နောက်ဆုံးရ သတင်း

e-Commerce Law(မူကြမ်း)ရေးဆွဲရေးကော်မတီ၏ (၁/၂၀၂၄) ကြိမ်မြောက် ပထမ အကြိမ်လုပ်ငန်းညှိနှိုင်းအစည်းအဝေးကို  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ်-၃ တွင် e-Commerce Law(မူကြမ်း) ရေးဆွဲရေးကော်မတီ ဥက္ကဌ၊ ကုန်သွယ်ရေးဦးစီးဌာန၊ ညွှန်ကြားရေးမှူးချုပ် ဦးဆောင်၍ကျင်းပခဲ့ရာ သက်ဆိုင်ရာဦးစီးဌာနများမှ ကော်မတီအဖွဲ့ဝင် ၂၀ ဦး တက်ရောက်ခဲ့ပါသည်။

အစည်းအဝေးတွင် ကော်မတီ ဥက္ကဌက e-Commerce ကဏ္ဍအတွက် သီးခြားဥပဒေ တစ်ခုရေးဆွဲနိုင်ရန် ကဏ္ဍစုံမှအရင်းအမြစ်များစွာ စိုက်ထုတ်ဆောင်ရွက်ရမည့်အပြင် e-Commerce ကဲ့သို့ ကျယ်ပြန့်သော ဘာသာရပ်အတွက် ဥပဒေတစ်ခုကို ပြဌာန်းကျင့်သုံးရန် အချိန်ယူရေးဆွဲ ဆောင်ရွက်ရမှာဖြစ်ပြီး ကျယ်ပြန့်နက်နဲသော ဘာသာရပ်ဖြစ်သော်လည်း e-Commerce လုပ်ငန်း များတွင် ကျယ်ထွန်းကားလာသည်နှင့်အမျှ အစိုးရပိုင်းအနေဖြင့် စနစ်တကျထိန်းကျောင်းဆောင်ရွက် ရန်လိုအပ်ပါကြောင်း၊ ထို့အပြင် ဒေသတွင်းနိုင်ငံများနှင့် မိတ်ဖက်နိုင်ငံများကြားမှာလည်း ACCEC Agreement, RCEP Agreement စတာတွေရှိလာသလို၊ Workplan တွေ၊ Action Plan တွေအရ လိုက်ပါဆောင်ရွက်ရမှာတွေလည်း ရှိလာတာကိုတွေ့ရှိရပြီး ပြည်တွင်း၊ဒေသတွင်းနဲ့မိတ်ဖက်နိုင်ငံ များနှင့်အတူ လုပ်ငန်းများဆက်စပ်ဆောင်ရွက်လာတဲ့အခါတွင် မိမိတို့နိုင်ငံသားများ အကာအကွယ် ရစေဖို့နှင့် စည်းကမ်းစနစ်တကျဖြစ်စေဖို့ ဥပဒေ၊ နည်းဥပဒေများ လိုအပ်လာမှာဖြစ်ပါကြောင်း၊ လက်ရှိတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် e-Commerce ဥပဒေ တစ်ရပ်သီးခြားထုတ်ပြန်ခြင်းမပြုမီ e-Commerce Guideline ထုတ်ပြန်ကာ ထိန်းကျောင်းဆောင် ရွက်လျက်ရှိပါကြောင်း၊ ထို့အပြင် ၂-၁၀-၂၀၂၃ ရက်မှစ၍ e-Commerce (Online Shop) Registration စနစ်ဖြစ်သော အွန်လိုင်းစနစ်ဖြင့်ရောင်းချသည့် လုပ်ငန်းများမှတ်ပုံတင်လက်မှတ်ကို ခွင့်ပြုထုတ်ပေး လျက်ရှိပါကြောင်း  ဆွေးနွေးပြောကြားခဲ့ပါသည်။

ဆက်လက်၍ ဆက်စပ်ဦးစီးဌာနများမှ ကော်မတီအဖွဲ့ဝင်တစ်ဦးချင်းသည် ဌာနအလိုက် ဆောင်ရွက်လျက်ရှိသည့် e-Commerce Law အထောက်အကူပြုလုပ်ငန်းများနှင့် e-Commerce Law ရေးဆွဲနိုင်ရေးအတွက် အကြံပြုဆွေးနွေးခဲ့ကြောင်း သတင်းရရှိပါသည်။

နေပြည်တော်၊ စက်တင်ဘာလ ၁၅

              စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျ စရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိပါ သည်။

              ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့် ဈေးနှုန်းဖြစ်ပေါ်မှုများအရ ၂၀၂၄ ခုနှစ်၊ စက်တင်ဘာလ ၁၆ ရက်နေ့မှ စက်တင်ဘာလ ၂၂  ရက်နေ့အထိ ရန်ကုန်အထိုင်ဈေးအခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာ လျှင် ၆,၇၂၀ ကျပ် ဖြစ်ကြောင်း ထုတ်ပြန်ကြေညာထားပါသည်။

              ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း အပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည် ဖြစ်ကြောင်း အသိပေးထုတ်ပြန်ထားသည်။

              အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။