နော်ဝေမှ GSP အစီအစဉ် ပြန်လည်ပေးအပ်

၂၀၀၃ခုနှစ်က ရပ်ဆိုင်းခဲ့သည့် နော်ဝေနိုင်ငံ၏ တဖက်သတ် အကောက်ခွန်သက်သာခွင့်ဆိုင်ရာ အစီအစဉ်  General System of Preferences (GSP)  ကို မြန်မာနိုင်ငံသို့ ပြန်လည်ခွင့်ပြုလာကြောင်း သိရှိရသည်။ အဆိုပါအစီအစဉ်သည် ဖွံဖြိုးပြီးနိုင်ငံများမှ ဖွံ့ဖြိုးမှုနည်းပါးသည့် နိုင်ငံများနှင့် ဖွဲ့ဖြိုးဆဲ နိုင်ငံများ၏ ပို့ကုန်ပစ္စည်းများကို အကောက်ခွန် သက်သာခွင့်ပေးသည့် အစီအစဉ်ဖြစ်သည်။ ၂၀၁၂ခုနှစ်၊ ဇန်နဝါရီလမှ စတင်၍ မြန်မာနိုင်ငံ၏ ပို့ကုန်များကို GSP အခွင့်အရေးပြန်လည်ပေးအပ်ကြောင်း၊ မြန်မာ ထုတ်ကုန်များ အနေဖြင့်အကောက်ခွန် ကင်းလွတ်/သက်သာခွင့်များ ရရှိခံစားနိုင်ကြောင်း သိရှိရသည်။ အဆိုပါအစီအစဉ်ကို ထိထိရောက်ရောက် အကောင်အထည်ဖော်ဆောင်ရွက်နိုင်ရေးနှင့် လုပ်ငန်းရှင်များ အကောက်ခွန်သက်သာခွင့်ရရှိခံစားနိုင်ရေးကို အသိပညာပေးနိုင်ရေးအတွက် နော်ေ၀ အကောက်ခွန် ဦးစီးဌာနနှင့် ထိုင်းနိုင်ငံရှိ နော်ဝေသံရုံးမှ တာဝန်ရှိသူများမှ စက်တင်ဘာလအတွင်း မြန်မာနိုင်ငံသို့ လာရောက်၍ ဆွေးနွေးပွဲတစ်ရပ်ကျင်းပနိုင်ရေးကိုလည်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် ဆက်သွယ်ဆောင်ရွက်လျက် ရှိကြောင်းသိရသည်။