နောက်ဆုံးရ သတင်း
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အနေဖြင့် ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးဆိုင်ရာပစ္စည်းများကိုလေကြောင်း၊ ရေကြောင်းနှင့်နယ်စပ်ကုန်သွယ်ရေးစခန်းများ မှ နှောင့်နှေးကြန့်ကြာမှုမရှိ တင်သွင်းနိုင်ရေးအတွက် အချိန်နှင့်တပြေးညီစီစဉ်ဆောင်ရွက်ပေးလျက် ရှိရာ (၁၇-၁၁-၂၀၂၁) ရက်နေ့တွင် မြဝတီ၊ ချင်းရွှေဟော်နှင့် ကန်ပိုက်တီကုန်သွယ်ရေးစခန်း (၃) ခု တို့မှ တင်သွင်းရာ၌ ကုမ္ပဏီ (၂) ခု မှယာဉ်စီးရေ (၄) စီး ဖြင့် အောက်ဆီဂျင် (အရည်) Bowser ယာဉ် (၁) စီးဖြင့် (၂၀) တန်၊ PPE (၄၄၀) စုံနှင့် နှာခေါင်းစည်း (Mask) (၁၄)တန် တို့ကိုတင်သွင်းခဲ့ပါသည်။ အောက်ဆီဂျင် (အရည်) Bowserယာဉ် (၁) စီးမှာ မြဝတီစခန်းမှ ရန်ကုန်မြို့သို့ ဖြစ်ကြောင်း သိရှိရပါ သည်။
ကိုဗစ်-၁၉ရောဂါကာကွယ်၊ ထိန်းချုပ်၊ကုသရေးဆိုင်ရာပစ္စည်းများကို သက်ဆိုင်ရာဌာနများ နှင့် ညှိနှိုင်းထားသည့် SOPများနှင့်အညီ ဦးစားပေးတင်သွင်းခွင့်ပြုပေးလျက်ရှိပါကြောင်းနှင့် ဆေးဝါး နှင့် ဆက်စပ်ပစ္စည်းများတင်သွင်းခြင်းနှင့် ဆက်စပ်သည့်အသိပေးကြေညာချက်များကိုလည်း အများ ပြည်သူ သိရှိစေရန် ဝန်ကြီးဌာန Website ဖြစ်သည့် commerce.gov.mm တွင် ဝင်ရောက်ကြည့်ရှု နိုင်ရေး စီစဉ်ဆောင်ရွက်ပေးထားပါကြောင်းသိရှိရပါသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့ ပူးပေါင်းစီစဉ်မှုဖြင့်စားသုံးသူပြည်သူများ သက်သာသောဈေး နှုန်းဖြင့် ဝယ်ယူရရှိနိုင်ရန်ရည်ရွယ်၍ ဗဟိုဘဏ်မှ ရည်ညွှန်းငွေလဲနှုန်းဖြင့် တိုက်ရိုက်ရောင်း ချပေးသည့် နိုင်ငံခြားငွေ (၁၉) သန်းဖြင့် မှာယူတင်သွင်းခဲ့သည့် စားအုန်းဆီတန်ချိန် (၁၆,၁၃၈.၃၃)၊ ပိဿာချိန်(၉,၈၇၆,၆၅၇) ကို တစ်ပိဿာလျှင် လက်ကားဈေး (၃၇၀ဝိ/-) ကျပ်နှုန်းဖြင့်၂၀-၉-၂၀၂၁ရက်မှစ၍ရန်ကုန်တိုင်းဒေသကြီးတွင် တန်ချိန် (၁၂,၈၂၃.၅၉) ၊ မန္တလေးတိုင်းဒေသကြီးတွင် တန်ချိန် (၈၄၇.၄၇)၊ စစ်ကိုင်းတိုင်းဒေသကြီးတွင် တန်ချိန် (၆၀၆.၆၁) ၊ မကွေးတိုင်းဒေသကြီးတွင် တန်ချိန်(၈၆၉.၂၂)၊ ပဲခူးတိုင်းဒေသကြီးတွင် တန်ချိန်(၄၆၂.၈၃)၊ တနင်္သာရီတိုင်းဒေသကြီး တန်ချိန်(၆၁.၂၉)၊ နေပြည်တော် တန်ချိန်(၁၁၆.၈၃)၊ ရှမ်းပြည်နယ်တွင် တန်ချိန်(၃၁၄.၅၄)၊ မွန်ပြည်နယ်တွင် တန်ချိန် (၃၅.၉၅)တို့ကို ဖြန့်ဖြူးရောင်းဖြူးရောင်းချပေးခဲ့ပါသည်။
မြန်မာနိုင်ငံဆီကုန်သည်နှင့်ဆီလုပ်ငန်းရှင်အသင်းမှ လက်ကားဈေးတစ်ပိဿာလျှင် (၃၇၀၀) ကျပ်နှုန်းဖြင့် ဝယ်ယူရရှိခဲ့သည့် အရောင်းဆိုင်များသည် ဒေသအလိုက်သယ်ယူပို့ဆောင်ခကုန်ကျစရိတ်များထပ်ဆောင်း၍ (၂%) ထက်မပိုသော အမြတ်ဖြင့် ရောင်းချပေးခဲ့ရာ ရန်ကုန်တိုင်းဒေသကြီးအတွင်းရှိဘုရင့်နောင်ပွဲရုံတန်းနှင့် ညောင်ပင်လေးဈေးတို့တွင် လက်ကားဖြန့်ဖြူးရောင်းချပေးခဲ့သည့်အပြင်ဆီအသင်း၏ အစီအစဉ်ဖြင့် မြို့နယ်/ ရပ်ကွက်များသို့ ဈေးကားများဖြင့် လှည့်လည်ရောင်းချပေးခဲ့ပြီး နေပြည်တော်အပါအဝင် ကျန်တိုင်းဒေသကြီး/ ပြည်နယ်များတွင်လည်း လက်လီ/ လက်ကားဖြန့်ဖြူးရောင်းချပေးခဲ့ပါသည်။
ထပ်မံ၍ ဗဟိုဘဏ်မှ ရည်ညွှန်းငွေလဲလှယ်နှုန်းဖြင့် တိုက်ရိုက်ရောင်းချပေးသည့် နိုင်ငံခြားငွေ အမေရိကန်ဒေါ်လာ (၁၂) သန်းကိုလည်း ပြည်ပနိုင်ငံခြားပေါက်ဈေးအပေါ် မူတည်၍ စားအုန်းဆီများ မှာယူတင်သွင်းပြီး စားသုံးသူပြည်သူများသို့ သက်သာသောဈေးနှုန်းဖြင့် ဖြန့်ဖြူးရောင်းချနိုင်ရေးစီစဉ်ဆောင်ရွက်လျက်ရှိပါကြောင်း သတင်းရရှိပါသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးဆိုင်ရာ ပစ္စည်းများကိုလေကြောင်း၊ ရေကြောင်းနှင့် နယ်စပ်ကုန်သွယ်ရေးစခန်းများမှ နှောင့်နှေးကြန့်ကြာမှုမရှိ တင်သွင်းနိုင်ရေးအတွက် အချိန်နှင့်တပြေးညီ စီစဉ်ဆောင်ရွက်ပေး လျက်ရှိရာ ၃၁-၁၀-၂၀၂၁ ရက်နေ့တွင် ချင်းရွှေဟော်ကုန်သွယ်ရေးစခန်းမှတင်သွင်းရာ ကုမ္ပဏီ (၃) ခုမှ ယာဉ်စီးရေ (၄) စီးဖြင့် နှာခေါင်းစည်း Mask (၃၀) တန် တင်သွင်းခဲ့ကြောင်း သိရှိရပါသည်။
ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးဆိုင်ရာပစ္စည်းများကို သက်ဆိုင်ရာဌာနများနှင့် ညှိနှိုင်းထားသည့် SOP များနှင့်အညီ ဦးစားပေးတင်သွင်းခွင့်ပြုပေးလျက်ရှိပါကြောင်းနှင့် ဆေးဝါးနှင့်ဆက်စပ်ပစ္စည်းများ တင်သွင်းခြင်းနှင့်ဆက်စပ်သည့်အသိပေးကြေညာချက်များကိုလည်း အများပြည်သူသိရှိစေရန် ဝန်ကြီးဌာန Website ဖြစ်သည့် commerce.gov.mm တွင် ဝင်ရောက် ကြည့်ရှုနိုင်ရေး စီစဉ်ဆောင်ရွက်ပေးထားပါကြောင်းသိရှိရပါသည်။
Pages
