ပြည်တွင်းကုန်သွယ်မှု
ပြည်ဈေးကွက်အတွင်း ထောပတ်ပဲသီးနှံမှာ လက်ကျန်နည်းလာခဲ့ပြီဖြစ်ပြီး၊ ဈေးနှုန်းအနေဖြင့် တစ်တင်း ၁၇၃၀၀ ကျပ်ဖြင့် ယခင် အပတ်ကအတိုင်း ဈေးငြိမ်နေခဲ့ပါတယ်။ မြို့တွင်းလက်လီသမားများ ဝယ်ယူမှုရှိတာကြောင့် တစ်ရက် ၁၀ အိတ်ခန့်အရောင်းအဝယ် ဖြစ်ပြီးရန်ကုန်၊ ပုသိမ်ဘက်မှ လက်ကားဝယ်ယူမှုရှိသည့်ရက်တွင် အိတ် ၅၀ ကျော် အရောင်းအဝယ်ဖြစ်တယ်လို့ သိရပါတယ်။
ခင်ဆွေဝင်း- ပြည်
ပြည်သစ်သီးဈေးကွက်အတွင်း ဒေသထွက် သြဇာသီးများ သြဂုတ်လဆန်းပိုင်းမှာ စတင်ဝင်ရောက်ခဲ့ပြီး ယခုစက်တင်ဘာလလယ်မှာ တော့ အဝင်နည်းလာတာကို တွေ့ရပါတယ်။ မိုးတစ်ဖြိုက်နှစ်ဖြိုက်ရွာလိုက်၊ နေပူလိုက် အချိန်မှာ သြဇာသီးများရင့်မှည့်တာ ဖြစ်ပါ တယ်။ ယခုနှစ်မှာတော့ မိုးရွာသွန်းမှုများတာကြောင့် သြဇာသီးအထွက် နည်းပြီး အလုံးညှက်တယ်လို့သိရပါတယ်။
ပေါ်စချိန်က သြဇာသီးအလုံးအကြီးအသေးအလိုက် ၁၀၀ ကျပ်မှ ၂၅၀ ကျပ်ဈေးထိ ရှိပေမယ့် ယခုအချိန်မှာတော့ အလုံးသေး ၃ လုံး ၁၀၀ ကျပ်ရှိပြီး အချော ၁ လုံးလျှင် ၁၅၀ ကျပ် ရှိကြောင်း သိရပါတယ်။
အိဆွေဇင် - ပြည်
ပြောင်းလဲလာသော ခေတ်နဲ့အညီ ယခင် ၄-၅ နှစ်ခန့်က ပုသိမ်မြို့တွင်း သွားလာရာတွင် စက်ဘီးများကိုသာ အဓိက အသုံးပြု လျက်နေရာမှာ ယခုအချိန်တွင် အချိန်ကုန်သက်သာပြီး၊ ခရီးတွင်ကျယ်မှုရှိသော မော်တော်ဆိုင်ကယ် များကို ပုသိမ်မြို့တွင်း မြို့နယ်များနဲ့ ကျေးရွာများတွင်လည်း နေရာအနှံ့အသုံးပြုလျက်ရှိပါတယ်။
ပုသိမ်ဈေးကွက်တွင် တရုတ်နိုင်ငံမှ ထုတ်လုပ်၍ လူကြိုက်များသော ကမ်ဘို ၁၁၀၊ လော်ဂျား ၁၁၀၊ ရိုးမရာဇာ Stream 110 ဆိုင်ကယ်ဈေးနှုန်းများမှာ
ကျောက်ဆည်နယ် ငရုတ်ဈေးကွက်မှာ မိုးထောင်ငရုတ်ဟာ ယခင်နှစ်က တစ်တင်းကို ၃၅၀၀ ကျပ်မှ ၄၀၀၀ ကျပ်ဖြစ်ပြီး၊ ယခုနှစ်မှာ မိုးထောင်ငရုတ်တစ်တင်းကို ၄၀၀၀ ကျပ်မှ ၄၅၀၀ ကျပ်ထိဖြစ်ခဲ့ပါတယ်။ ယခင်နှစ်က ဒီမွန် ငရုတ်တစ်တင်းလျှင် ၅၅၀၀ ကျပ်မှ ၆၀၀၀ ကျပ်ဖြစ်ပြီး၊ ယခုနှစ်မှာ ၆၀၀၀ ကျပ်ဈေးမှ ၆၅၀၀ ကျပ်ဈေးဖြစ်ခဲ့ပါတယ်။ ယခင်နှစ်က သာမိုငရုတ်အသေး တစ်တင်းလျှင်
သြဂုတ်လ ဒုတိယပတ် မုံရွာကုန်စည်ဒိုင် ကုလားပဲဈေးကွက်မှာ V2 ဈေးဆက်လက်မာနေပြီး ကျန်ကုလားပဲ များ လည်းဈးတန့်နေတာတွေ့ရပါတယ်။ ပြည်ပပို့ကုန်အတွက် မန္တလေးနဲ့ ရန်ကုန် ဝယ်လက်ပုံမှန်ဆွဲလို့ ဒီတစ်ပတ် V2 ဈေးဟာ တစ်တင်း ၂၁၁၀၀ ကျပ်က ၂၁၃၀၀ ကျပ်အတွင်း ဈေးမာနေခဲ့ပြီး တစ်ရက်ပျမ်းမျှ အိတ် ၁၀၀၀ အရောင်းအဝယ် ဖြစ်နေကာ အဝယ်လိုက်တဲ့ နေ့တွေမှာ တစ်ရက်အိတ် ၆၀၀၀ ခန့်အထိ အရောင်းအဝယ် ဖြစ်တယ်လို့ ဆိုပါတယ်။
မုံရွာကုန်စည်ဒိုင် သြဂုတ်လဒုတိယပတ် ဆီထွက်သီးနှံဈေးကွက်မှာ နှမ်းဈေးဆက်လက်အေးနေပြီး၊ မြေပဲဈေးကတော့ မန်းအဆွဲပေါ် မူတည်ပြီး၊ ဈေးအတက်အကျ အနည်းငယ်သာဖြစ်ပေါ်ခဲ့တယ်လို့ ပွဲရုံရပ်ကွက်က ဆိုပါတယ်။ ယခုအချိန် နယ်စုံ က နှမ်းသစ်တွေပေါ် လျက်ရှိပြီး၊ မုံရွာကုန်စည်ဒိုင်ကို တစ်နေ့တင်း ၂၀၀၀ ကျော် ဝင်ရောက်လျက်ရှိတယ်လို့သိရပါတယ်။ ဒီတစ်ပတ်ထဲမှာ မန်းအဆွဲ မရှိလို့နှမ်းဈေးအေးခဲ့ကာ နှမ်းညိုတစ်တင်း ၁၆၈၀၀ ကျပ်မှ ၁၅၀၀၀ ကျပ်၊ နှမ်းဝါတစ်တင်း ၁၆၀၀၀ ကျပ်နဲ့ နှမ်းဖြူ ၁၇၅၀၀ ကျပ်၊ ၁၆၈၀၀ ကျပ် အသီးသီးဖြစ်ပေါ်ခဲ့ ပါတယ်။ မြေပဲဈေးလည်း ယခုအပတ်အတွင်း အနည်းငယ်အေးခဲ့ရာ မြေပဲလုံးဆံတစ်တတင်း ၂၉၀၀၀ ကျပ်မှ ၂၇၅၀၀ ကျပ်၊ ၂၈၅၀၀ ကျပ်၊ မြေပဲဆံနီတစ်ပိဿာ ၁၉၇၅ ကျပ်မှ ၁၉၇၀ ကျပ်၊ မြေပဲဆံဖြူတစ်ပိဿာ ၁၇၀၀ ကျပ်မှ ၁၆၃၀ ကျပ် အသီးသီးဖြစ်ပေါ်ခဲ့ပါတယ်။ စားဆီဈေးကွက်လည်း ဆက်လက်အေးလျက်ရှိပြီး၊ မြေပဲဆီ တစ်ပိဿာ ၃၅၅၀ ကျပ်မှ ၃၄၀၀ ကျပ်၊ နှမ်းဆီတစ်ပိဿာ ၂၁၅၀ ကျပ်မှ ၂၀၅၀ ကျပ်၊ စားအုန်းဆီတစ်ပိဿာ ၁၉၃၀ ကျပ်မှ ၁၈၆၀ ကျပ် အသီးသီးဈေးပေါက်ခဲ့ တယ်လို့ဆိုပါတယ်။ အရောင်းအဝယ်အားဖြင့် မုံရွာကုန်စည်ဒိုင်မှာ ယခုတစ်ပတ်အတွင်း တစ်ရက်နှမ်းတင်း ၁၅၀၀-၂၀၀၀ ခန့် နဲ့ မြေပဲတင်း ၁၀၀၀ ခန့် အရောင်းအဝယ်ဖြစ်လျက် ရှိတယ်လို့ ဈေးကွက်ကဆိုပါတယ်။
ထွန်းလှိုင်-မုံရွာ
ပြည်မြို့ရဲ့ ပဲဈေးကွက်များ မတ်ပဲဈေးအေးနေခဲ့ရာမှ ယခုရက်မှာ ဈေးအနည်းငယ် ပြန်လှုပ်လာတာကို တွေ့ရပြီး တစ်တင်းကို(၁၇၀၀၀)ကျပ် ဈေးရှိတယ်လို့သိရပါတယ်။ ပြည်သို့မတ်ပဲအဝင်ပါးလာပြီး ကုန်သည်များ လက်ဝယ်ရှိ လက်ကျန်ပဲများနဲ့ အပ်ပဲသမားများသာ ထုတ်ရောင်းကြတယ်လို့ ပဲကုန်သည် တစ်ဦးကပြောပါတယ်။ ရန်ကုန်ဝယ်လက် အဝယ်ရှိနေပြီး၊ တစ်နေ့ကို အိတ် ၃၀၀-၄၀၀ ခန့် အဝယ်ရှိတယ်လို့ သိရပါတယ်။ ရန်ကုန်- ဘုရင့်နောင်သို့ ပဲခူးတိုင်းဒေသကြီးအနောက်မှ မတ်ပဲတင်ပို့မှုကတော့ ယခင်တစ်ပတ်ကထက် ယခုတစ်ပတ် ပဲတင်ပို့မှုများပြီး တစ်နေ့ကို အိတ် ၄၀၀၀ ကျော်ခန့် တင်ပို့နိုင်ခဲ့တယ်လို့သိရပါတယ်။
မိမိအေး၊ ပြည်
မန္တလေးတိုင်း ကျောက်ဆည်မြို့နယ်မှာ ဆီထွက်သီးနှံနဲ့ ဆီဈေးနှုန်းများကတော့ ဆီထွက်သီးနှံဈေးအေးပြီး ဆီဈေးငြိမ်ပါတယ်။ သြဂုတ်လ ပထမပတ်မှာ မြေပဲတောင့် ဈေးနှုန်းဟာ တစ်တင်းကို ၆၀၀၀ ကျပ်၊ နှမ်းဖြူ တစ်တင်း ၂၅၅၀၀ ကျပ်၊ နှမ်းညို တစ်တင်း ၁၆၂၀၀ ကျပ်၊ နှမ်းနက် တစ်တင်း ၂၂၀၀၀ ကျပ်ဈေးနှုန်းနဲ့ ပဲဆီတစ်ပိဿာ ၄၀၀၀ ကျပ်၊ နှမ်းဆီတစ်ပိဿာ ၂၄၀၀ ကျပ်၊ စားဆီ တစ်ပိဿာ ၂၀၀၀ ကျပ်ဈေးနှုန်းရှိပြီး သြဂုတ်လ ဒုတိယပတ်မှာ ဆီထွက်သီးနှံနဲ့ ဆီဈေးနှုန်းများဟာ မြေပဲတောင့် တစ်တင်း ၆၀၀၀ ကျပ်၊ နှမ်းဖြူ တစ်တင်း ၂၄၀၀၀ ကျပ်၊ နှမ်းညိုတစ်တင်း ၁၅၈၀၀ ကျပ်၊ နှမ်းနက်တစ်တင်းကို ၂၁၀၀၀ ကျပ်ဈေးနှုန်းရှိပြီး ပဲဆီ တစ်ပိဿာ ၄၀၀၀ ကျပ်၊ နှမ်းဆီတစ်ပိဿာ ၂၄၀၀ ကျပ်၊ စားဆီတစ်ပိဿာ ၂၀၀၀ ကျပ်ဈေးနှုန်းရှိပါတယ်။ ယခုအပတ်မှာ ဆီထွက်သီးနှံ ဈေးနှုန်းများသာ အနည်းငယ်ကျဆင်းနေသော်လည်း ဆီဈေးနှုန်းများမှာ သိသိသာသာ ပြောင်းလဲခြင်းမရှိပဲ ဈေးငြိမ်နေကြောင်း သိရပါတယ်။
နှင်းလဲ့လဲ့ - ကျောက်ဆည်
ပြည်ဈေးကွက်သို့ အောင်လံနဲ့ မြန်အောင်ဘက်မှ မိုးနှမ်းအသစ်များကို တစ်နေ့ အိတ် ၂၀၀ ခန့် ဝင်ရောက်သဖြင့် ယခင်အပတ်ထက် အဝင်နည်းနေတာတွေ့ရပါတယ်။ ပြည်ဈေးကွက်တွင် မိုးများအဆက်မပြတ် ရွာနေသဖြင့် အရောင်းအဝယ်မှာ အနည်းငယ် အေးနေတာ တွေ့ရပါတယ်။ အခြားတိုင်းမှ အဝယ်မရှိဘဲ မြို့ခံဆီစက် များသာ အဝယ်ရှိနေသဖြင့် ဈေးမှာငြိမ်နေတာတွေ့ရပါတယ်။ ဆီကြိတ်နှမ်းနီ ၄၅ ပိဿာ တစ်အိတ်လျှင် ၅၄၀၀၀ ကျပ်နှင့် နှမ်းနက် ၄၅ ပိဿာ၊ တစ်အိတ်လျှင် ၆၅၀၀၀ ကျပ်ဖြင့် ယခင် အပတ်ထက် ဈေးငြိမ်နေတာတွေ့ရပါတယ်။ နှမ်းဆီ တစ်ပိဿာလျှင် ၂၇၀၀ ကျပ်ဈေးဖြင့် တစ်နေ့လျှင် ၃ ပေပါခန့် အရောင်းအဝယ် ဖြစ်လျက် ရှိပါတယ်။
ဝေေ၀မင်း