နောက်ဆုံးရ သတင်း
ပို့ကုန်သွင်းကုန် ကုမ္ပဏီများ၊ ပို့ကုန်သွင်းကုန် ကုမ္ပဏီမဟုတ်သော်လည်း ဝင်ငွေခွန်၊ ကုန်သွယ် လုပ်ငန်းခွန်၊ ကြိုတင်ခွန်များ နိုင်ငံတော်သို့ ပေးဆောင်ထားသော ကုမ္ပဏီများအနေဖြင့် မော်တော် ယာဉ်တင်သွင်းခွင့် လျှောက်ထား ရာတွင် စိစစ်သွားမည့်အချက်များအား သက်ဆိုင်ရာဌာနမှ ထုတ်ပြန်ခဲ့သည်ကို ဖော်ပြလိုက်ပါသည်-
၁။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ကုမ္ပဏီလုပ်ငန်းရှင်များအတွက် မော် တော်ယာဉ်တင်သွင်း ခွင့်ကို အောက်ပါအတိုင်း ခွင့်ပြုသွားမည်ဖြစ်ပါသည်-
(က) ပို့ကုန်တန်ဖိုး အမေရိကန်ဒေါ်လာ တစ်သိန်းနှင့်အထက် တင်ပို့ထားသည့်ကုမ္ပဏီများ။
(ခ) သွင်းကုန်တန်ဖိုး အမေရိကန်ဒေါ်လာ ငါးသိန်းနှင့်အထက် တင်သွင်းထားသည့် ကုမ္ပဏီများ။
(ဂ) ပို့ကုန်/သွင်းကုန် (Trading Company) မဟုတ်သော်လည်း ၂၀၁၁ ခုနှစ်နှင့် ၂၀၁၂ ခုနှစ်အတွင်း ဝင်ငွေခွန် (သို့မဟုတ်) ကုန်သွယ်ခွန် (သို့မဟုတ်) ကြိုတင်ခွန်အနည်းဆုံး ကျပ် ၁၅သိန်း ပေးဆောင်ထားသော သက်တမ်းအနည်းဆုံး တစ်နှစ်ရှိကုမ္ပဏီများ။
၂၊ ထုတ်ပြန်ထားသည့် ပို့ကုန်/သွင်းကုန်ကုမ္ပဏီစာရင်းတွင် မပါဝင်သော်လည်း ၂၀၁၁-၂၀၁၂ ဘဏ္ဍာနှစ်အတွင်း ပို့ကုန်ဒေါ်လာတစ်သိန်း၊ သွင်းကုန်ဒေါ်လာ ငါးသိန်းတင်ပို့တင်သွင်းပြီးကြောင်း လိုင်စင်၊ ED၊ ID တို့နှင့် တင်ပြ လျှောက်ထားလာပါက တိုက်ဆိုင်စစ်ဆေးပြီး မှန်ကန်ပါက ပို့ကုန်/သွင်းကုန်စာရင်းတွင်ပါရှိသော ကုမ္ပဏီများနည်းတူ ဆောင်ရွက်ပေးသွားမည်ဖြစ်ပါသည်။
၃။ သတ်မှတ်ချက်နှင့် ကိုက်ညီသည့် ကုမ္ပဏီများအနေဖြင့် အောက်ဖော်ပြပါ စာရွက်စာတမ်း များနှင့်အတူ ပူးတွဲတင်ပြ၍ လျှောက်ထားရန်ဖြစ်ပါသည်-
(က) ကုမ္ပဏီ Letter Head ပါရှိသော လျှောက်လွှာနှင့်အတူ ကုမ္ပဏီ၏ တာဝန်ရှိသူမှ လက်မှတ်ရေးထိုးလျှောက်ထားရ မည်ဖြစ်ပြီး Sale Contract နှင့် Invoice ကို သွင်း ကုန်လိုင်စင် လျှောက်ထားချိန်မှသာ တင်ပြရမည်။
(ခ) လျှောက်ထားသည့်ကုမ္ပဏီ၏ ဘဏ်လက်ကျန်ငွေ တစ်ဝက်တန်ဖိုးထက် မများ သော မော်တော်ယာဉ်တစ်စီး တင်သွင်းခွင့်ပြုမည်ဖြစ်၍ ဘဏ်စာအုပ်မိတ္တူ တင်ပြ ရမည်ဖြစ်ပြီးမူရင်းနှင့် တိုက်ဆိုင်စစ်ဆေးမည်။
(ဂ) ကုမ္ပဏီ၏ မှတ်ပုံတင်သက်တမ်း၊ ပို့ကုန်^သွင်းကုန်ကုမ္ပဏီများဖြစ်ပါကထုတ်ကုန်/သွင်းကုန် မှတ်ပုံတင်သက်တမ်း ရှိရမည်ဖြစ်ပြီး မူရင်းနှင့်တိုက်ဆိုင် စစ်ဆေးမည်ဖြစ်ပြီး ကုမ္ပဏီမှတ်ပုံတင်မိတ္တူ၊ ပို့ကုန်/သွင်းကုန်မှတ်ပုံတင်မိတ္တူ နှင့် ပုံစံ (၆)/(၂၆)မိတ္တူများ တင်ပြရမည်။
(ဃ) လျှောက်ထားသည့်ကုမ္ပဏီ၏ကိုယ်စားလှယ်ဖြစ်ကြောင်း ထုတ်ပေးထားသည့်ကိုယ်စား လှယ်ကတ်မိတ္တူနှင့် အတူ လျှောက်ထားသူက တင်ပြရမည်။
ဥရောပသမဂ္ဂ၏ စားနပ်ရိက္ခာဖူလုံမှု ဦးစားပေးအစီအစဉ်အထောက်အပံ့ဖြင့် မဟာမဲခေါင်ဒေသခွဲအတွင်း ကမ္ဘောဒီးယား၊ လာအိုနှင့် မြန်မာနိုင်ငံတို့အား ကူညီပံ့ပိုး သည့် အနေဖြင့် နည်းပညာအကူအညီသင်တန်းများပေးလျှက်ရှိပါသည်။ EC-FAO Food Security Programme သည် ဒေသဆိုင်ရာ ပရောဂျက်ဖြစ်သော စားနပ်ရိက္ခာဖူ လုံမှုတိုးတက်ကောင်းမွန်ရေးအတွက် သတင်းအချက်အလက်ဖလှယ်၍ သင့်လျော် သော ဆုံးဖြတ်ချက်ချမှတ်ခြင်း (Linking Information and Decision Making to Improve Food Security )နှင့် ပတ်သက်ပြီး ဈေးကွက်သတင်း သုံးသပ်ခြင်းသင်တန်း (Market Analysis Training Course) ကို မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် (RUMFCCI)၊ သင်တန်းခန်းမ ၌ ၂၄.၁.၂၀၁၂ မှ ၂၇.၁.၂၀၁၂ ထိ ကျင်းပပြုလုပ်ခဲ့ပါသည်။
သင်တန်းဖွင့်ပွဲတွင် ဦးစိုးဝင်း- အထွေထွေမန်နေဂျာ၊ မြန်မာ့လယ်ယာထွက်ကုန် ပစ္စည်းရောင်းဝယ်ရေးမှ အဖွင့်အမှာ စကားပြောကြားခဲ့ပြီး Mr.Tiago S.W မှ ကြိုဆို နှုတ်ခွန်းဆက်စကားပြေားကြားခဲ့ပါသည်။ သင်တန်းတွင် မြန်မာ့လယ်ယာ ထွက်ကုန် ပစ္စည်း ရောင်းဝယ်ရေးတိုင်းဒေသကြီး/ ပြည်နယ်များမှ ဝန်ထမ်း (၈)ဦး၊ လယ်ယာစိုက် ပျိုးရေးနှင့် ဆည်မြောင်း ဝန်ကြီးဌာနမှ (၅)ဦး၊ RUMFCCI မှ (၃)ဦး၊ WFP မှ (၃)ဦး၊ Trade Myanmar မှ (၂)ဦး စုစုပေါင်း သင်တန်းသား (၂၁)ဦး တက်ရောက် ခဲ့ပါသည်။
ဈေးကွက်သတင်းနှင့် စပ်လျဉ်း၍ နည်းပညာအထောက်အကူပေးရေး မြန်မာ့ လယ်ယာထွက်ကုန်ပစ္စည်းရောင်းဝယ်ရေးမှ ကမ်းလှမ်းအဆိုပြုမှုအပေါ် ဈေးကွက် သတင်းဆိုင်ရာ အကြံပေးပုဂ္ဂိုလ် Mr.Tiago S.W မှ သင်တန်းပို့ချပေးခဲ့ ပါသည်။
ဈေးကွက်သတင်းသုံးသပ်ခြင်းနှင့် စပ်လျဉ်းပြီး ဈေးကွက်သတင်းသုံးသပ်ရမည့် အဓိကအချက်များ၊ အခြေခံသဘောတရား များနှင့် မှုဘောင်များ၊ သုံးသပ်မှုပြုလုပ်ရာ တွင် အသုံးပြုရမည့် အချက်များ အဓိကဖော်ထုတ်ချက်များ ဖြစ်ပေါ်သော အချက် များကို သိရှိနားလည်သဘောပေါက်ရန် ရည်ရွယ်ပို့ချခဲ့ခြင်းဖြစ်ပါသည်။
သင်တန်းတွင် ဘာသာရပ်ပို့ချခြင်းသာမက၊ အမှုတွဲများလေ့လာခြင်း၊ အုပ်စု လိုက်ဆွေးနွေးခြင်းနှင့် လက်တွေ့သင်ခန်းစာ များ ပြုလုပ်စေသည့် နည်းဖြင့် ပို့ချခဲ့ပါ သည်။
ဈေးကွက်သတင်းအချက်အလက်များကို စိုက်ပျိုးထုတ်လုပ်သူ တောင်သူများမှ စားသုံးသူလက်ဝယ်ထိ ထုတ်လုပ်မှု၊ ဝယ်လို အား၊ ရောင်းလိုအား၊ ဈေးနှုန်း ဖြစ်ပေါ်မှု အခြေအနေများ အချိန်နှင့် တပြေးညီရယူဖြန့်ဝေပေးနိုင်ရန်၊ စိုက်ပျိုးထုတ် လုပ်မှု များ၊ ရောင်းဝယ်လိုအား၊ ဝယ်လိုအားများကို သုံးသပ်ခြင်း၊ ဈေးနှုန်းတက်/ကျ ပြောင်းလဲမှုသုံး သပ်ခြင်း၊ ဈေးကွက် အလား အလာနှင့် ရှေ့မျှော်မှန်းချက်များသုံးသပ်ခြင်း၊ ပြည်ပဈေး ကွက် ပြည်တွင်းဈေးကွက် သတင်းအချက် အလက်များ သုံး သပ်ခြင်း၊ ရိက္ခာဖူလုံမှုနှင့် ဈေးကွက်သုံးသပ်ချက်များ၊ ထုတ်လုပ်သည်မှစားသုံးသည်ထိ Supply Chain သုတေ သနပြုလေ့လာသုံးသပ်ခြင်းများ နားလည်စေရန် ပို့ချခဲ့ပါသည်။ သင်သန်းသားများ သည် မိမိနိုင်ငံရှိ သီးနှံများနှင့် ပတ်သက် ၍ ဈေးနှုန်းပြောင်းလဲမှုအခြေအနေများ အပြန် အလှန်ဆွေးနွေးခဲ့ကြပါသည်။
သင်တန်းသားများသည် မိမိနိုင်ငံရှိ သီးနှံများနှင့်ပတ်သက်၍ ဈေးနှုန်းပြောင်းလဲမှု အခြေအနေများကို ကွန်ပျူတာအသုံးပြု၍ စာရင်းဇယား၊ ဂရပ်များဖြင့် အပြန်အလှန် ဆွေးနွေးခဲ့ကြပါသည်။ သင်တန်းမှာ ၄ ရက်ကြာမြင့်ပြီး သင်တန်းဆရာမှ သင်တန်း ဆင်းလက်မှတ်များပေးအပ်ကာ RUMFCCI နှင့် မြန်မာ့လယ်ယာထွက်ကုန်ပစ္စည်း ရောင်းဝယ်ရေး တာဝန်ရှိသူတို့မှလည်း သင်တန်းဆရာအား အမှတ်တရလက်ဆောင် ပစ္စည်းများပေးအပ်ခဲ့ပါသည်။
yyw(MAPT)
ဧရာဝတီတိုင်းဒေသကြီး၊ အရန်ဆန်ဝယ်ယူရေး ကြီးကြပ်မှုကော်မတီ ဥက္ကဌ ဦးဝင်းမြင့်လှိုင်၊ ပုသိမ်မြို့နယ် အရန်ဆန် ဝယ်ယူရေးလုပ်ငန်းကော်မတီ ဥက္ကဌ ဦးစိုးဝင်းနဲ့ ကော်မတီ အဖွဲ့ဝင်များသည် ၂၀၁၂ ခုဖေဖော်ဝါရီလ ၇ ရက်က ပုသိမ်မြို့ အမှတ် ၁၀ နယ်မြေ စက်ကလေးရပ် ဧရာပုသိမ် ဆန်စပါး ရောင်းဝယ်ရေး၊ ကုမ္ပဏီလီမိတက် ၁ ပိုင်ဆန်စက်မှာနိုင်ငံတော် အရန်ဆန်အတွက် စပါးများဝယ်ယူရန် ကုန်ဝယ်ဒိုင်အမှတ် ၁ ဖွင့်လှစ်ပြီး၊ အရန်ဆန် ကြိတ်ခွဲရန် စပါးအရည်အချင်းပြည့်မီတဲ့ ဧည့်မထ အုပ်စုဝင်စပါးများကို ၄၆ ပေါင်၊ တစ်တင်းကို ၃၃၀၀ ကျပ်နှုန်းနဲ့ စတင်ဝယ်ယူလျက်ရှိကြောင်း သိရပါတယ်။
အရန်ဆန်ဝယ်ယူရေးလုပ်ငန်းကော်မတီမှ ဧည့်မထ ၂၅ ရာခိုင်နှုန်းမှတ်အဆင့်မီ ဆန်ကြိတ်ခွဲနိုင်ရန် ဝယ်ယူမယ့် စပါးများအား အမျိုးအစား၊ အရည်အသွေး သတ်မှတ်ချက် ကိုက်ညီမှု ရှိ၊မရှိ စစ်ဆေးခြင်း၊လိုအပ်ပါက စပါးအရည်အချင်း ကို ကော်မတီရဲ့ ဆုံးဖြတ်ချက်နဲ့ ဝယ်ယူရန်နဲ့ စိုက်ပျိုးထုတ် လုပ်တဲ့တောင်သူများထံမှ သာတိုက်ရိုက်ဝယ်ယူမှာဖြစ်ကြောင်း သိရပါတယ်။
စပါးများ ဝယ်ယူရာမှာ ရေတင်စာရင်း၊ စပါးစစ်ဆေး ချက် မှတ်တမ်း၊ ကုန်ချိန်မှတ်တမ်း၊ ကုန်ဝယ်ပြေစာ၊ ကုန်ရ/ ကုန်ထုတ်လက်ကျန် စာရင်းများ၊ နေ့စဉ်ကုန်ဝယ် စာရင်း ချုပ်၊ စပါးအမျိုးအစားအလိုက် လယ်ဂျာ၊ ငွေစာရင်းသွင်း ထားရှိမှု များကိုလည်း အဆင့်ဆင့် စနစ်တကျပြုစုဆောင်ရွက်ပြီး၊ နေ့စဉ် စပါးအဝယ်စာရင်းများ ကိုလည်း တိုင်းဒေသကြီး၊ ဆန် စပါးအသင်းရုံးကို အချိန်မီပေးပို့နိုင်ဖို့ စီစဉ်ဆောင်ရွက်လျက် ရှိကြောင်း အရန်ဆန်ဝယ် ယူရေးလုပ်ငန်းကော်မတီက ပြော ကြားပါတယ်။
ပုသိမ်မြို့နယ် ဦးတိုကျေးရွာအုပ်စု၊ ဦးတိုကျေးရွာနေ တောင်သူ ဦးကျင်ငွေပိုင် ဦးပိုင်အမှတ် ၃၇/၅ ကွင်း အမှတ် ၁၀၅ မှ စိုက်ပျိုးထွက်ရှိတဲ့ ဧည့်မထ အုပ်စုဝင် ဆင်းသုခစပါး တင်းရေ ၁၀၀ ကို အရန်ဆန်ဝယ်ယူရေး လုပ်ငန်းကော်မတီမှ စတင်ဝယ်ယူထားရှိကြောင်း သိရပါတယ်။
မင်းမင်းဦး
ဧရာဝတီတိုင်းဒေသကြီး ဟင်္သာတခရိုင် ဟင်္သာတမြို့နယ်ကုန်းကြီး ကျေးရွာ အုပ်စု နတ်မော်လမ်း ဆန်စက်အမှတ် ၁၆၅ ယုန်မင်း ဆန်စက်ကွင်းမှာလည်းကောင်း၊ ဇလွန်မြို့နယ် ဗိုလ်ချုပ်လမ်း ညောင်ပင်ဈေးရပ်ကွက် ဦးစိုးလွင်ရဲ့ ခြံဝင်းအတွင်းမှာ လည်းကောင်း၊ နိုင်ငံတော် အရန်ဆန်အား အဝယ်ဒိုင်ဖွင့်လှစ်ပြီး စိုက်ပျိုး ထုတ်လုပ်သူ တောင်သူများထံမှ စပါးများကိုတင်း၁၀၀ကို ၃ သိန်း ၃ သောင်းကျပ်ဈေးနဲ့ ဝယ် ယူလျက်ရှိပြီး၊ ဖေဖော်ဝါရီ ၇ ရက် ဟင်္သာတမြို့နယ်မှာ ၁၀၆၄ တင်းနဲ့ ဇလွန်မြို့နယ် မှာ ၂၀၀၀ တင်း ဝယ်ယူရရှိခဲ့ကြောင်း သိရပါတယ်။
ကျော်ဝင်း
ကုမ္ပဏီများသည် သွင်းကုန်လိုင်စင်လျှောက်ထားခြင်းနှင့် ထုတ်ယူခြင်းတို့ကို ဆောင်ရွက်ရာတွင် ကုမ္ပဏီအုပ်ချုပ်မှု ဒါရိုက်တာ သို့မဟုတ် ဒါရိုက်တာ ကိုယ်တိုင်ထုတ်ယူခြင်း မဟုတ်ပါက ဝန်ကြီးဌာန၏ ကုန်သွယ်မှုမူဝါဒ ဥပဒေလုပ်ထုံး လုပ်နည်းများဆိုင်ရာ စိစစ်ဆောင်ရွက်ရေးဌာနခွဲမှ ထုတ် ပေးထားသော လုပ်ငန်းရှင်ကိုယ်စားလှယ် မှတ်ပုံတင်ကတ် ကို ကိုင်ဆောင်သူ ကိုယ်တိုင်ဆောင်ရွက်ရန် အသိပေးနှိုး ဆော်ထားပါသည်။
သို့ပါ၍ လုပ်ငန်းများဆောင်ရွက်ရာတွင် ၂၀၁၂ ခုနှစ် ဖေဖော်ဝါရီ ၁ ရက်မှစ၍ အသိပေးနှိုးဆော်ချက် အတိုင်း တိကျစွာလိုက်နာဆောင်ရွက်ကြရန်နှင့် လုပ်ငန်းရှင် ကိုယ်စား လှယ် မှတ်ပုံတင်ကတ်ပြုလုပ်ရခြင်း မရှိသေးပါက ကုန်သွယ်မှု မူဝါဒဥပဒေ လုပ်ထုံးလုပ်နည်းများဆိုင်ရာစိစစ်ဆောင်ရွက်ရေး ဌာနခွဲတွင် အချိန်မီ ပြုလုပ်ဆောင်ရွက်သွားကြရန် အသိပေး ကြေညာချက်ထုတ်ပြန်ထားကြောင်း သတင်းရရှိသည်။
Pages
