပြီး၊ တန်ချိန် ၅၄၂ ဒသမ ၅ သန်းရှိမယ်လို့ ဆိုပါတယ်။  ပြောင်းထုတ်လုပ်မှုမှာ ၈ ရာခိုင်နှုန်း ခန့်နဲ့ ဂျုံထုတ်လုပ်မှုမှာ ၃ ရာခိုင်နှုန်းဝန်းကျင်ခန့် တိုးတက်လာတာကြောင့်ပဲဖြစ်ပါတယ်။ အကျိုးဆက် အနေနဲ့ နှံစားသီးနှံတင်သွင်းမှုကလည်း ၂၀၁၂-၁၃ ဈေးကွက်ရာသီအတွင်း တန်ချိန် ၈ သန်းခန့် ကျဆင်းနိုင်တယ်လို့ ဆိုပါတယ်။ ပြီးခဲ့တဲ့နှစ်က ဆန်တန်ချိန် ၂ သန်းအပါအဝင် စုစုပေါင်းသီးနှံတန်ချိန် ၁၂ ဒသမ ၆ သန်း တင်သွင်းခဲ့ရာမှ ၃၇ ရာခိုင်နှုန်းခန့် ကျဆင်းမယ်လို့ ဆိုပါတယ်။ ယခုနှစ် သီးနှံ အထွက်ကောင်းပေမယ့် ပြည်တွင်းဈေးနှုန်းမြင့်တက်မှုကြောင့် တရုတ်နိုင်ငံဟာ ဆန်ပမာဏ များများ တင်သွင်း ခဲ့ရပါတယ်။ ဒါပေမယ့်  ၂၀၁၂ နှောင်းပိုင်း မှာ ဈေးကွက်အတွင်း ဆန် ၂ ဆခန့် ဝင်ရောက်တာကြောင့် ၂၀၁၂ စက်တင်ဘာလနောက်ပိုင်း ဈေးနှုန်းတည်ငြိမ်ခဲ့တယ်လို့ သမပဖေ သတင်းအရ သိရ ပါတယ်။

အိန္ဒိယနိုင်ငံ၊ Gujarat Co-operative Milk Marketing Federation(GCMMF)  က Amul အမှတ်တံဆိပ် အနေနဲ့ အဆီထုတ်ပြီးဖြစ်တဲ့ သန့်စင်နို့ မှုန့်ကို မြန်မာနိုင်ငံကို တင်ပို့ရောင်းချလိုကြောင်း ကမ်းလှမ်းလာပါတယ်။ ၎င်းကုမ္ပဏီဟာ အိန္ဒိယနိုင်ငံရဲ့ နို့ထွက်ပစ္စည်း အများဆုံး တင်ပို့တဲ့ အဖွဲ့အစည်းဖြစ်ပြီး အိန္ဒိယနိုင်ငံ ပို့ကုန် စုံစမ်း စစ်ဆေးရေးအေဂျင်စီမှလည်း အသိအမှတ်ပြုထားတဲ့ အဖွဲ့ဖြစ်ပါတယ်။ GCMMF  နှစ်စဉ်အမေရိကန် ဒေါ်လာ ၂ ဒသမ ၃ ဘီလီယံတန်ဖိုးရှိ နို့မှုန့်တွေကို အမေရိကန်၊ သြစတြေးလျ၊ စင်ကာပူ၊ ယူအေအီး၊ ဘာရိန်း၊ ကာတာ၊ အိုမန်၊ ကူဝိတ်၊ ဘင်္ဂလားဒေ့ရှ် နိုင်ငံတွေကို အဓိကတင်ပို့ရောင်းချလျက်ရှိပါတယ်။ ဒါကြောင့် စိတ်ဝင်စား တဲ့လုပ်ငန်းရှင်များအနေဲ့ မေးမြန်းစုံစမ်းလိုပါက မြန်မာနိုင်ငံဆိုင်ရာ အိန္ဒိယနိုင်ငံသံရုံး ဖုန်းအမှတ်-၃၉၁၂၁၉၊ ၂၅၄၀၈၆ ကိုဆက်သွယ်မေးမြန်းစုံစမ်းနိုင်ပါတယ်။

Ref :Posted on 27 December, 2012