စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဦးဝင်းမြင့် မြန်မာနိုင်ငံ သကြားနှင့်သကာရည်လုပ်ငန်းရှင်များ ကထိန်တော်အသင်းနှင့် တွေ့ဆုံ

နေပြည်တော်- ဒီဇင်ဘာ ၂

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးဝင်းမြင့်သည် မန္တလေးတိုင်းဒေသကြီး အစိုးအရအဖွဲ့ စီမံကိန်းနှင့် စီးပွားရေးဝန်ကြီး ဦးအောင်ဇံ၊ နယ်စပ်ကုန်သွယ်ရေး ဦးစီးဌာန ညွှန်ကြားရေးမှူးချုပ် ဦးခင်မောင်လေးတို့လိုက်ပါလျက်မန္တလေးမြို့၊ ကြေးနန်းဝန်းရပ်ရှိ မြန်မာနိုင်ငံ သကြားနှင့်ကြံသကာ လုပ်ငန်းရှင်များ ကထိန်တော်အသင်းသို့ ၂၀၁၂ ခုနှစ် ဒီဇင်ဘာလ၂ ရက်နေ့ နေ့လည်(၁၂၀၀)နာရီတွင် ရောက်ရှိကာ အသင်းသားအသင်းသူများနှင့် တွေ့ဆုံ အမှာစကားေ ပြောကြားခဲ့ပါသည်။

ဆက်လက်ပြီး မန္တလေးတိုင်းဒေသကြီး အစိုးရအဖွဲ့ စီမံကိန်းနှင့် စီးပွားရေးဝန်ကြီး ဦးအောင်ဇံက ပြောကြားရာတွင် ညှိညှိနှိုင်းနှိုင်း ညီညီညွတ်ညွတ် စုပေါင်းလုပ်ဆောင်ကြရန်လိုကြောင်း၊ ကြံစိုက်ပျိုးရေးနှင့် ပတ်သက်ပြီး ဖွံ့ဖြိုးပြီးနိုင်ငံများမှ နည်းပညာများ ရယူနိုင်ရေး ကူညီဆောင်ရွက်ပေးမည် ဖြစ်ကြောင်း၊ စိုက်ပျိုးနည်းစနစ် မှန်ကန်ရန်နှင့် မျိုးကောင်းမျိုးသန့်များ ရွေးချယ်စိုက်ပျိုးနိုင်ရန် လိုအပ်သောကူညီပံ့ပိုးမှုများ ဆောင်ရွက်ပေးမည် ဖြစ်ကြောင်း ပြောကြားပါသည်။

အခမ်းအနားတွင် မြန်မာနိုင်ငံ သကြားနှင့် သကာရည်လုပ်ငန်းရှင်များ ကထိန်တော်အသင်း ဥက္ကဌ ဦးစက်မြင့်မောင်က ကြိုဆိုနှုတ်ခွန်း ဆက်စကားပြော ကြားပြီး ကြံနှင့်ကြံထွက်ပစ္စည်း ထုတ်လုပ်သူများနှင့်ကုန်သည်များအသင်းဥက္ကဌ ဦးစိုးလင်းနှင့် အသင်း၏ ဒုတိယဥက္ကဌ ဦးစံသိန်းတို့က အသင်း၏ အခြေအနေ အရပ်ရပ်ကို ရှင်းလင်းတင်ပြပါသည်။

အစီအစဉ်အရ တက်ရောက်လာသော လုပ်ငန်းရှင်များက သိရှိလိုသောအချက်များကို ဆွေးနွေးမေးမြန်းရာ ပြည်ထောင်စုဝန်ကြီးက ပြန်လည်ဖြေကြားပြီး အခမ်း အနားကို မွန်းလွဲ (၁၄၀၀)နာရီတွင် ရုတ်သိမ်းခဲ့ပါသည်။